ଦିଲ୍ଲୀ ପୋଲିସ ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରୁ ୨ ଯୁବକଙ୍କୁ ଗିରଫ କରିଛି । ଯୁବକଦ୍ୱୟ ବିମାନବନ୍ଦରରେ ପରମାଣୁ ବୋମା ନେଇଯାଉଥିବାର ଧମକ ଦେଇଥିଲେ । ସୁରକ୍ଷା ଯାଞ୍ଚ ସମୟରେ ଅଭିଯୁକ୍ତମାନେ ଧମକ ଦେଇଥିଲେ ଯେ ସେମାନେ ପରମାଣୁ ବୋମା ନେଇକି ଯାଉଛନ୍ତି । ଏହାପରେ ବିମାନ ଭିତରେ ଆତଙ୍କର ବାତାବରଣ ଖେଳିଯାଇଥିଲା । ଦୁଇ ଯାତ୍ରୀଙ୍କୁ ତୁରନ୍ତ ବିମାନରୁ ବାହାର କରାଯାଇ ଦିଲ୍ଲୀ ପୋଲିସକୁ ହସ୍ତାନ୍ତର କରାଯାଇଥିଲା ।
ସୂଚନା ମୁତାବକ, ଗିରଫ ଦୁଇ ଅଭିଯୁକ୍ତ ହେଲେ ଗୁଜରାଟ ରାଜକୋଟର ବାସିନ୍ଦା ଜିଗ୍ନେଶ ମାଲାନି ଓ କାଶ୍ୟପ କୁମାର ଲାଲାନି । ଏହି ଘଟଣା ଏପ୍ରିଲ ୫ ତାରିଖର । ଯୁବକଦ୍ୱୟ ଅହମ୍ମଦାବାଦ ଯାଉଥିବା ବିମାନରେ ଚଢ଼ିବା ପୂର୍ବରୁ ସୁରକ୍ଷାକର୍ମୀ ସେମାନଙ୍କୁ ଯାଞ୍ଚ କରିଥିଲେ, କିନ୍ତୁ ଦୁହେଁ ଏହାକୁ ନେଇ ରାଗି ଯାଇଥିଲେ । ସେମାନେ କହିଥିଲେ କି, ସେମାନଙ୍କ ଯାଞ୍ଚ ପୂର୍ବରୁ ହୋଇସାରିଛି, ପୁଣିଥରେ କାହିଁକି କରାଯାଉଛି ? ଦୁହେଁ ଏ ନେଇ ଆପତ୍ତି ଉଠାଇଥିଲେ ।
ସେମାନେ ସୁରକ୍ଷା କର୍ମୀଙ୍କୁ ପଚାରିଥିଲେ ଯେ ଯଦି ଆମେ ପରମାଣୁ ବୋମା ନେଇକି ଯାଉ, ତେବେ ଆପଣ କ’ଣ କରିବେ? ଏହା ଶୁଣିବା ପରେ ସେଠାରେ ଉପସ୍ଥିତ ସୁରକ୍ଷା କର୍ମୀମାନେ ସେମାନଙ୍କୁ କାବୁ କରି ନେଇଥିଲେ । ଦୁହିଁଙ୍କୁ ତୁରନ୍ତ ବିମାନରୁ ଓହ୍ଲାଇ ପୋଲିସକୁ ହସ୍ତାନ୍ତର କରାଯାଇଥିଲା । ଏ ନେଇ ଅଭିଯୁକ୍ତ ଦ୍ୱୟଙ୍କ ବିରୋଧରେ ମାମଲା ରୁଜୁ କରାଯାଇଛି । ଜଣେ ବରିଷ୍ଠ ପୋଲିସ ଅଧିକାରୀଙ୍କ ମୁତାବକ, ମାଲାନି ଓ ଲାଲାନିଙ୍କୁ ଗିରଫ କରାଯାଇଛି । କାରଣ, ସେମାନେ ଆତଙ୍କ ସୃଷ୍ଟି କରୁଥିଲେ ।
