ଉତ୍ତରପ୍ରଦେଶର କାସଗଞ୍ଜ ଜିଲ୍ଲାରେ ଘଟିଛି ଭୟଙ୍କର କାର ଦୁର୍ଘଟଣା । ଦୁର୍ଘଟଣାସ୍ଥଳରେ ହିଁ ୫ ଜଣଙ୍କର ମୃତ୍ୟୁ ହୋଇଛି । ଭାରସାମ୍ୟ ହରାଇ କାର କେନାଲର ପଡ଼ି ଯାଇଥିବାରୁ ଏଭଳି ଦୁର୍ଘଟଣା ଘଟିଛି । ତେବେ ସହାବର-ଏଟା ରାସ୍ତା ଥିବା ମୁହାରେ ଘାଟ ନିକଟରେ କାରଟି ଭାରସାମ୍ୟ ହରାଇ କେନାଲରେ ପଡ଼ିଯାଇଥିବା ସୂଚନା ମିଳିିଛି । ଏହି ଦୁର୍ଘଟଣାରେ ଗୋଟିଏ ପରିବାରର ଦୁଇ ଦମ୍ପତ୍ତି ସାମିଲ ଥିଲେ । କାରରେ ଥିବା ଜଣେ ରୋଗାଗ୍ରସ୍ଥ ମହିଳାଙ୍କୁ ଚିକିତ୍ସା ପାଇଁ ଏଟା ଅଞ୍ଚଳକୁ ନେଇ ଯାଉଥିବା ସମୟରେ ହିଁ ଦୁର୍ଘଟଣା ଘଟିଥିଲା ।
ଗଞ୍ଜଡୁଣ୍ଡଓ୍ଵାରା ଅନ୍ତର୍ଗତ ନଗଲା ଉମେଦ ଗାଁର ନିବାସୀ ୩୫ ବର୍ଷିୟ ନୀରଜଙ୍କ ପତ୍ନୀ ଗତ କିଛି ଦିନ ଧରି ଅସୁସ୍ଥ ଥିଲେ । ରବିବାର ରାତିରେ ତାଙ୍କର ଦେହ ଅଧିକ ମାତ୍ରାରେ ଅସୁସ୍ଥ ହୋଇଥିଲା । ଏହି ସମୟରେ ନୀରଜ ଏଟାର କିଛି ସମ୍ପର୍କୀୟଙ୍କ ସହ ଫୋନରେ କଥାବାର୍ତ୍ତା କରିଥିଲେ । ଏହା ପରେ ସେ ପଡ଼ୋଶୀ ଗାଁ ଜୈଦରରୁ ନିଜ ବନ୍ଧୁ ଶିବମଙ୍କୁ ଡାକିଥିଲେ । ଶିବମ କାର ଚଲାଇ ଏଟା ଅଞ୍ଚଳକୁ ବାହାରିଥିଲେ । ନୀରଜ ତାଙ୍କ ସ୍ତ୍ରୀଙ୍କ, ନୀରଜଙ୍କ ଦାଦା ତେଜେନ୍ଦ୍ର ଏବଂ ତାଙ୍କ ସ୍ତ୍ରୀ ସନ୍ତୋଷୀ ମଧ୍ୟ କାରରେ ଯାଇଥିଲେ ।
ଅମାନପୁର ପାର କରିବା ପରେ କାରଟି ଏଟା ଅଞ୍ଚଳରେ ପ୍ରବେଶ କରିଥିଲା । କାରଟି ଭାରସାମ୍ୟ ହରାଇ ମୁହାରେ ଘାଟ ଗାଁ ନିକଟରେ ଥିବା କେନାଲରେ ପଡ଼ି ଯାଇଥିଲା । ଏହି ଦୁର୍ଘଟଣା ରାତି ପ୍ରାୟ ୧୨ଟା ସମୟରେ ହୋଇଥିବା କୁହାଯାଉଛି । ଅନ୍ୟପଟେ ନୀରଜ ଯେତେବେଳେ ରାତି ୨ଟା ପର୍ଯ୍ୟନ୍ତ ଏଟାରେ ପହଞ୍ଚନଥିଲେ ସେତେବେଳେ ଏଟାରେ ଥିବା ତାଙ୍କ ସମ୍ପର୍କୀୟ ନୀରଜଙ୍କ ଘରେ ଫୋନ କରି ଯୋଗାଯୋଗ କରିଥିଲେ । ଏହା ପରେ ନୀରଜଙ୍କ ସମ୍ପର୍କୀୟ ଅନ୍ୟ ଏକ କାର ଧରି ନୀରଜଙ୍କୁ ଖୋଜିବା ପାଇଁ ବାହାରିଥିଲେ । ସକାଳ ପ୍ରାୟ ୪ ଟା ସମୟରେ ଏଟାସ୍ଥିତ କେନାଲ ନିକଟରେ ସେଠାକାର କିଛି ଗ୍ରାମବାସୀ କେନାଲରେ ଓଲଟି ପଡ଼ିଥିବା କାର ବିଷୟରେ ତାଙ୍କୁ ସୂଚନା ଦେଇଥିଲେ ।
ସମ୍ପର୍କୀୟ ଜଣଙ୍କ ଘଟଣାସ୍ଥଳରେ ଯାଇ କାରଟିକୁ ଦେଖିଥିଲେ । କାରରେ ନୀରଜ ଏବଂ ଅନ୍ୟମାନେ ଥିବା ଦେଖିବାକୁ ପାଇଥିଲେ । ସଙ୍ଗେ ସଙ୍ଗେ ପୋଲିସକୁ ସମ୍ପୃକ୍ତ ଘଟଣା ବିଷୟରେ ସୂଚନା ଦିଆଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ପାଞ୍ଚ ଜଣଙ୍କୁ ଉଦ୍ଧାର କରିଥିଲା କିନ୍ତୁ ପାଞ୍ଚଜଣଙ୍କର ମୃତ୍ୟୁ ହୋଇଯାଇଥିଲା ।
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…
ପ୍ରବଳ ଗ୍ରୀଷ୍ମ ତାତି ଭିତରେ ଉତ୍ତର ପ୍ରଦେଶର ନୋଏଡାରେ ଲଗାତାର ଅଗ୍ନିକାଣ୍ଡ ଘଟୁଛି । ଗତ ୩ ଦିନ ହେବ…
ରାୟଗଡ଼ା(କେନ୍ୟୁଜ୍): ବସ୍ ରେ ଲାଗିଲା ନିଆଁ । ହୁତୁ ହୁତୁ ହୋଇ ବସ୍ଷ୍ଟାଣ୍ଡରେ ଜଳିଗଲା ବସ୍ । ରାୟଗଡ଼ା ଜିଲ୍ଲା…