ଭୁବନେଶ୍ବର : ବିଜେଡି ସରକାରକୁ ଆସିଲେ, ପ୍ରଥମ ଦିନରେ ୨୫ ଲକ୍ଷ ଚାଷୀଙ୍କୁ ଦେବ ବକେୟା ୧୦ ହଜାର ଟଙ୍କା କାଳିଆ ସହାୟତା । ଦୁଇଟି କିସ୍ତି ଟଙ୍କା ଏକାଥରକେ ପ୍ରଦାନ କରାଯିବ। ଜୟପୁର ନିର୍ବାଚନ ସଭାରେ ଏହି ଘୋଷଣା କରିଛନ୍ତି ବିଜେଡି ସୁପ୍ରିମୋ । ନବୀନ କହିଛନ୍ତି, ବିଜେଡି ନିର୍ବାଚନ ଇସ୍ତାହାରର ଏକ ନମ୍ବର ଏଜେଣ୍ଡାରେ ରହିଛି କୃଷକ କଲ୍ୟାଣ। ଏପର୍ଯ୍ୟନ୍ତ କାଳିଆ ଯୋଜନାରେ ୪୦ ଲକ୍ଷ ଚାଷୀ ଉପକୃତ ହୋଇଛନ୍ତି । ପ୍ରସ୍ତୁତ ହୋଇଛି ଆଉ ୨୫ ଲକ୍ଷ ଚାଷୀଙ୍କ ତାଲିକା । ସେମାନେ ସମସ୍ତେ ଯୋଜନାର ସୁଫଳ ପାଇବେ। କେହି ବି ବାଦ୍ ପଡ଼ିବେ ନାହିଁ।
ଆଜି ଲାଲଗଡ଼ରେ ପ୍ରଚାର ଶଙ୍ଖ ଫୁଙ୍କିଛନ୍ତି ବିଜେଡି ସୁପ୍ରିମୋ । ଅବିଭକ୍ତ କୋରାପୁଟ ଜିଲ୍ଲାରେ ମାରାଥନ୍ କ୍ୟାମ୍ପେନ୍ କରିଥିଲେ ନବୀନ । ପ୍ରଥମେ ପହଞ୍ଚିଥିଲେ କାଲିମେଳାରେ। କେନ୍ଦ୍ରୀୟ ଅବହେଳା ପ୍ରସଙ୍ଗ ଉଠାଇ ବିଜେପି ଓ କେନ୍ଦ୍ର ଉପରେ ବର୍ଷିଥିଲେ। ନବୀନ କହିଥିଲେ, ବନ୍ୟା ବାତ୍ୟା ବେଳେ ଦେଖାଦେଲେନି। ଭୋଟ ସମୟରେ ବିଜେପିର ବଡ଼ ବଡ଼ ନେତାମାନେ ଆସିବେ। ତାପରେ ଦେଖା ମିଳିବ ନାହିଁ। ଓଡ଼ିଶା ପାଇଁ ସେମାନେ କେବଳ କୁମ୍ଭୀର କାନ୍ଦଣା କାନ୍ଦୁଛନ୍ତି । ପ୍ରଶ୍ନ କରିଥିଲେ, କେବିକେ ଯୋଜନା ବନ୍ଦ କଲା କିଏ ? ଗରିବ ଅନୁସୂଚିତ ଜାତି ଓ ଜନଜାତି ପିଲାଙ୍କ ମେଧାବୃତ୍ତି ବନ୍ଦ କଲା କେନ୍ଦ୍ର। ନବୀନ କହିଛନ୍ତି, ସାଢ଼େ ୪ କୋଟି ଓଡ଼ିଆବାସୀ ମୋ ପରିବାର। ମୁଁ ଆପଣମାନଙ୍କ ସହିତ ରହିଛି ଓ ରହିବି। ବିଜେଡି ପ୍ରାର୍ଥୀଙ୍କୁ ଶଙ୍ଖ ଚିହ୍ନରେ ଭୋଟ୍ ଦେବାକୁ ନିବେଦନ କରିଥିଲେ।
