ମାଇକ୍ରୋ ବ୍ଲଗିଂ ସାଇଟ୍ ଟ୍ୱିଟର ଦୀର୍ଘ ଦିନ ଧରି ଏହାର ପ୍ଲାଟଫର୍ମରେ ମିଥ୍ୟା ଖବର ଏବଂ ଭୁଲ ତଥ୍ୟ ବନ୍ଦ କରିବାକୁ ଚେଷ୍ଟା କରିଆସୁଛି । ତେବେ ଏହା ମଧ୍ୟରେ ଭୁଲ ତଥ୍ୟ ଯାଞ୍ଚ କରିବା ପାଇଁ ଟ୍ୱିଟର ଏକ ନୂଆ ଟୁଲ ପ୍ରସ୍ତୁତ କରୁଛି ଯାହାର ନାମ ହେଉଛି ବାର୍ଡୱାଚ୍ ।
ଏହି ଫିଚର ସାହାଯ୍ୟରେ ଟ୍ୱିଟର ବ୍ୟବହାରକାରୀମାନେ ଯେକୌଣସି ଟୁଇଟକୁ ଫ୍ଲାଗ୍ କରିବାକୁ ସମର୍ଥ ହେବେ ଏବଂ ଯଦି ଏହା ବିଷୟରେ କୌଣସି ସଠିକ୍ ସୂଚନା ଥାଏ ତେବେ ଏହି ବିଷୟରେ ଟ୍ୱିଟରକୁ ଏକ ନୋଟ୍ ମଧ୍ୟ ପଠାଇ ପାରିବେ । ଅନେକ ସୋସିଆଲ୍ ମିଡିଆ ମ୍ୟାନେଜର୍ସ ମାନେ ଟ୍ୱିଟରର ଏହି ଫିଚରର ସ୍କ୍ରିନସଟ୍ ସେୟାର କରିଛନ୍ତି, ଯାହା ଅନୁଯାୟୀ ଯଦି ଆପଣ ଏକ ଟ୍ୱିଟ୍ ଉପରେ ସନ୍ଦେହ କରୁଛନ୍ତି ତେବେ ଆପଣ ତାକୁ Add to Birdwatch କରିପାରିବେ । ଏହା ପରେ ଆପଣଙ୍କୁ କିଛି ପ୍ରଶ୍ନ ମଧ୍ୟ ପଚରାଯିବ ।
ୱାର୍ଡୱାଚରେ ଏକ ନୋଟ୍ ସହିତ ଯେକୌଣସି ଟୁଇଟକୁ ଆଡ଼ କରିବା ପରେ ଅନ୍ୟ ୟୁଜର୍ସମାନେ ମଧ୍ୟ ଏହାକୁ ଦେଖିପାରିବେ ଏବଂ ଏହା ଉପରେ ନିଜର ମତାମତ ରଖିପାରିବେ । ଯଦିଓ ଟ୍ୱିଟରର ଏହିଫିଚର ଏପର୍ଯ୍ୟନ୍ତ ଲାଇଭ୍ ହୋଇନାହିଁ କିନ୍ତୁ ଏନେଇ ଅନେକ ପ୍ରଶ୍ନ ସୃଷ୍ଟି ହୋଇଛି ।
ଯେପରିକି ଏହି ଫିଚର ସମସ୍ତଙ୍କ ପାଇଁ ଉପଲବ୍ଧ ହେବ କି କେବଳ ନ୍ୟୁଜ ପବ୍ଲିଶର୍ସମାନଙ୍କ ପାଇଁ ଉପଲବ୍ଧ ହେବ ? ଏହା ବ୍ୟତୀତ, ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ ଯେ ଯେଉଁ ଟ୍ୱିଟ୍ ଫ୍ଲାଗ୍ ହେବ ତାକୁ ଟ୍ୱିଟର ଯାଞ୍ଚ କରିବ କି ନାହିଁ ? ଯଦି କରିବ ଏହାକୁ କେତେ ଦିନ ପର୍ଯ୍ୟନ୍ତ କରିବ ? ତେବେ ଟ୍ୱିଟରର ଏହି ଫିଚର କେବେ ଲାଇଭ୍ ହେବ ସେ ସମ୍ବନ୍ଧରେ କୌଣସି ସୂଚନା ମିଳିନାହିଁ ।
ଗ୍ରୀଷ୍ମ ଋତୁ ଆସିବା ସହିତ ଇଲେକ୍ଟ୍ରୋନିକ୍ ଡିଭାଇସରେ ଅଗ୍ନି ଏବଂ ବିସ୍ଫୋରଣ ଘଟଣା ମଧ୍ୟ ବଢ଼ିବାରେ ଲାଗିଛି । ଶୀତ…
ଭୁବନେଶ୍ୱର : ଅମାନିଆଙ୍କୁ କମିସନରେଟ ପୋଲିସର ଆକ୍ସନ । ଗାଡ଼ି ଚଲାଇବା ସମୟରେ ମୋବାଇଲରେ କଥା ହେଉଥିବା ବେଳେ ଗାଡ଼ି…
ଆଜିକାଲି ରୋଗରେ ପିଡ଼ିତ ହେବା ସାଧାରଣ କଥା ହୋଇଗଲାଣି । ଷ୍ଟୋନ୍ ଆଉ ଟ୍ୟୁମର ପ୍ରାୟତଃ ସମସ୍ତଙ୍କୁ ହେଉଛି ।…
ଅରୁଣାଚଳ ପ୍ରଦେଶ ବିଧାନସଭା ନିର୍ବାଚନରେ ବାଜି ମାରିଛି ବିଜେପି । ବିଜେପି ପୁଣିଥରେ ଅରୁଣାଚଳ ପ୍ରଦେଶରେ ୪୬ ସିଟରେ ବିଜୟ…
ଯେତେବେଳେ ବି ଆମେ କୌଣସି କାର୍ଯ୍ୟ କରିବା ପାଇଁ ବାହାରିଥାଉ, ଆମ ମୂଳ ଉଦ୍ଦେଶ୍ୟ ହୋଇଥାଏ ସେହି କାର୍ଯ୍ୟକୁ ସଂପୂର୍ଣ୍ଣ…
କାଲିମେଳା : ଘରେ ମୋବାଇଲ ଆଉ ବାଇକ୍ ଅଛି । ହେଲେ ଘରେ ନାହାଁନ୍ତି ଡାକ୍ତର ବାବୁ । ଗତକାଲି…