ଭିଭୋ ଲଞ୍ଚ କଲା କମ ଦାମରେ ବଢ଼ିଆ ସ୍ମାର୍ଟଫୋନ, ଜାଣନ୍ତୁ କଣ ରହିଛି ଫିଚର୍ସ

ଭିଭୋ ନିଜର ମିଡ ରେଞ୍ଜ ସ୍ମାର୍ଟଫୋନ ଲଞ୍ଚ କରିଛି । ଯାହାର ନାମ ହେଉଛି Vivo Y36 ଯାହା 2.5D କର୍ଭଡ ଗ୍ଲାସ ସହିତ ଆସିଛି । ଏହା ଦୁଇଟି କଲରରେ ଲଞ୍ଚ ହୋଇଛି । ଭିଭୋର ଏହି ଲାଟେଷ୍ଟ ଫୋନ, ସ୍ନାପଡ୍ରାଗନ 680 SoC ଦ୍ୱାରା ଚାଲିଥାଏ ଏବଂ ଏହା 8GB RAM ସହିତ ଯୋଡ଼ି ହୋଇଛି । ଫୋନରେ ପାଓ୍ଵାରଫୁଲ ବ୍ୟାଟେରୀ ଏବଂ 50MP ର କ୍ୟାମେରା ରହିଛି । ତେବେ Vivo Y36 ର ଦାମ କେତେ ରହିଛି ଏବଂ କଣ ଫିଚର୍ସ ରହିଛି ଆସନ୍ତୁ ଜାଣିବା ।

ଭିଭୋ Y36 ହେଉଛି ଏକ ଦମଦାର ଫୋନ ଯେଉଁଥିରେ 90Hz ରିଫ୍ରେସ ରେଟ ଏବଂ 240Hz ଟଚ୍‌ ସାମ୍ପଲିଙ୍ଗ ରେଟ ସହ 6.64 ଇଞ୍ଚର ଫୁଲ HD + LCD ଡିସପ୍ଲେ ଦିଆଯାଇଛି । ଆଣ୍ଡ୍ରଏଡ ଉପରେ ଆଧାରିତ ଏହି ଫୋନ ଟଚ୍‌ OS 13 ଆପଣ ବ୍ୟବହାର କରି ପାରିବେ । ଆପଣ 8GB RAM ଏବଂ ଅଧିକ RAM ଥିବା ଏକ ଶକ୍ତିଶାଳୀ ଅକ୍ଟ୍ରା- କୋର ସ୍ନାପଡ୍ରାଗନ 680 SoC ପାଇବେ ।

ତେବେ ଏହି ସ୍ମାର୍ଟଫୋନରେ ଡୁଆଲ ରିୟର କ୍ୟାମେରା ସେଟଅପ୍‌ ରହିଛି, ଯେଉଁଥିରେ 50-ମେଗାପିକ୍ସେଲର ପ୍ରାଇମେରୀ ସେନ୍ସର f/1.8 ଲେନ୍ସ ରହିଛି । ଏଥିରେ ଏକ 2 ମେଗାପିକ୍ସେଲର ବୋକେ ସୁଟର ରହିଛି । ସେଲଫି ପାଇଁ ଏହି ସ୍ମାର୍ଟଫୋନରେ 16 ମେଗାପିକ୍ସେଲର ଫ୍ରଣ୍ଟ କ୍ୟାମେରା ରହିଛି । ଏହି କ୍ୟାମେରା ସେଟଅପ ସୁପର ନାଇଟ ମୋଡ, ମଲ୍ଟି ଷ୍ଟାଇଲ ପୋଟ୍ରେଟ୍‌ ଏବଂ ଫ୍ଳେୟର ପୋଟ୍ରେଟ୍‌ ଭଳି ବିଭିନ୍ନ ଫଟୋଗ୍ରାଫି ମୋଡ୍‌କୁ ମଧ୍ୟ ସପୋର୍ଟ କରେ ।

ଏହି Vivo Y36 ସ୍ମାର୍ଟଫୋନରେ ବ୍ୟାଟେରୀ ପାଓ୍ଵାର ଭଲ ରହିଛି । ଏଥିରେ 5,000mAh ବ୍ୟାଟେରୀ ରହିଛି, ଯାହା 44W ଫାଷ୍ଟ ଚାର୍ଜିଙ୍ଗକୁ ସପୋର୍ଟ କରିଥାଏ । ଏହା ସାହାଯ୍ୟରେ ୧୫ ମିନିଟରେ ହିଁ ଆପଣଙ୍କ ବ୍ୟାଟେରୀ ଜିିରୋରୁ ୩୦% ପର୍ଯ୍ୟନ୍ତ ଚାର୍ଜ ହୋଇଥାଏ ।