ଆସନ୍ତା ୧୧ ତାରିଖରେ ପ୍ରଥମ ପର୍ଯ୍ୟାୟରେ କୋରାପୁଟ ଓ ନବରଙ୍ଗପୁର ଲୋକସଭା କ୍ଷେତ୍ରରେ ଭୋଟ୍ ନିଆଯିବ। ଦଳୀୟ ପ୍ରାର୍ଥୀଙ୍କ ପାଇଁ ଆଜି କ୍ୟାମ୍ପେନ କରିଛନ୍ତି ନବୀନ । କାଲିମେଳା, ମାଥିଲି, ପଟ୍ଟାଙ୍ଗୀ, ଦଶମନ୍ତପୁରରେ ମାରାଥନ୍ ପ୍ରଚାର କରିଛନ୍ତି। ଦିନ ପାଖେଇବା ସହ ବିଜେଡି ନେତା, କର୍ମୀ ଓ ଭୋଟର ଉତ୍ସାହିତ ଅଛନ୍ତି।
କୋରାପୁଟ ଲୋକସଭା ଆସନରେ ବିଜେଡି ପ୍ରାର୍ଥୀ ଅଛନ୍ତି କୌଶଲ୍ୟା ହିକକା । କୋରାପୁଟର ବିଧାନସଭାର ପାଇଁ ରଘୁରମା ପଡେଲ, ପଟ୍ଟାଙ୍ଗୀରେ ପ୍ରୀତମ ପାଢୀ, ଲକ୍ଷ୍ମୀପୁରରେ ପ୍ରଭୁ ଜାନୀ, ଜୟପୁରରେ ରବି ନାରାୟଣ ନନ୍ଦ ବିଜେଡି ପ୍ରାର୍ଥୀ ହୋଇଛନ୍ତି । ସେହିପରି ମାଲାନଗିରିରୁ ପ୍ରାର୍ଥୀ ଅଛନ୍ତି ମୁକୁନ୍ଦ ସୋଡି ଓ ଚିତ୍ରକୋଣ୍ଡାରୁ ପ୍ରାର୍ଥୀ ଅଛନ୍ତି ପୂର୍ଣ୍ଣଚନ୍ଦ୍ର ବାକା ।
ମେଷ: ଆପଣଙ୍କର କିଛି ନୂଆ କାମରେ ରୁଚି ବଢିବ । ଆଥିକ ସ୍ଥିତି ପୂର୍ବ ଅପେକ୍ଷା ସୁଦୃଢ ହେବ ।…
ଆସନ୍ତା ୨୦ ତାରିଖରେ ହେବ ବିଧାନସଭା ବାଚସ୍ପତି ନିର୍ବାଚନ। ୧୯ ତାରିଖରେ ବାଚସ୍ପତି ପଦ ପାଇଁ ନମାଙ୍କନ ଦାଖଲ ହେବ…
ଭୁବନେଶ୍ୱର (କେନ୍ୟୁଜ): ପ୍ରତିବର୍ଷ ପରି ଚଳିତ ବର୍ଷ ଟାଇମ୍ସ ହାଇଅର ଏଜୁକେସନ୍ ଇମ୍ପାକ୍ଟ (ସାମାଜିକ ପ୍ରଭାବ) ରାଙ୍କିଙ୍ଗ ପ୍ରକାଶ ପାଇଛି।…
କରଞ୍ଜିଆ : ମୟୁରଭଞ୍ଜ ଜିଲ୍ଲାର କରଞ୍ଜିଆ ଉପଖଣ୍ଡରେ ଅପରାହ୍ନରେ କିଛି କିଛି ସ୍ଥାନରେ ଘଡଘଡି ସହିତ ହାଲୁକା ବର୍ଷା ଲାଗି…
କଟକ (କେନ୍ୟୁଜ୍) : ଜୀବନ ବଞ୍ଚାଇ ଦେଲେ ରମେଶ। କଟକ ରେଳବାଇ ପୋଲିସ୍ କର୍ମଚାରୀଙ୍କ ସାହସିକତା ପାଇଁ ବଞ୍ଚି ଗଲା…
ଭୁବନେଶ୍ୱର: ଚାରିଆଡ଼େ ପରିବର୍ତ୍ତନର ସ୍ୱର । ଓଡ଼ିଶା ରାଜନୀତିରେ ହୋଇଛି ବଡ଼ ପରିବର୍ତ୍ତନ । ଦୀର୍ଘ ୨୪ ବର୍ଷ ଧରି…