ଗୁଗଲ ମ୍ୟାପ୍ ବ୍ୟବହାର କରି କାର ଚଲାଇବା ପଡିଲା ମହଙ୍ଗା । ଗୁଗଲ୍ ଏମିତି ବାଟ ଦେଖାଇଲା ଯେ, କାର ସହିତ ସମସ୍ତ ଯାତ୍ରୀ ସିଧା ଯାଇ ପାଣି ଭିତରେ । ତେବେ ଏମିତି ଘଟଣା ଘଟିବା ପରେ ସମସ୍ତଙ୍କୁ ପାଣିରୁ ଉଦ୍ଧାର କରାଯାଇଛି କିନ୍ତୁ କାରଟି ବୁଡିଯାଇଥିବା ଖବର ମିଳିଛି। ଏଭଳି ଘଟଣା ଦକ୍ଷିଣ କେରଳ ଜିଲ୍ଲା କୁରୁପ୍ପନଥାରାରେ ଘଟିଛି ।
ଖବର ମୁତାବକ, ଗତ ଶୁକ୍ରବାର ରାତିରେ କେରଳରେ ପ୍ରବଳ ବର୍ଷା ଯୋଗୁଁ ଚାରିଆଡେ ପାଣିଭର୍ତ୍ତି ହୋଇଥିଲା । ୪ ଜଣ ସାଙ୍ଗ ଆଲପୁଝା ଯାଉଥିବା ବେଳେ ପାଣି ଭର୍ତ୍ତି ହୋଇଥିବାରୁ ସମସ୍ତେ ମିଶି ଗୁଗଲ ନାଭିଗେସନକୁ ବ୍ୟବହାର କରିଥିଲେ । ତେବେ ବର୍ଷା ଯୋଗୁଁ ଏକ ଝରଣାରେ ପାଣି ଭର୍ତ୍ତି ହୋଇଯାଇଥିଲା । ତେଣୁ ରାସ୍ତା ପାଇନଥିଲେ । ଗୁଗଲ ମ୍ୟାଚଚ ବ୍ୟବହାର କରି ଠିକଣା ସ୍ଥାନକୁ ଯାଉଥିବା ବେଳେ ସମସ୍ତେ ଗାଡି ସହିତ ଝରଣାରେ ପଡିଯାଇଥିଲେ ।
ତେବେ ସ୍ଥାନୀୟ ଲୋକ ଏମାନଙ୍କୁ ଉଦ୍ଧାର କରି ପୋଲିସକୁ ଖବର ଦେଇଥିଲେ । କିନ୍ତୁ ପାଣିରେ ଏମାନଙ୍କ କାରଟି ସଂପୂର୍ଣ୍ଣ ଭାବେ ବୁଡିଯାଇଥିଲା ଆଉ ଏମାନେ ସୁରକ୍ଷିତ ଭାବେ ଉଦ୍ଧାର ହୋଇଥିଲେ । ଗାଡିକୁ ପାଣିରୁ ବାହାର କରିବା ପାଇଁ ପୋଲିସ ଚେଷ୍ଟା କରିଥିଲା କିନ୍ତୁ କରିପାରିନଥିଲା ।
ଗତ ମଙ୍ଗଳବାରଠୁ ବର୍ଷା କାରଣରୁ ରାଜ୍ୟର ବିଭିନ୍ନ ସ୍ଥାନରେ ସାଧାରଣ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଥିରୁଅନନ୍ତପୁରମ୍, କୋଲାମ, ଆଲାପୁଜା, ଏର୍ନାକୁଲମ୍, କୋଜିକୋଡେ, କନ୍ନୁର ଏବଂ କାସରଗୋଡ ଜିଲ୍ଲାକୁ ୟେଲୋ ୱାର୍ଣ୍ଣି ଜାରି କରିଛି । କୌଣସି ଜରୁରୀକାଳୀନ ପରିସ୍ଥିତିକୁ ନିୟନ୍ତ୍ରଣ କରିବା ପାଇଁ ସ୍ଥାନୀୟ କର୍ତ୍ତୃପକ୍ଷ, ଅଗ୍ନିଶମ ବାହିନୀ, ପୁଲିସ ଏବଂ ରାଜସ୍ୱ ବିଭାଗ ସଜାଗ ରହିଛନ୍ତି ।
ସୂଚନାଯୋଗ୍ୟ, କେରଳରେ ଗତ ଅକ୍ଟୋବରରେ ଦୁଇଜଣ ଯୁବ ଡାକ୍ତର କାର ଦୁର୍ଘଟଣାରେ ମୃତ୍ୟୁବରଣ କରିଥିଲେ । ଏମାନେ ମଧ୍ୟ ଗୁଗଲ ମ୍ୟାପ୍ ବ୍ୟବହାର କରି ନଦୀରେ ଖସିପଡିଥିଲେ ।
ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…
ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…
ଯାଜପୁର ଟାଉନ : ଚାରି ଫୁଟ୍ ଲମ୍ବର ନାଗ ସହ ସାତଟି ନାଗ ଛୁଆ ଉଦ୍ଧାର । ଦଶରଥପୁର ବ୍ଲକ…
ଉଦଳା: ଅଳିଆ ଭାବେ ପଡିଛି କୁଢ଼ କୁଢ଼ ସାଲାଇନ ଓ ଇଞ୍ଜେକସନ୍ । କିଛି ଏକ୍ସପାଏରୀ ହୋଇଛି ତ ଆଉ…
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କୁ ଗିରଫ କରିଛି ସିବିଆଇ । ଅବକାରୀ ନୀତି ଦୁର୍ନୀତି ମାମଲାରେ ତାଙ୍କୁ ଅଦାଲତରୁ ଗିରଫ…
ସୁନ୍ଦରଗଡ଼ : ବଜ୍ରକାପ୍ତା ଉଦ୍ଧାର । ସୁନ୍ଦରଗଡ଼ ଜିଲ୍ଲା କୁଳିପୋଷ ରେଞ୍ଜର କୁଢେଇକଳା ବିଟର ବନଲତା ଗାଁରୁ ଉଦ୍ଧାର କରାଯାଇଛି…