ଦିଲ୍ଲୀ ମଦ ଦୁର୍ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସମସ୍ୟା ଥମିବାର ନାଁ ଧରୁନାହିଁ । କେଜ୍ରିଓ୍ଵାଲଙ୍କ ଡାଇବେଟିସ୍ ଏବଂ ଇନ୍ସୁଲିନକୁ ନେଇ ବିବାଦ ବଢ଼ିଚାଲିଛି । ଇନ୍ସୁଲିନକୁ ନେଇ ଆମ୍ ଆଦ୍ମୀ ପାର୍ଟି ଏବଂ ବିଜେପି ମଧ୍ୟରେ ଖୁବ୍ ବୟାନବାଜି ହେଉଛି । ଏହାରି ଭିତରେ ସିଏମ୍ କେଜ୍ରିଓ୍ଵାଲଙ୍କୁ ତିହାର ଜେଲ୍ରେ ପ୍ରଥମ ଥର ଇନ୍ସୁଲିନ ଦିଆଯାଇଥିବା ଖବର ଆସିଛି ।
ତିହାରରେ କେଜ୍ରିଓ୍ଵାଲଙ୍କ ସୁଗାର ଲେବଲ୍ କ୍ରମାଗତ ଭାବେ ବଢ଼ିଚାଲିଥିଲା । ତାଙ୍କର ସୁଗାର ସ୍ତର ୩୨୦ ପର୍ଯ୍ୟନ୍ତ ପହଞ୍ଚିଯାଇଥିଲା, ଯାହାପରେ ତାଙ୍କୁ ଏଠାରେ ଇନ୍ସୁଲିନ ଦିଆଯାଇଛି । କହି ରଖୁଛୁ, ମଦ ଦୁର୍ନୀତି ମାମଲାରେ ଗିରଫ ହେବା ପରେ ଅରବିନ୍ଦ କେଜ୍ରିଓ୍ଵାଲଙ୍କୁ ଜେଲ୍ରେ ପ୍ରଥମ ଥର ଇନ୍ସୁଲିନ ଦିଆଯାଇଛି ।
ଏହାପୂର୍ବରୁ ତିହାର ଜେଲ୍ରେ କେଜ୍ରିଓ୍ଵାଲଙ୍କୁ ଇନ୍ସୁଲିନ ଦିଆ ନ ଯିବା ପ୍ରସଙ୍ଗ ଉପରେ ଆମ୍ ଆଦ୍ମୀ ପାର୍ଟିର ଶତାଧିକ କାର୍ଯ୍ୟକର୍ତ୍ତା ଏବଂ ନେତା ବିକ୍ଷୋଭ ପ୍ରଦର୍ଶନ କରିଥିଲେ । ଦଳୀୟ କାର୍ଯ୍ୟକର୍ତ୍ତା ତିହାର ବାହାରେ ଇନ୍ସୁଲିନ ଡୋଜ୍କୁ ନେଇ ଜେଲ୍ କର୍ତ୍ତୃପକ୍ଷଙ୍କ ବିରୋଧରେ ସାଙ୍କେତିକ ପ୍ରଦର୍ଶନ କରିଥିଲେ । ସେମାନେ ଜେଲ୍ ଅଧିକାରୀଙ୍କୁ ସିଏମ୍ଙ୍କୁ ଇନ୍ସୁଲିନ ଉପଲବ୍ଧ କରାଇବାକୁ କହିଥିଲେ ।
ଦଳ ଅଭିଯୋଗ ଆଣିଥିଲା ଯେ ତିହାର ଜେଲ୍ ଭିତରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ‘ଧିମା ମୃତ୍ୟୁ’ ଆଡ଼କୁ ଠେଲି ଦିଆଯାଉଛି । ଅଧିକାରୀମାନେ ତାଙ୍କୁ ଇନ୍ସୁଲିନ ଦେବାକୁ କାହିଁକି ମନା କରୁଛନ୍ତି ବୋଲି ଦଳ ପ୍ରଶ୍ନ ଉଠାଇଥିଲା । ଯଦିଓ ଦିଲ୍ଲୀ ଉପରାଜ୍ୟପାଳ ଭିକେ ସକ୍ସେନା ଏହି ଦାବିକୁ ଖାରଜ କରିଥିଲେ । ସେ କେଜ୍ରିଓ୍ଵାଲଙ୍କ ଖାଦ୍ୟ ଏବଂ ଇନ୍ସୁଲିନର ଆବଶ୍ୟକତା ଉପରେ ଜେଲ୍ ଅଧିକାରୀଙ୍କ ରିପୋର୍ଟକୁ ଦର୍ଶାଇଥିଲେ ।
ଜେଲ୍ ସୂତ୍ରରୁ କୁହାଯାଇଥିଲା କି, ଏମ୍ସର ଜଣେ ବରିଷ୍ଠ ମଧୁମେହ ବିଶେଷଜ୍ଞଙ୍କ ସହ କେଜ୍ରିଓ୍ଵାଲଙ୍କ ପରାମର୍ଶ ଭିଡିଓ କନ୍ଫରେନ୍ସି ମାଧ୍ୟମରେ କରାଯାଇଥିଲା । ୪୦ ମିନିଟ୍ର ପରାମର୍ଶ ପରେ ଡାକ୍ତରଙ୍କ ତରଫରୁ କେଜ୍ରିଓ୍ଵାଲଙ୍କୁ ଆଶ୍ୱସନା ଦିଆଯାଇଥିଲା ଯେ ଏଥିରେ ଚିନ୍ତା କରିବାର କିଛି ନାହିଁ । ତାଙ୍କୁ ନିର୍ଦ୍ଦିଷ୍ଟ ଔଷଧ ଜାରି ରଖିବାକୁ ମଧ୍ୟ ପରାମର୍ଶ ଦିଆଯାଇଥିଲା ।
ମେଷ: ଦିନଟି ଆପଣଙ୍କର ଲାଭଦାୟକ ରହିବ । ସ୍ୱାସ୍ଥ୍ୟ ପ୍ରତି ଧ୍ୟାନ ଦେବାକୁ ପଡିବ । ପରିବାରରେ ସୁଖ ମିଳିବ…
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…