ଅପ୍କମିଂ ଫିଲ୍ମ ‘ପୁଷ୍ପା ୨’ ପାଇଁ ସାଉଥ ସୁପରଷ୍ଟାର ଅଲ୍ଲୁ ଅର୍ଜୁନ ଏବଂ ରଶ୍ମିକା ମନ୍ଦନା ଚର୍ଚ୍ଚାରେ ଅଛନ୍ତି । ତେବେ ‘ପୁଷ୍ପା: ଦି ରାଇଜ୍’ର ଜବରଦସ୍ତ ସଫଳତା ପରେ, ଫ୍ୟାନ୍ସମାନେ ଉତ୍ସାହର ସହିତ ଫିଲ୍ମ ‘ ପୁଷ୍ପା ୨’କୁ ଅପେକ୍ଷା କରିଛନ୍ତି । ଏଭଳି ପରିସ୍ଥିତିରେ ସୋସିଆଲ ମିଡିଆରେ ଫିଲ୍ମ ବିଷୟରେ ନୂଆ ଅପଡେଟ୍ ପ୍ରାୟ ପ୍ରତିଦିନ ଭାଇରାଲ ହେବାରେ ଲାଗିଛି । ଏସବୁ ମଧ୍ୟରେ ‘ପୁଷ୍ପା ୨’ର ନିର୍ମାତା ଗୋଟିଏ ଦିନରେ ଫିଲ୍ମ ପ୍ରଶଂସକଙ୍କୁ ଦୁଇଟି ବଡ଼ ସରପ୍ରାଇଜ୍ ଦେଇଥିଲେ । ତେବେ ରଶ୍ମିକା ମନ୍ଦନାଙ୍କ ଜନ୍ମଦିନ ଅବସରରେ ‘ପୁଷ୍ପା ୨’ ଫିଲ୍ମରୁ ଅଭିନେତ୍ରୀଙ୍କ ଲୁଲ୍ର ଏକ ଫଟୋ ସେୟାର କରାଯାଇଥିଲା । ଯାହା ଦର୍ଶକଙ୍କୁ ବହୁତ ପସନ୍ଦ ଆସିଥିଲା । ଏବେ ରଶ୍ମିକାଙ୍କ ପୁରା ଲୁକ୍ ରିଲିଜ୍ ହେବା ପରେ ନିର୍ମାତାମାନେ ‘ପୁଷ୍ପା ୨’ର ନୂଆ ପୋଷ୍ଟର ମଧ୍ୟ ସେୟାର କରିଛନ୍ତି । ଯାହାକୁ ଦେଖିବା ପରେ ଫିଲ୍ମକୁ ଦେଖିବାକୁ ନେଇ ଫ୍ୟାନ୍ସଙ୍କ ଉତ୍ସାହ ବଢି ଯାଉଛି ।
ଏହା ବ୍ୟତୀତ ଏବେ ‘ପୁଷ୍ପା: ଦି ରୁଲ୍’ ର ସୁପରଷ୍ଟାର ଅଲ୍ଲୁ ଅର୍ଜୁନ ନିଜ ଇନଷ୍ଟାଗ୍ରାମରେ ଫିଲ୍ମର ପ୍ରଥମ ସିଙ୍ଗଲ୍ ‘ପୁଷ୍ପା ପୁଷ୍ପା’ରୁ’ ଚାୟ ଷ୍ଟେପ୍ ‘ କରୁଥିବା ଏକ କ୍ଲିପ୍ ସେୟାର କରିଛନ୍ତି । ତେବେ ମେ ୧ରେ, ‘ପୁଷ୍ପା: ଦି ରୁଲ’ର ନିର୍ମାତା ପ୍ରଥମ ସିଙ୍ଗଲ୍ ରିଲିଜ୍ କରିଥିଲେ, ଯାହା ଖୁବ୍ ଶୀଘ୍ର ବାଇରାଲ ହୋଇଥିଲା ଏବଂ ଅନଲାଇନ୍ରେ ସେନ୍ସେସ୍ ସୃଷ୍ଟି କରିଥିଲା ।
ତେବେ ଗୀତ ରିଲିଜ୍ ପରେ ଅଲ୍ଲୁ ଅର୍ଜୁନ ଏହି ଗୀତରେ ତାଙ୍କର ଷ୍ଟାଇଲିସ୍ ଡ୍ୟାନ୍ସ ମୁଭ୍ ସହିତ ତାଙ୍କ ପ୍ରଶଂସକଙ୍କୁ ଉତ୍ସାହିତ କରିଥିଲେ । ଏହି ଗୀତରେ ସେ କିଛି ନୂଆ ପୋଷାକରେ ମଧ୍ୟ ଦେଖିବାକୁ ମିଳିଛନ୍ତି । ଯେଉଁଥିରେ ପୁଷ୍ପ ଚମକକିଲା ରେଶମ ସାର୍ଟ ଏବଂ ଆରାମଦାୟକ ବିଣ୍ଟେଜ୍ ପ୍ୟାଣ୍ଟରେ ନଜର ଆସିଛନ୍ତି । ତେବେ ସୁନା ଅଳଙ୍କାର ପିନ୍ଧି ସେ ଡ୍ୟାନ୍ସ କ୍ଲିପ୍ରେ ନିଜର ଆଇକନିକ୍ ପୁଷ୍ପ ରାଜ ଭଳି ଦେଖିବାକୁ ମିଳିଛନ୍ତି ।
