ମୁମ୍ବାଇ : ବଲିଉଡ୍ରେ ଝିଅମାନଙ୍କୁ ଫିଲ୍ମ, ମଡେଲିଙ୍ଗ୍ ଓ ପ୍ରୋଜେକ୍ଟ ଦେବା ବାହାନାରେ ଯୈାନ ଉତ୍ପୀଡନ୍ ନେଇ ସବୁବେଳେ ଅଭିଯୋଗ ହୁଏ । ହେଲେ କେହି ଏହା ବିରୋଧରେ ଆଗେଇ ଆସବାକୁ ସାହସ କରୁନଥିବାରୁ ତାହା ଦବିଯାଏ । ଏବେ ଜଣେ ସାମାଜିକ କର୍ତ୍ତା ବଲିଉଡ୍ର କେତେକ ହସ୍ତୀଙ୍କ ବିରୋଧରେ ବ୍ୟକ୍ତିଗତ ଭାବେ ଅଭିଯୋଗ ଆଣିବା ପରେ ଜାତୀୟ ମହିଳା କମିସନ ନୋଟିସ୍ ଜାରି କରିଛନ୍ତି ।
ଫଳରେ ଫିଲ୍ମ ମେକର ମହେଶ ଭଟ୍ଟ, ଅଭିନେତ୍ରୀ ଉର୍ବଶୀ ରୈାତେଲା, ଇଶା ଗୁପ୍ତା, ରଣବୀଜୟ ସିଂହ ଓ ପ୍ରିନ୍ସ ନରୁଲାଙ୍କ ବିରୋଧରେ ଜାତୀୟ ମହିଳା କମିସନ (NCW) ମାନସିକ ଓ ଯୈାନ ଶୋଷଣ ମାମଲାରେ ନୋଟିସ୍ ଜାରି କରିଛି । ବଲିଉଡ୍ର ଏହି ହସ୍ତିମାନଙ୍କୁ ସାମାଜିକ କାର୍ଯ୍ୟକର୍ତ୍ତା ଏବଂ ପରି ଫର୍ ଇଣ୍ଡିଆର ସଂସ୍ଥାପକ ଯୋଗିତା ଭାୟାନାଙ୍କ ପରେ ସାକ୍ଷୀ ଭାବରେ ବୟାନ୍ ଦେବାକୁ କୁହାଯାଇଛି ।
ଆଇଏମ୍ଜି ବେଞ୍ଚର୍ସର ପ୍ରମୋଟର ସନି ବର୍ମାଙ୍କ ଖିଲାପରେ ଯୋଗୀତା ଭାୟାନ ଅଭିଯୋଗ ଦାଖଲ କରିଛନ୍ତି । ଝିଅମାନଙ୍କୁ ମଡେଲିଙ୍ଗ୍ ଓ ପ୍ରୋଜେକ୍ଟ ଦେବା ବାହାନାରେ ଯୈାନ ଉତ୍ପୀଡନ ଓ ବ୍ଲାକ୍ ମେଲ୍ କରାଯାଉଥିବା ନେଇ ସନି ବର୍ମାଙ୍କ ଖିଲାପରେ ଅଭିଯୋଗ ଦାଖଲ କରାଯାଇଥିଲା । କିଛି ଝିଅ ସନି ବର୍ମା ଓ ତାଙ୍କର ସହଯୋଗୀଙ୍କ ଦ୍ୱାରା ଯୈାନ ଓ ମାନସିକ ଉତ୍ପୀଡନର ଶିକାର ନେଇ ଅଭିଯୋଗ କରିବା ପରେ ଏହି ଘଟଣା ପଦାକୁ ଆସିଥିଲା ।
ତେବେ ଏନ୍ସିଡବ୍ଲ୍ୟୁର ନୋଟିସ୍ ଉପରେ କେହି ଅଭିଯୁକ୍ତ ପ୍ରତିକ୍ରିୟା ପ୍ରକାଶ କରି ନଥିଲେ କିମ୍ବା ବୈଠକରେ ଯୋଗ ଦେଇନଥିଲେ ବୋଲି ଏନ୍ସିଡବ୍ଲୁ୍ୟୃ ପ୍ରକାଶ କରିଛି । ଏମାନଙ୍କ ଅନୁପସ୍ଥିତି ନେଇ ଏନ୍ସିଡବ୍ଲ୍ୟୁ ଏହାକୁ ଗମ୍ଭୀରତାର ସହ ନେଇଛି । ଏନ୍ସିଡବ୍ଲ୍ୟୁର ଆଗାମୀ ବୈଠକକୁ ୧୮ ଅଗଷ୍ଟ ଦିନ ସାଢ଼େ ୧୧ଟା ଯାଏ ସ୍ଥଗିତ କରିଦିଆଯାଇଛି । ଯଦି ଏଥର ବୈଠକରେ କେହି ଯୋଗ ନଦିଅନ୍ତି ତେବେ ସେମାନଙ୍କ ପ୍ରତି ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଏନ୍ସିଡବ୍ଲ୍ୟୁ ପ୍ରକାଶ କରିଛି ।
ପ୍ରକାଶଯୋଗ୍ୟ ଯେ ମହେଶ ଭଟ୍ଟଙ୍କୁ ଆଇଏମ୍ଜି ଅପକର୍ମରେ ତାଙ୍କର କ’ଣ ଭାଗିଦାରୀ ରହିଛି ସେ ସମ୍ପର୍କରେ ପ୍ରଥମେ ନୋଟିସ୍ ଜାରି କରାଯାଇଥିଲା । ତେବେ ମହେଶ ଭଟ୍ଟଙ୍କ ଓକିଲ ଏହାକୁ ମିଥ୍ୟା ଓ ଅପପ୍ରଚାର କହିବା ସହ ଏଭଳି ଖବର ପ୍ରସାର କରିଥିବା ଏଜେନ୍ସି ବିରୋଧରେ ମାନହାନୀ ମକଦ୍ଧମା ଦାୟର କରାଯିବ ବୋଲି କହିଛନ୍ତି ।
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…