ଦୁନିଆର ସବୁଠାରୁ ଶକ୍ତିଶାଳୀ ରାଷ୍ଟ୍ର ଆମେରିକା ବର୍ତ୍ତମାନ୍ କରୋନା କବଳରେ । ଏହି ଭାଇରସ୍ ଯୋଗୁଁ ଗତ ୨୪ ଘଣ୍ଟାରେ ଆମେରିକାରେ ପ୍ରାୟ ୧୦୦୦ରୁ ଉର୍ଦ୍ଧ୍ଵ ଲୋକ ପ୍ରାଣ ହରାଇଛନ୍ତି । ଯାହାଦ୍ୱାରା ଏହି ଦେଶରେ କରୋନାରେ ମୃତ୍ୟୁ ସଂଖ୍ୟା ୫୦୦୦ ଟପିଛି । ତେବେ ବର୍ତ୍ତମାନ୍ ଆମେରିକାରେ କରୋନା ମୃତ୍ୟୁହାର ଚୀନ ଠାରୁ ମଧ୍ଯ ଟପିଯାଇଛି ।
ସୂଚନା ଅନୁଯାୟୀ ଆମେରିକାରେ କରୋନା ଯୋଗୁଁ ସବୁଠାରୁ ଅଧିକ ପ୍ରଭାବିତ ସହର ହେଉଛି ନ୍ୟୁୟର୍କ୍ । କେବଳ ଏହିଠାରେ ହିଁ ୨,୦୦୦ ରୁ ଉର୍ଦ୍ଧ୍ଵ ଲୋକ ପ୍ରାଣ ହରାଇଛନ୍ତି ଏବଂ ପ୍ରାୟ ୮୩,୦୦୦ ଲୋକ ସଂକ୍ରମଣର ଶିକାର ହୋଇଛନ୍ତି । କେବଳ ସେତିକି ନୂହେଁ ଏଠାରେ ନର୍ସ ଓ ଡାକ୍ତରମାନେ ମିଶି ପ୍ରଦର୍ଶନ କରିବା ମଧ୍ୟ ଆରମ୍ଭ କରିଦେଲେଣି । ସେମାନଙ୍କ ଦାବି ଅନୁଯାୟୀ ତାଙ୍କ ପାଖରେ N95 ମାସ୍କ, କରୋନା ପ୍ରୋଟେକ୍ଟ ସୁଟ ଏବଂ ଭେଣ୍ଟିଲେଟର ଇତ୍ୟାଦିର ଅଭାବ ରହିଛି ଯେଉଁ କାରଣରୁ ସେମାନେ କରୋନା ସହ ମୁକାବିଲା କରିବା ପାଇଁ ସମର୍ଥ ହୋଇପାରୁନାହାନ୍ତି ଏବଂ ସେମାନେ ନିଜେ ମଧ୍ଯ କରୋନାରେ ସଂକ୍ରମଣ ହୋଇପାରନ୍ତି ବୋଲି କହିଛନ୍ତି ।
ସୂଚନା ଅନୁଯାୟୀ ଆମେରିକାରେ କରୋନା ପାଇଁ ବର୍ତ୍ତମାନ୍ ପର୍ଯ୍ୟନ୍ତ ୫,୨୦୩ ଜଣ ପ୍ରାଣ ହରାଇ ସାରିଛନ୍ତି । ତା ସହିତ ୨,୧୫,୦୦୩ ଜଣ ଲୋକ ସଂକ୍ରମିତ ହୋଇଛନ୍ତି । ତେବେ ସବୁଠାରୁ ବଡ କଥା ହେଉଛି ଏଠାରେ ଜଣେ ୬ ସପ୍ତାହର ଶିଶୁ ମଧ୍ଯ କରୋନା ପାଇଁ ମୃତ୍ୟୁବରଣ କରିଛି । ଯାହାକି କରୋନା ମୃତ୍ୟୁରେ ସବୁଠାରୁ କମ୍ ବୟସର ଅଟେ । ଗତ ୨୪ ଘଣ୍ଟାରେ ଆମେରିକାରେ ୧୦୪୯ ଜଣ ଲୋକଙ୍କ ଜୀବନ ନେଇଛି କରୋନା । ସୁଚନା ଅନୁଯାୟୀ ଆମେରିକାର ୟୁଏସ କରୋନା ଟାସ୍କ ଫୋର୍ସ କରୋନା ଯୋଗୁଁ ଆମେରିକାରେ ୧ ରୁ ୨ ଲକ୍ଷ ଲୋକଙ୍କ ମୃତ୍ୟୁ ହୋଇପାରେ ବୋଲି ଅନୁମାନ କରିଛି । ଏହାସହିତ ଦେଶରେ ମୃତ୍ୟୁହାର କମ୍ କରିବା ପାଇଁ ଅନେକ୍ ପ୍ରକାର ପଦକ୍ଷେପ ନିଆଯାଉଛି ବୋଲି ସରକାର କହିଛନ୍ତି ।
ନରସିଂହପୁର(କେନ୍ୟୁଜ୍): ପରକୀୟା ପ୍ରୀତିକୁ ନେଇ ଥାନାରେ ଆସି ମାମଲା । ଏଭଳି ଏକ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ନରସିଂହପୁର…
ପୁରୀ (କେନ୍ୟୁଜ): ପୁରୀ ନରେନ୍ଦ୍ର ପୁଷ୍କରିଣୀ ବାଣ ବିସ୍ପୋରଣ ମାମଲାରେ ଆଉ ୨ଜଣଙ୍କ ମୃତ୍ୟୁ । ଏଥିସହ ମୃତ୍ୟୁସଂଖ୍ୟା ୧୧କୁ…
ଝାଡ଼ଖଣ୍ଡ ଏବଂ ପଶ୍ଚିମବଙ୍ଗ ମଧ୍ୟରେ ଥିବା ରାଞ୍ଚି ରେଳ ବିଭାଗରେ ହୋଇଛି ବଡ଼ ଦୁର୍ଘଟଣା । ଏଠାରେ ଟ୍ରେନ୍ ଉପରେ…
ପଞ୍ଜାବ : ମୁହାଁମୁହିଁ ଧକ୍କା ହେଲା ୨ ମାଲବାହୀ ଟ୍ରେନ୍ । ପଞ୍ଜାବ ଫତେଗଡ଼ ସାହିବ ନିକଟ ମାଧେପୁର ଠାରେ…
ଜୟପୁର(କେନ୍ୟୁଜ୍): ଦିନ ଥିଲା ସର୍କସ ନା ଶୁଣିଲେ ମନରେ ଉତ୍ସାହ ଭରି ଉଠୁଥିଲା । ପିଲା ଠୁ ଟୋକା, ବୁଢା…
ଯାଜପୁର (କେନ୍ୟୁଜ): ଯାଜପୁର ଜିଲ୍ଲା ଧର୍ମଶାଳାରେ ନିର୍ବାଚନୀ ପରବର୍ତ୍ତୀ ହିଂସା । ସ୍ୱାଧୀନ ପ୍ରାର୍ଥୀ ସମର୍ଥକଙ୍କ ଲଙ୍କାକାଣ୍ଡ ଅଭିଯୋଗ । …