‘ବିଗ୍ ବସ୍ ୧୭’ ବିଜେତା ମୁନାୱର ଫାରୁକି ସୋସିଆଲ ମିଡିଆରେ ଏବଂ ଫ୍ୟାନ୍ସଙ୍କ ମଧ୍ୟରେ ଅନେକ ଲୋକପ୍ରିୟତା ହାସଲ କରିଛନ୍ତି । ତେବେ ସବୁଠାରୁ ଅଧିକ ଭୋଟ୍ ସହିତ ମୁନାୱର ବିବି ୧୭ ଟ୍ରଫି ଜିତିଛନ୍ତି । ତାଙ୍କର ଏହି ସଫଳତା ଦେଖି କେବଳ ତାଙ୍କ ଫ୍ୟାନ୍ସ ନୁହଁନ୍ତି ଅନେକ ଷ୍ଟାରମାନେ ମଧ୍ୟ ବହୁତ ଖୁସି ହୋଇଛନ୍ତି ଏବଂ ସୋସିଆଲ ମିଡିଆରେ ତାଙ୍କୁ ଅଭିନନ୍ଦନ ଜଣାଇଛନ୍ତି । ‘ବିଗ୍ ବସ୍ ୧୭’ ଜିତିବା ପରେ ମୁନାୱର ଫାରୁକିଙ୍କ ପ୍ରଥମ ରିଆକ୍ସନ ସାମ୍ନାକୁ ଆସିଛି, ଯେଉଁଥିରେ ସେ ତାଙ୍କ ଫ୍ୟାନ୍ସ ତଥା ତାଙ୍କ ମା’ଙ୍କୁ ମଧ୍ୟ ଜିତିବା ପାଇଁ ଶ୍ରେୟ ଦେଉଛନ୍ତି । ତେବେ ଏହି ଭିଡିଓଟି ଖୁବ୍ ଶୀଘ୍ର ସୋସିଆଲ ମିଡିଆରେ ଭାଇରାଲ ହେଉଛି । ମୁନାୱର ଫାରୁକି ଟପ୍ ୨ରେ ଆସି ଅଭିଷେକଙ୍କୁ କମ୍ପିଟିସନ୍ ଦେଇ ବିଗ୍ ବସ୍ ଟ୍ରଫି ଜିତିଥିଲେ । ଏହି ସୋର ସେକେଣ୍ଡ ରନର୍ ଅଫ୍ ଅଭିଷେକ କୁମାର ହୋଇଛନ୍ତି ।
ଏହା ସହ ବାର୍ଥ ଡେ’ରେ ମୁନାୱରଙ୍କୁ ବେଷ୍ଟ ଗିଫ୍ଟ ମିଳିଛି । ଜନ୍ମ ଦିନରେ ! ବିଗ ବସ୍ ୧୭’ର ବିଜେତା ହେଲେ ମୁନାୱର ଫାରୁକି । ସମସ୍ତ ପ୍ରତିଦ୍ବନ୍ଦୀଙ୍କୁ ପଛରେ ପକାଇ ବିଗ ବସ୍ ଟ୍ରଫିକୁ ନିଜ ନାଁରେ କରିଛନ୍ତି ଷ୍ଟାଣ୍ଡଅପ୍ କମେଡିଆନ ମୁନାୱର । ୩୨ ବର୍ଷୀୟ ମୁନାୱର ଟ୍ରପି ସମେତ ପୁରସ୍କାର ୫୦ ଲକ୍ଷ ଟଙ୍କା ଏବଂ ଏକ ହ୍ୟୁଣ୍ଡାଇ କାର ଜିତିଛନ୍ତି । ଏହା ପୂର୍ବରୁ କଙ୍ଗନା ରାଣାୱତ ହୋଷ୍ଟ କରୁଥିବା ‘ଲକ୍ ଅପ୍ ସିଜନ୍ ୧’ ବିଜେତା ମଧ୍ୟ ରହି ସାରିଛନ୍ତି । ବିଗ ବସରେ ମୁନାୱରଙ୍କ ପର୍ସନାଲ ଲାଇଫ ଓ ଲଭ ଲାଇଫକୁ ନେଇ ବହୁ କଣ୍ଟ୍ରୋଭର୍ସି ଦେଖିବାକୁ ମିଳିଥିଲା । ତଥାପି ଶେଷ ମୁହୂର୍ତ୍ତରେ ଅଙ୍କିତା ଲୋଖଣ୍ଡେ, ମନ୍ନାରା ଚୋପ୍ରା, ଅରୁଣ ମସେଟ୍ଟି, ଅଭିଷେକ କୁମାରଙ୍କୁ ପଛରେ ପକାଇ ଟ୍ରଫି ହାସିଲ କରିନେଇଛନ୍ତି ମୁନାୱର । ନିଜ ବର୍ଥ ଡେ’ରେ ଏହା ତାଙ୍କପାଇଁ ବେଷ୍ଟ ଗିଫ୍ଟ ବୋଲି ତାଙ୍କ ଫ୍ୟାନ କହିଛନ୍ତି ।
