photo: timesofindia.indiatimes
ବାଂଲାଦେଶରେ ସାଧାରଣ ନିର୍ବାଚନ ପାଇଁ ମତଦାନ ଜାରି ଥିବାବେଳେ ବିଭିନ୍ନ ସ୍ଥାନରେ ହିଂସାକାଣ୍ଡ ଦେଖିବାକୁ ମିଳିଛି । ସୂଚନା ଅନୁସାରେ, ଚଟଗାଁଓ-୧୦ ନିର୍ବାଚନ ମଣ୍ଡଳୀ ଅନ୍ତର୍ଗତ ପାହାଡ଼ି କଲେଜରେ ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟିଛି । ଏହି ସଂଘର୍ଷରେ ୨ ଜଣଙ୍କୁ ଗୁଳି କରି ହତ୍ୟା କରାଯାଇଛି । କିଛି ସ୍ଥାନରେ ପୋଲିଂ ବୁଥ୍ ମଧ୍ୟ ଜାଳି ଦିଆଯାଇଛି ।
ଏହି ଅଞ୍ଚଳରେ ନାଓର ପ୍ରାର୍ଥୀ ମହମ୍ମଦ ମୋହିଉଦ୍ଦୀନ ରହିଥିବାବେଳେ ସ୍ୱାଧୀନ ଭାବରେ ଚଟଗାଁଓ ନଗର ନିଗମର ପୂର୍ବତନ ମେୟର ମହମ୍ମଦ ମଞ୍ଜୁର ଆଲମ୍ ନିର୍ବାଚନ ଲଢ଼ୁଛନ୍ତି । ଚଟଗାଁଓ ମଟ୍ରୋପଲିଟାନ ପୋଲିସ ଡିସି (ଉତ୍ତର) ଏହି ଗୁଳିକାଣ୍ଡ ଘଟଣାକୁ ନିଶ୍ଚିତ କରିଛି ।
ଏହାସହିତ ବିଶୃଙ୍ଖଳା ଅଭିଯୋଗରେ ଚଟଗାଁଓର ମହିଳା ଚେୟାରମ୍ୟାନଙ୍କୁ ପୋଲିସ ଗିରଫ କରିଛି । ବାଂଲାଦେଶରେ ୩୭ଟି ସ୍ଥାନରେ ଅନିୟମିତତା ଏବଂ ବିଶୃଙ୍ଖଳା ନେଇ ଖବର ଆସିଛି । ଏହାଛଡ଼ା ନକଲି ଭୋଟିଂ ଅଭିଯୋଗରେ ୬ ଜଣଙ୍କୁ ଗିରଫ କରାଯାଇଛି ।
ମତଦାନ ଆରମ୍ଭ ପୂର୍ବରୁ ଦେଶର ୧୦ଟି ଜିଲ୍ଲାରେ ହିଂସା ଦେଖିବାକୁ ମିଳିଥିଲା। ହିଂସା ବେଳେ ୧୪ଟି ମତଦାନ କେନ୍ଦ୍ର ଏବଂ ସ୍କୁଲରେ ହିଂସାକାରୀମାନେ ନିଆଁ ଲଗାଇ ଦେଇଥିଲେ । ଶେଖ୍ ସୁନ୍ଦର ମାଷ୍ଟରପାରା ପ୍ରାଇମେରୀ ସ୍କୁଲର ମତଦାନ କେନ୍ଦ୍ରରେ ଶନିବାର ରାତି ପ୍ରାୟ ୧୦ଟାରେ ନିଆଁ ଲଗାଇ ଦିଆଯାଇଥିଲା । ଏହା ବ୍ୟତୀତ ମୈମନସିଂରେ ଏକ ବୁଥ୍କୁ ମଧ୍ୟ ଜାଳି ଦିଆଯାଇଥିଲା । ଏହି ଘଟଣାରେ ପୋଲିସ ୫ ଜଣଙ୍କୁ ଗିରଫ କରିଛି ।
ମେଷ: ଆପଣଙ୍କର କିଛି ନୂଆ କାମରେ ରୁଚି ବଢିବ । ଆଥିକ ସ୍ଥିତି ପୂର୍ବ ଅପେକ୍ଷା ସୁଦୃଢ ହେବ ।…
ଆସନ୍ତା ୨୦ ତାରିଖରେ ହେବ ବିଧାନସଭା ବାଚସ୍ପତି ନିର୍ବାଚନ। ୧୯ ତାରିଖରେ ବାଚସ୍ପତି ପଦ ପାଇଁ ନମାଙ୍କନ ଦାଖଲ ହେବ…
ଭୁବନେଶ୍ୱର (କେନ୍ୟୁଜ): ପ୍ରତିବର୍ଷ ପରି ଚଳିତ ବର୍ଷ ଟାଇମ୍ସ ହାଇଅର ଏଜୁକେସନ୍ ଇମ୍ପାକ୍ଟ (ସାମାଜିକ ପ୍ରଭାବ) ରାଙ୍କିଙ୍ଗ ପ୍ରକାଶ ପାଇଛି।…
କରଞ୍ଜିଆ : ମୟୁରଭଞ୍ଜ ଜିଲ୍ଲାର କରଞ୍ଜିଆ ଉପଖଣ୍ଡରେ ଅପରାହ୍ନରେ କିଛି କିଛି ସ୍ଥାନରେ ଘଡଘଡି ସହିତ ହାଲୁକା ବର୍ଷା ଲାଗି…
କଟକ (କେନ୍ୟୁଜ୍) : ଜୀବନ ବଞ୍ଚାଇ ଦେଲେ ରମେଶ। କଟକ ରେଳବାଇ ପୋଲିସ୍ କର୍ମଚାରୀଙ୍କ ସାହସିକତା ପାଇଁ ବଞ୍ଚି ଗଲା…
ଭୁବନେଶ୍ୱର: ଚାରିଆଡ଼େ ପରିବର୍ତ୍ତନର ସ୍ୱର । ଓଡ଼ିଶା ରାଜନୀତିରେ ହୋଇଛି ବଡ଼ ପରିବର୍ତ୍ତନ । ଦୀର୍ଘ ୨୪ ବର୍ଷ ଧରି…