(କେନ୍ୟୁଜ ବ୍ୟୁରୋ): ମଥୁରା ଏବଂ ଆଗ୍ରାର ଅନେକ ମନ୍ଦିରରେ ଛୋଟ ବସ୍ତ୍ର ପରିଧାନ ଉପରେ ପ୍ରତିବନ୍ଧକ ଲାଗୁ କରାଯାଇଛି । ଏହା ସହିତ ଶ୍ରଦ୍ଧାଳୁମାନେ ମନ୍ଦିରରେ ପ୍ରବେଶ ପାଇଁ ଭାରତୀୟ ପରମ୍ପରା ଅନୁସାରେ ବସ୍ତ୍ର ପରିଧାନ କରିବା ପାଇଁ ନିର୍ଦ୍ଦେଶ ଦିଆଯାଇଛି । ଆଗ୍ରାର କୈଳାସ ମହାଦେବ ମନ୍ଦିର ସମେତ ଅନେକ ମନ୍ଦିରରେ ଛୋଟ ବସ୍ତ୍ର ପିନ୍ଧି ଆସିବା ଉପରେ ନିଷେଧାଦେଶ ଜାରି କରାଯାଇଛି । ଆଗ୍ରା ଭଳି ମଥୁରାର ରାଧା ବଲ୍ଲଭ ମନ୍ଦିର ସମେତ ଅନେକ ମନ୍ଦିରରେ ସମାନ ନିର୍ଦ୍ଦେଶ ଦିଆଯାଇଛି ।
ମନ୍ଦିର ପ୍ରଶାସନ ତରଫରୁ କୁହାଯାଇଛି ଯେ, ଶ୍ରଦ୍ଧାଳୁମାନେ ମନ୍ଦିରରେ ପ୍ରବେଶ କରିବାକୁ ହେଲେ ଭାରତୀୟ ପରମ୍ପରା ଅନୁସାରେ ହିଁ ବସ୍ତ୍ର ପିନ୍ଧି ଆସିବେ ନଚେତ୍ ସେମାନଙ୍କୁ ମନ୍ଦିରରେ ପ୍ରବେଶ ନିଷେଧ କରାଯିବ । ଏଥିପାଇଁ ମନ୍ଦିର ପ୍ରଶାସନ ତରଫରୁ ଶ୍ରଦ୍ଧାଳୁଙ୍କ ପାଇ କଡ଼ା ନିୟମ କରାଯାଇଛି । ମନ୍ଦିର ସମ୍ମୁଖରେ ଏହି ନିୟମ ସମ୍ବନ୍ଧିତ ବୋର୍ଡ ଲଗାଯାଇଛି, ଯେଉଁଥିରେ ଛୋଟ ବସ୍ତ୍ର ପରିଧାନ କରି ଆସୁଥିବା ଶ୍ରଦ୍ଧାଳୁଙ୍କ ପ୍ରବେଶ ନିଷେଧ କରାଯାଇଛି ।
ଆଗ୍ରାର କୈଳାସ ମହାଦେବ ମନ୍ଦିର ପୂଜାରୀ ପଙ୍କଜ ଗିରି କହିଛନ୍ତି ଯେ, ଆମେ ପରମ୍ପରା ଅନୁସାରେ ମନ୍ଦିରରେ ହିନ୍ଦୁ ସଂସ୍କୃତିକୁ ଅନୁସରଣ କରି ବସ୍ତ୍ର ପରିଧାନ କରିବା ଉଚିତ । କୌଣସି ଧାର୍ମିକ ମାନ୍ୟତାରେ ଆଘାତ ନପହଞ୍ଚିବା ପାଇଁ ଏଭଳି ନିୟମ କରାଯାଇଛି । ଏହାକୁ ଦୃଷ୍ଟିରେ ରଖି ମନ୍ଦିରରେ ଛୋଟ ଡ୍ରେସ ପରିଧାନ ଉପରେ ରୋକ ଲଗାଯାଇଛି । ସେହିପରି ମଥୁରାର ମନକାମେଶ୍ୱର ମହାଦେବ ମନ୍ଦିରର ପୁରୋହିତ ଯୋଗେଶ ପୁରୀ ଏଭଳି ନିୟମକୁ ସମର୍ଥନ କରିଛନ୍ତି । ମନ୍ଦିରରେ ପ୍ରବେଶ ପାଇଁ ଭାରତୀୟ ପରିଧାନକୁ ଆଦର୍ଶ କୁହାଯାଏ ବୋଲି ସେ କହିଛନ୍ତି । ଏଥିପାଇଁ ଶ୍ରଦ୍ଧାଳୁଙ୍କ ପାଇଁ ଭାରତୀୟ ବସ୍ତ୍ର ପିନ୍ଧି ମନ୍ଦିରରେ ପ୍ରବେଶ କରିବା ଜରୁରୀ ହୋଇଛି ।
ସୂଚନା ଥାଉ କି, ଏହା ପୂର୍ବରୁ ମଥୁରାର ରାଧା ବଲ୍ଲଭ ଏବଂ ରାଧା ଦାମୋଦର ମନ୍ଦିରରେ ମଧ୍ୟ ଛୋଟ ବସ୍ତ୍ର ପରିଧାନ କରି ମନ୍ଦିରରେ ପ୍ରବେଶ ନିଷେଧ ଉପରେ ନିୟମ ଲାଗୁ କରାଯାଇଥିଲା । ବାଙ୍କେ ବିହାରୀ ମନ୍ଦିରରେ ମଧ୍ୟ ଏହାର ସମର୍ଥନ କରାଯାଇଥିଲା । ମନ୍ଦିର ପ୍ରଶାସନ ତରଫରୁ କୁହାଯାଇଛି ଯେ, ଛୋଟ ବସ୍ତ୍ର ପରିଧାନ କରି ଆସିବା ଦ୍ୱାରା ଲୋକଙ୍କ ଚିନ୍ତାଧାରା ଉପରେ ପ୍ରଭାବ ପଡ଼ିଥାଏ । ଏହା ସନାତନ ଧର୍ମ, ସଂସ୍କୃତି ଏବଂ ପରମ୍ପରାର ବିରୋଧୀ ଭାବେ ବିଚାର କରାଯାଏ । ଏହା ପଥମ ଥର ନୁହେଁ, ଯେଉଁଥିରେ ମନ୍ଦିରରେ ପ୍ରବେଶ ପାଇଁ ଡ୍ରେସ କୋଡ ଲାଗୁ କରାଯାଇଛି । ଦକ୍ଷିଣ ଭାରତର ଅନେକ ମନ୍ଦିରରେ ପଥମରୁ ହିଁ ଡ୍ରେସ କୋଡ ଲାଗୁ କରାଯାଇଛି ।
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…
ପ୍ରବଳ ଗ୍ରୀଷ୍ମ ତାତି ଭିତରେ ଉତ୍ତର ପ୍ରଦେଶର ନୋଏଡାରେ ଲଗାତାର ଅଗ୍ନିକାଣ୍ଡ ଘଟୁଛି । ଗତ ୩ ଦିନ ହେବ…