ବିବି ୧୭ ଟ୍ରଫି ଜିତିବା ପରେ ମୁନାଓ୍ଵର ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି, ଯାହା ଲୋକମାନଙ୍କୁ ବହୁତ ପସନ୍ଦ ଆସିଛି । ତେବେ ଏହା ଶୁଣିବା ପରେ ଆପଣ ମଧ୍ୟ ଇମୋସ୍ନାଲ ହୋଇଯିବେ । ‘ବିଗ୍ ବସ୍ ୧୭’ ଜିତିବା ପରେ ସେ ବାହାରକୁ ଆସିବା ମାତ୍ରେ ମୁନାୱର ସମସ୍ତଙ୍କ ପ୍ରଶ୍ନର ଭଲ ଭାବେ ଉତ୍ତର ଦେଇଥିଲେ । ତାଙ୍କର ବିଗ୍ ବସ୍ ଯାତ୍ରା ବିଷୟରେ କଥାବାର୍ତ୍ତା କରିବା ବେଳେ ସେ କହିଥିଲେ, ‘ମୋର ଫ୍ୟାନ୍ସଙ୍କ ବିନା ମୁଁ ଆଜି ଜିତି ନ ଥା’ନ୍ତି, ଏପରି ଫ୍ୟାନ୍ସ ପାଇବା ଭାଗ୍ୟର କଥା ଏବଂ ମୁଁ ଭାଗ୍ୟବାନ ଯେ ମୋର ଫ୍ରେଣ୍ଡ ମୋତେ ବହୁତ ସମର୍ଥନ କରିଥିଲେ । ଆପଣମାନଙ୍କ ଭଲ ପାଇବା ସବୁବେଳେ ମୋ ପାଇଁ ରହିଯାଉ । ‘ବିଗ୍ ବସ୍ ୧୭’ ଜିତିବା ପରେ ଏହା ମୁନାୱର୍ ଫାରୁକିଙ୍କର ପ୍ରଥମ ରିଆକ୍ସନ ରହିଥିଲା ।
‘ବିଗ୍ ବସ୍ ୧୭’ବିଜେତା ମୁନାୱର ଫାରୁକି କେବଳ ତାଙ୍କ ଫ୍ୟାନ୍ସଙ୍କୁ ନୁହେଁ ତାଙ୍କ ପରିବାର ଏବଂ ମା’ଙ୍କୁ ମଧ୍ୟ ଏହି ସୋ ଜିତିବା ପାଇଁ ଶ୍ରେୟ ଦେଇଛନ୍ତି । ମିଡିଆ ସହିତ କଥାବାର୍ତ୍ତା କରିବାବେଳେ ସେ ତାଙ୍କ ମାଙ୍କୁ ମନେ ପକାଇ କହିଥିଲେ, ‘ମୋ ମା ଦୁଆ ସବୁବେଳେ ମୋ ପାଖରେ ଅଛନ୍ତି ଏବଂ ତାଙ୍କ ଆଶୀର୍ବାଦ ହେତୁ ମୁଁ ସବୁବେଳେ ସଫଳତା ପାଇଥାଏ ! ମୁଁ ସବୁବେଳେ ଚାହେଁ ମୋ ମା ମୋ ସହିତ ରୁହନ୍ତୁ ଏବଂ ତାଙ୍କ ଆଶୀର୍ବାଦ ମଧ୍ୟ ମୋ ସହିତ ରହିବା ଉଚିତ୍ । ଏହା ସହିତ ସେ ଏକ କବିତା ସହିତ ତାଙ୍କର କଥାବାର୍ତ୍ତା ଶେଷ କରିଥିଲେ ।
ତାହେଲେ ଆସନ୍ତୁ ଜାଣିବା ଯେ ମୁନାୱର ଫାରୁକିଙ୍କର ପୂରା ନାମ କ’ଣ ରହିଛି, ତେବେ ତାଙ୍କ ପୂରା ନାମ ହେଉଛି ମୁନାୱର ଇକବାଲ ଫାରୁକି । ସେ ଜଣେ ପ୍ରସିଦ୍ଧ ଷ୍ଟାଣ୍ଡଅପ୍ କମେଡିଆନ୍ , ଏହା ସହ ଅଭିନେତା ମୁନାୱର ଫାରୁକିଙ୍କୁ ଦେଶର ଲୋକମାନେ ପସନ୍ଦ କରନ୍ତି । ସୋସିଆଲ ମିଡିଆରେ ତାଙ୍କର ଅନେକ ପ୍ରଶଂସକ ଅଛନ୍ତି ।