ପୋଲିସ କହିଛି, ମାମଲାର ତଦନ୍ତରୁ ଜଣାପଡ଼ିଛି ଯେ ଦୁଇ ଅଭିଯୁକ୍ତ ନିର୍ମାଣ କ୍ଷେତ୍ରରେ ଠିକାଦାରୀ କାମ କରନ୍ତି । ସେମାନେ କାରବାର ସମ୍ବନ୍ଧରେ ଜଣେ ବ୍ୟବସାୟିକ ସହଯୋଗୀଙ୍କୁ ଭେଟିବା ପାଇଁ ଦିଲ୍ଲୀରୁ ଦ୍ୱାରକା ଯାଇଥିଲେ । ବିମାନବନ୍ଦର କର୍ତ୍ତୃପକ୍ଷଙ୍କ ଅଭିଯୋଗ ଆଧାରରେ ଦୁଇ ଜଣଙ୍କୁ ଗିରଫ କରାଯାଇଥିଲା । ବର୍ତ୍ତମାନ ସେମାନଙ୍କୁ ଜାମିନ ଆଧାରରେ ମୁକ୍ତ କରାଯାଇଛି ।
କହି ରଖୁଛୁ, ଗତ ମାସରେ ମଧ୍ୟ ଦିଲ୍ଲୀ ବିମାନବନ୍ଦରରେ ବୋମା ଗୁଜବ ଘଟଣା ସାମ୍ନାକୁ ଆସିଥିଲା । ଏହି ମାମଲାରେ ଦିଲ୍ଲୀ ପୋଲିସ ଜଣେ ବାଂଲାଦେଶୀ ନାଗରିକଙ୍କୁ ଗିରଫ କରିଥିଲା ।
ମେଷ: ପାରିବାରିକ ଜୀବନ ସୁଖମୟ ହେବ । ଆୟ ହ୍ରାସ ଏବଂ ଖର୍ଚ୍ଚ ବୃଦ୍ଧି ହେବ । ପ୍ରଗତିର ସମ୍ଭାବନା…
ଭୁବନେଶ୍ୱର (କେନ୍ୟୁଜ୍) : ମୋହନ ମାଝୀଙ୍କ ବିଜେପି ସରକାର ଆଜି ଶପଥ ନେବା ପରେ କ୍ୟାବିନେଟରେ ୪ଟି ଗୁରୁତ୍ୱପୂର୍ଣ୍ଣ ପ୍ରସ୍ତାବକୁ…
ଯାଜପୁର(କେନ୍ୟୁଜ୍): ନୂତନ ମୁଖ୍ୟମନ୍ତ୍ରୀଙ୍କୁ ସ୍ଵାଗତ ସଙ୍ଗୀତ ମାଧ୍ୟମରେ ସ୍ୱାଗତ ଓ ସମ୍ବର୍ଦ୍ଧନା। ଯାଜପୁର ଦଶରଥପୁର ବ୍ଲକ ଅନ୍ତର୍ଗତ ମଙ୍ଗଳପୁରର ଅଗ୍ରଣୀ…
ଭୁବନେଶ୍ୱର(କେନ୍ୟୁଜ୍): ମୋହନ ମାଝୀ ସରକାରଙ୍କ ପ୍ରଥମ କ୍ୟାବିନେଟ ବୈଠକ । ଶପଥ ଗ୍ରହଣ ପରେ ବିଜେପି ସରକାରଙ୍କ ପ୍ରଥମ କ୍ୟାବିନେଟ…
ଦେହ ଅଛି ତ ରୋଗ ଅଛି । ସେଥିଲାଗି ତ କୁହାଯାଏ, ସ୍ୱାସ୍ଥ୍ୟ ହିଁ ସମ୍ପଦ । ପ୍ରତିଟି ଜୀବନ…
ଭୁବନେଶ୍ୱର(କେନ୍ୟୁଜ୍): ସୁରମା ପାଢୀ ହୋଇପାରନ୍ତି ନୂଆ ବାଚସ୍ପତି । ବିଧାନସଭା ବାଚସ୍ପତି ଭାବେ ରଣପୁରର ବିଧାୟିକାଙ୍କ ନାଁକୁ ନେଇ ଚର୍ଚ୍ଚା…