ଏହି ପୋଷ୍ଟଟି ଭାଇରାଲ ହେବା ପରେ ଏହି ପୋଷ୍ଟ ଉପରେ ପ୍ରତିକ୍ରିୟା ରଖି ଜଣେ ନେଟ୍ଜନ୍ କହିଛନ୍ତି ଯେ ଅଭିନେତା ନିଆଁରେ ଜଳୁଛନ୍ତି । ସେହିପରି ଅନ୍ୟ ଦର୍ଶକ ମଧ୍ୟ ଏହା ଉପରେ ବିଭିନ୍ନ ପ୍ରକାରର ପ୍ରତିକ୍ରିୟା ଦେଇଛନ୍ତି । ଏପରି ମଧ୍ୟ ଜଣେ ୟୁଜର ଲେଖିଛନ୍ତି, ଫିଲ୍ମକୁ ଦେଖିବାକୁ ଆଉ ଅପେକ୍ଷା କରିହେବ ନାହିଁ । ତେବେ ଏହି କ୍ଲିପ୍ରେ ଅଲ୍ଲୁ ଅର୍ଜୁନ ଏକ ଗ୍ଲାସ୍ ଚା ଧରିଥିବାବେଳେ ବୋଲ୍ଡ ଡ୍ୟାନ୍ସ ମୁଭ୍ କରୁଛନ୍ତି । ଏହି ‘ଚାୟ ଷ୍ଟେପ୍’ ତାଙ୍କ ଡାଇଲୋଗ ସହିତ ଶେଷ ହୋଇଛି, “ଇସ ବାର ହରଗିଜ ଝୁକେଗା ନାହିଁ ସାଲା ।”
ତେବେ ଚାଇ ଷ୍ଟେପ୍ରେ ଲୋକଙ୍କର ଏହି ପରି ଅନେକ ପ୍ରତିକ୍ରିୟା ରହିଛି । ଜଣେ ୟୁଜର ଏପରି ମଧ୍ୟ କହିଛନ୍ତି ଯେ ଏହି ଷ୍ଟେପ୍ ଘରେ ଟ୍ରାଏ କରନ୍ତୁ ନାହିଁ, ଆପଣଙ୍କ ଫ୍ଲାଇଙ୍ଗ୍ ଚପଲ ରହିବ ନାହିଁ । ମାଇଥ୍ରି ମୁଭି ମେକର୍ସ ଏବଂ ମୁଟାମସେଟ୍ଟି ମିଡିଆ ଦ୍ୱାରା ନିର୍ମିତ ଏହି ଫିଲ୍ମଟି ଅଗଷ୍ଟ ୧୫, ୨୦୨୪ ରେ ମୁକ୍ତିଲାଭ କରିବ । ତେବେ ମୁଖ୍ୟ ଅଭିନେତା ଅଲ୍ଲୁ ଅର୍ଜୁନ ଫିଲ୍ମର ପ୍ରଥମ ଭାଗରେ ଅଭିନୟ ପାଇଁ ଏକ ଫିଲ୍ମ ଫେୟାର ଆଓ୍ଵାର୍ଡ ପାଇଥିଲେ । ଏହାର ନିର୍ଦ୍ଦେଶନା ଦେଉଛନ୍ତି ସୁକୁମାର । ସିକ୍ୱେଲରେ ରଶ୍ମିକା ମନ୍ଦନା ମଧ୍ୟ ଦମ୍ଦାର ଭୂମିକାରେ ଅଭିନୟ କରୁଛନ୍ତି ।
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…
ସୁନ୍ଦରଗଡ଼ : ବଜ୍ରକାପ୍ତା ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଳିପୋଷ ରେଞ୍ଜର କୁଢେଇକଳା ବିଟର ବନଲତା ଗାଁରୁ ଉଦ୍ଧାର କରାଯାଇଛି…