ଯଦି ଆପଣ ନିଜର ନିବେଶକୁ ଦୁଇଗୁଣା କରିବା ଚାହୁଁଛନ୍ତି, ତେବେ ପୋଷ୍ଟ ଅଫିସର କିସାନ ବିକାଶ ପତ୍ର ଯୋଜନାରେ ନିବେଶ କରିପାରିବେ। ପୋଷ୍ଟ ଅଫିସର ଏହି ଯୋଜନାରେ ନିବେଶ କରିବା ପରେ ନିବେଶକଙ୍କୁ ନିଜ ପଇସା ସୁରକ୍ଷିତ ସହିତ ଭଲ ରିଟର୍ଣ୍ଣର ଗ୍ୟାରେଣ୍ଟି ମଧ୍ୟ ମିଳିଥାଏ। ଏହି ଯୋଜନା ପାଇଁ ସୁଧ ହାର ଏବଂ ନିବେଶର ଦୁଇଗୁଣା ହେବାର ଅବଧି ସରକାରଙ୍କ ଦ୍ୱାରା ତିନିମାସ ଆଧାରରେ ଧାର୍ଯ୍ୟ କରାଯିବ। ଏହି ଯୋଜନାର ମ୍ୟାଚୁରିଟି ଅବଧି ୧୨୪ ମାସ ଅର୍ଥାତ ୧୦ ବର୍ଷ ଏବଂ ୪ ମାସରେ ଆପଣଙ୍କ ନିବେଶ ଦୁଇଗୁଣା ହୋଇଯିବ।
କିସାନ ବିକାଶ ପତ୍ର ଯୋଜନାରେ ନିବେଶ କରିବା ବ୍ୟକ୍ତିଙ୍କ ବୟସ ସୀମା ୧୮ ବର୍ଷରୁ ଅଧିକ ହୋଇଥିବା ଆବଶ୍ୟକ। ଏହି ଯୋଜନାରେ ସିଙ୍ଗଲ ଆକାଉଣ୍ଟ ଛଡା ଜଏଣ୍ଟ ଆକାଉଣ୍ଟ ର ମଧ୍ୟ ସୁବିଧା ରହିଛି। ସେହିଭଳି ଏହି ଯୋଜନା ନାବାଳିକଙ୍କ ପାଇଁ ମଧ୍ୟ ରହିଛି\ ଯାହାର ଦେଖାଶୁଣା ଅଭିଭାବକଙ୍କୁ କରିବାକୁ ହେବ । ଏହି ଯୋଜନା ହିନ୍ଦୁ ଅଭିବାଜିତ ପରିବାର ଅର୍ଥାତ୍ HUF, NRI ଏବଂ ଟ୍ରଷ୍ଟକୁ ଛାଡି ଆଉ ସମସ୍ତଙ୍କ ପାଇଁ ଲାଗୁ। ଏହି ଯୋଜନାରେ ୧୦୦୦ ଟଙ୍କା, ୫୦୦୦ ଟଙ୍କା ଏବଂ ୧୦ ହଜାର ଟଙ୍କା, ୫୦ ହଜାର ଟଙ୍କା ପର୍ଯ୍ୟନ୍ତ ସାର୍ଟିଫିକେଟ ରହିଛି, ଯାହାକୁ କିଣାଯାଇପାରିବ।
କେବଳ ସେତିକି ନୁହେଁ ଏହି ଯୋଜନାରେ ୨୦୨୧ ବର୍ଷର ପ୍ରଥମ ତିନି ମାସର ସୁଧ ହାର ୬.୯ ପ୍ରତିଶତ ଧାର୍ଯ୍ୟ କରାଯାଇଛି। ଏହା ଆପଣଙ୍କ ନିବେଶକୁ ୧୨୪ ମାସରେ ଦ୍ୱିଗୁଣା କରିବ। ଯଦି ଆପଣ ଏକସାଙ୍ଗରେ ୧ ଲକ୍ଷ ଟଙ୍କା ନିବେଶ କରୁଛନ୍ତି, ତେବେ ଆପଣ ମ୍ୟାଚୁରିଟିରେ ୨ ଲକ୍ଷ ଟଙ୍କା ପାଇବେ । ଏହାଛଡା ଯୋଜନାରେ ଜାରି କରାଯାଇଥିବା ତାରିଖକୁ ଅଢେଇ ବର୍ଷ ପରେ ବଢାଇ ଦିଆଯାଇପାରିବ। ଏହି ଯୋଜନାକୁ ଗୋଟେ ପୋଷ୍ଟ ଅଫିସରୁ ଅନ୍ୟ ପୋଷ୍ଟ ଅଫିସରୁ ସ୍ଥାନନ୍ତର ମଧ୍ୟ କରାଯାଇପାରିବ। କିସାନ ବିକାଶ ପତ୍ର ଯୋଜନାକୁ ମଧ୍ୟ ଜଣେ ବ୍ୟକ୍ତି ଅନ୍ୟ ଜଣଙ୍କ ନାମରେ ସ୍ଥାନାନ୍ତରଣ କରିପାରିବେ। ଏଥିରେ ନୋମିନେସନ ପ୍ରକ୍ରିୟାର ମଧ୍ୟ ସୁବିଧା ରହିଛି। କିସାନ ବିକାଶ ପତ୍ରକୁ ପାସବୁକ୍ ଆକାରରେ ଜାରି ମଧ୍ୟ କରାଯିବ।
ଆମେରିକାର ଲାସ୍ ଭେଗାସ୍ ସହରରେ ଥିବା ଏକ ଆପାର୍ଟମେଣ୍ଟ ପରିସରରେ ଆଖିବୁଜା ଗୁଳିମାଡ କଲା ଦୁର୍ବୃତ୍ତ । ଗୁଳିକାଣ୍ଡରେ ୫…
ଭୁବନେଶ୍ୱର: ଆଜି ଦିଲ୍ଲୀ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ମୁଖ୍ୟମନ୍ତ୍ରୀଙ୍କ ସହ ଦୁଇ ଉପ ମୁଖ୍ୟମନ୍ତ୍ରୀ କେଭି ସିଂଦେଓ…
ପୁରୀ: ମହାପ୍ରଭୁଙ୍କ ଅନବସର ନୀତିର ଆଜି ପଞ୍ଚମ ଦିନ । ଚାଲିଛି ପ୍ରଭୁଙ୍କ ସେବା ପୂଜା । ଆଜି ମହାପ୍ରଭୁଙ୍କ…
ରାଉରକେଲା : ରାଉରକେଲା ଲୋକୋ ପାଇଲଟଙ୍କୁ ଅପହରଣ ଘଟଣା । ୩ ଅଭିଯୁକ୍ତ ଗିରଫ । ଭୁବନେଶ୍ଵରରୁ ଗିରଫ କଲା…
ସରକାରଙ୍କ ପ୍ରସ୍ତାବିତ ଟିକସ ବୃଦ୍ଧି ପ୍ରତିବାଦରେ କେନିଆରେ ହିଂସାତ୍ମକ ବିରୋଧ ପ୍ରଦର୍ଶନ ହେଉଛି । ଏହି ହିଂସାରେ ନାଇରୋବିରେ ୫…
କଟକ: କଟକ ସହରରେ ଦୂର ହେବ ଟ୍ରାଫିକ ସମସ୍ୟା । ସହର ମଧ୍ୟରେ ଯାନବାହନର ସୁରକ୍ଷିତ ଚଳାଚଳ ଓ ପାର୍କିଂ…