ପର୍ସରେ ଟଙ୍କା ନାହିଁ କି ATM କାର୍ଡ ବି ନାହିଁ ତାହେଲେ ଚିନ୍ତା କରନ୍ତୁନି, ନିଜ ନଖ ସାହାଯ୍ୟରେ ବି ଏଣିକି କରିପାରିବେ ପେମେଣ୍ଟ

ଯଦି ଆପଣଙ୍କ ହାତରେ କ୍ୟାସ ନାହିଁ କିମ୍ବା ଆପଣ ନିଜ ଏଟିଏମ କାର୍ଡ ଘରେ ଛାଡ଼ିଆସିଛନ୍ତି । ତେବେ ଆପଣ ଟେନ୍ସନ ନେଇଯାଆନ୍ତି ନା | କଣ କରିବେ ଦରକାର ପଡିଲେ ପଇସା କୋଉଠୁ ଆଣିବେ । କିନ୍ତୁ ଆପଣଙ୍କୁ ଆଉ ଟେନ୍ସନ ନେବା ଦରକାର ନାହିଁ । ଆପଣ ନିଜ ନଖ ସାହାଯ୍ୟରେ ବି ଖୁବ ସହଜରେ ସପିଙ୍ଗ କରିପାରିବେ । କଣ ହେଲା ତାଯୁବ ହୋଇଗଲେକି । କିନ୍ତୁ ଦୁବାଇରେ ଘଟିଛି ଏମିତି ଏକ ଘଟଣା । ଦୁବାଇର ଏକ ବ୍ୟୁଟି ସେଲୁନ ନଖରେ ଏକ ପ୍ରକାର ମାଇକ୍ରୋଚିପ ଲଗାଇ ଦେଉଛନ୍ତି ।  ଯାହାକୁ ଏକ ଡିଜିଟାଲ ବିଜିନେସ କାର୍ଡ ଭାବରେ ବ୍ୟବହାର କରାଯାଇ ପାରିବ | ଆଉ ଏହାକୁ ସପିଙ୍ଗ କାର୍ଡ ଭାବରେ ବି ଉପଯୋଗ କରାଯାଇପାରିବ । ଖାଲି ସେତିକି ନୁହେଁ ଇନ୍ଷ୍ଟଗ୍ରାମରେ ସୂଚନା ଆଦାନ ପ୍ରଦାନ ବି କରାଯାଇପାରିବ । ନଖରେ ଲଗାଯାଇଥିବା ମାଇକ୍ରୋଚିପ ନିୟର ଫିଲ୍ଡ କମ୍ୟୁନିକେସନ ଟେକନିକ ଆଧାରରେ ହିଁ କାମ କରିଥାଏ ।

ଉକ୍ତ ସେଲୁନର ମାଲିକ ଏବାବଦରେ କହିଛନ୍ତିକି ଏଯାବତ ସେ ପ୍ରାୟ 500 ମାଇକ୍ରୋଚିପ ପ୍ରସ୍ତୁତ କରିସାରିଲେଣି । ଆଗକୁ ଏହାକୁ ଆହୁରି କେମିତି ଅଧିକ ଛୋଟ ଆକାରର ବନାଯାଇପାରିବ ସେନେଇ ଚେଷ୍ଟା ଜାରିରହିଛି । ଆଗକୁ ଏହି ନେଲ ମାଇକ୍ରୋଚିପର ଅନ୍ୟାନ ଭେରାଇଟି ମାନ ପ୍ରସ୍ତୁତ କରାଯିବ । କୌଣସି ଏକ ରେଶତୃରାନ୍ତ ମେନୁକୁ ଏହିପରି ଡିଜିଟାଲ ମାଧ୍ୟମରେ ଲଞ୍ଚ କରାଯିବା ନେଇ ଲକ୍ଷ ରଖାଯାଇଥିବା ନେଇ ସେ କହିଛନ୍ତି । ଏହି ମାଇକ୍ରୋଚିପର ଉପଯୋଗ Android ତଥା ios ସଫଟୱେୟାର ପ୍ରଣାଳୀରେ କରାଯାଇ ଆସୁଛି । ବ୍ୟବହାର କରୁଥିବା ବ୍ୟକ୍ତି ଜଣଙ୍କ ଯାହାବି ଜାଣିବାକୁ ଚାହୁଁଛନ୍ତି ଏହା ସାହାଯ୍ୟରେ ଜାଣିପାରିବେ ।

କେମିତି କରାଯାଏ ବ୍ୟବହାର:

ନେଲ ସର୍ଭିସର ଆରମ୍ଭ ପ୍ରଥମେ ଜେଲ ପଲିସ କୋଟରୁ କରାଯାଇଥାଏ । ପରେ ଭର୍ତ୍ତି ହୋଇଥିବା ଚିପକୁ ତଳେ ଲଗାଯାଇଥାଏ | ଏବେ ନଖକୁ ଏକ ନେଲପଲିସ କୋଟ ଲଗାଇ ଘୋଡାଇ ଦିଆଯାଏ । ଚିପରେ ଦିଆଯାଇଥିବା ତଥ୍ୟ ଗୁଡିକୁ ଡିଜିଟାଲ ବିଜନେସ କାର୍ଡ ଭାବରେ ବ୍ୟବହାର କରାଯାଏ । ବ୍ୟକ୍ତିଙ୍କ ନାଁ, ମୋବାଇଲ ନମ୍ବର, ସୋସିଆଲ ମିଡ଼ିଆ ଆକାଉଣ୍ଟ ଆଦିକୁ ଇଂସ୍ଟଲ କରାଯାଇଥାଏ । ଯାହାଦ୍ୱାରା ଆପଣ ଅତି ସହଜରେ ତଥ୍ୟ ଗୁଡିକୁ ଆକ୍ସେସ କରିବା ସହ ସେୟାର କରିପାରିବେ । ଗ୍ରାହକ ମାନେ ଏହି ହାଇଟେକ ଚିପରେ ନିଜ ୱେବସାଇଟ, ସୋସିଆଲ ମିଡ଼ିଆ ଓ ସମ୍ପର୍କକୁ ଡାଉନଲୋଡ଼ କରିପାରିବେ ।