ଅତିକ ଅହମଦର ହତ୍ୟା ପରେ ଅନାଚକ୍‌ ୮୦୦ ଫୋନ ନମ୍ବର ବନ୍ଦ, ଜେଲରେ ବନ୍ଦ ଥିବା ବଡପୁଅର ଆଚରଣରେ ପରିବର୍ତ୍ତନ

ଗ୍ୟାଙ୍ଗଷ୍ଟର ଅତିକ ଅହମଦ ଏବଂ ଅଶରଫ ହତ୍ୟା ଘଟଣା ପରେ ୮୦୦ରୁ ଅଧିକ ଫୋନ ନମ୍ବର ଅଚାନକ ବନ୍ଦ ହୋଇଥିବା ଖବର ମିଳିଛି । ଉମେଶ ପାଲ ହତ୍ୟାକାଣ୍ଡ ଘଟଣାରେ ପୋଲିସ ଅଭିଯୁକ୍ତ ସନ୍ଧାନରେ ଅନେକ ଲୋକଙ୍କ ଫୋନ ନମ୍ବର ସର୍ଭିଲାନ୍ସରେ ରଖିଛି । ଯେଉଁଥିରେ ହଠାତ୍‌ ୮୦୦ ନମ୍ବର ହଠାତ୍‌ ବନ୍ଦ ହୋଇଥିବା ପୋଲିସକୁ ସୂଚନା ମିଳିଛି । ଫୋନ ନମ୍ବର ହଠାତ୍‌ ବନ୍ଦ ହୋଇଥିବା ପୋଲିସ ଖବର ପାଇଛି । ବନ୍ଦ ପଡିଥିବା ଫୋନ ନମ୍ବରକୁ ପୋଲିସ ଯାଞ୍ଚ କରୁଛି ।

ଯେଉଁମାନଙ୍କ ନମ୍ବର ବନ୍ଦ ରହିଛି, ସେମାନେ ଅତକର ଜମି କିଣାବିକା ମାମଲାରେ ଜଡିତ ରହିଛନ୍ତି । ଉମେଶ ପାଲ ହତ୍ୟାକାଣ୍ଡୀ ଅଭିଯୁକ୍ତ ସନ୍ଧାନରେ ପୋଲିସ ଅନେକ ଲୋକଙ୍କର ଫୋନ ନମ୍ବର ସର୍ଭେଲାନ୍ସ ପାଇଁ ରଖିଥିଲା । ଆଉ ଏମାନଙ୍କ କଲ୍‌ ଡିଟେଲ୍‌ ଖୋଜୁଛି ପୋଲିସ ।

ଏହା ମଧ୍ୟରେ ଲକ୍ଷ୍ନୌ ଜେଲରେ ବନ୍ଦ ଥିବା ଅତିକ ଅହମଦର ବଡ ପୁଅ ଉମରଙ୍କ ଭାବଭଙ୍ଗୀରେ ପରିବର୍ତ୍ତନ ଦେଖିବାକୁ ମିଳିଛି । ବାପା ଏବଂ ଦାଦାଙ୍କ ମୃତ୍ୟୁ ପରେ ଉମର ବହୁତ ଶାନ୍ତ ହୋଇପଡିଛନ୍ତି । ସାନ ଭାଇ ଅସଦର ମୃତ୍ୟୁ ଖବର ମିଳିବା ପରେ ଘଣ୍ଟେ ପର୍ଯ୍ୟନ୍ତ କାନ୍ଦିଥିଲା ଉମର । ଏହାପର ଠାରୁ ଶାନ୍ତ ହୋଇ ରହିଛି ଉମର । ବାପା, ଭାଇ ଏବଂ ଦାଦାର ମୃତ୍ୟୁରେ ଗଭୀର ଶୋକରେ ରହିଛି ଉମର ।

ପୋଲିସ ଏପର୍ଯ୍ୟନ୍ତ ୨୦୦ରୁ ଅଧିକ ଘରେ ଚଢାଉ ଜାରି ରଖିଛି । ସନ୍ଦେହ ଆଧାରରେ ପାଖାପାଖି ୨୫ରୁ ଅଧିକ ମହିଳାଙ୍କୁ ପଚରାଉଚରା କରୁଛି । କିନ୍ତୁ ସଠିକ୍‌ ପ୍ରମାଣ ପାଇନି । ଅତିକ ଅହମଦର ସବୁଠାରୁ ଖାସ୍‌ ଲୋକ ଗୁଡୁ ମୁସଲିମକୁ ପୋଲିସ ଖୋଜୁଛି ।

ଅତିକ୍‌ ଓ ଅଶରଫ୍‌ଙ୍କୁ କାଲ୍‌ଭିନ ହସ୍ପିଟାଲର ଗେଟ୍‌ ପାଖରେ ଏପ୍ରିଲ ୧୫ ରାତିରେ ଗୁଳି କରାଯାଇଥିଲା, ଯାହାଫଳରେ ଘଟଣାସ୍ଥଳରେ ହିଁ ଉଭୟଙ୍କ ମୃତ୍ୟୁ ଘଟିଥିଲା।

ଉମେଶ ପାଲ ହତ୍ୟା ମାମଲାରେ ଅତିକ୍‌-ଅଶରଫ୍‌ଙ୍କୁ ପୋଲିସ ରିମାଣ୍ଡରେ ନେଇଥିଲା। କାଲଭିନ ହସ୍ପିଟାଲରେ ସେମାନଙ୍କ ମେଡିକାଲ ଟେଷ୍ଟ କରାଯାଇଥିଲା। ସେଠାରୁ ବାହାରିବା ପରେ ଗଣମାଧ୍ୟମ ପ୍ରତିନିଧି ବେଶରେ ଆସି ଅରୁଣ ମୌର୍ଯ୍ୟ, ଲଭଲେଶ ତିୱାରୀ ଓ ସନ୍ନି ତତ୍‌କ୍ଷଣାତ ଅତିକ୍‌ ଓ ଅଶରଫ୍‌ଙ୍କୁ ଗୁଳି କରି ହତ୍ୟା କରିଥିଲେ।