ଦେବଦୂତ ସାଜିଛନ୍ତି ଟିମ୍ ଇଣ୍ଡିଆର ଜଣାଶୁଣା ବ୍ୟାଟ୍ସମ୍ୟାନ୍ କେଏଲ୍ ରାହୁଲ। ସେ ଏକ ହୃଦୟ ଜିତିବା ଭଳି କାମ କରିଛନ୍ତି। ଏକ ଦୁରାରୋଗ୍ୟରେ ପୀଡ଼ିତ ୧୧ ବର୍ଷର ବାଳକକୁ ରାହୁଲ ସାହାଯ୍ୟର ହାତ ବଢ଼ାଇଛନ୍ତି। ରାହୁଲଙ୍କ ସାହାଯ୍ୟ ପରେ ତୁରନ୍ତ ଉକ୍ତ ବାଳକର ବୋନ୍ ମ୍ୟାରୋ ପ୍ରତ୍ୟାରୋପଣ କରାଯାଇଛି। ଫଳରେ ତା’ ଜୀବନ ବଞ୍ଚିଯାଇଛି। ଏହି ବାଳକର ନାଁ ହେଉଛି ବରଦ ନଲବାଡ଼େ। ବରଦର ସର୍ଜରୀ ପାଇଁ ୩୫ ଲକ୍ଷ ଟଙ୍କା ଦରକାର ଥିଲା। ସେଥିରୁ ୩୧ ଲକ୍ଷ ଟଙ୍କା ରାହୁଲ ସାହାଯ୍ୟ କରିଛନ୍ତି।
ରିପୋର୍ଟ ମୁତାବକ, ମୁମ୍ବାଇର ବରଦ ଏକ ରକ୍ତ ଜନିତ ଦୂରାରୋଗ୍ୟରେ ପୀଡ଼ିତ ଥିଲା। ତା’ ଚିକିତ୍ସା ପାଇଁ ୩୫ ଲକ୍ଷ ଟଙ୍କା ଦରକାର ବୋଲି ଡାକ୍ତର କହିଥିଲେ। କିନ୍ତୁ ବରଦର ବାପା ଜଣେ ଇନ୍ସ୍ୟୁରାନ୍ସ ଏଜେଣ୍ଟ ଓ ମା’ ହାଉସ୍ ଓ୍ଵାଇଫ୍ ହୋଇଥିବାରୁ ସେ ଏତେ ଟଙ୍କା ଯୋଗାଡ଼ କରିପାରିନଥିଲେ। ଏଣୁ ସେ ଓ ତାଙ୍କ ପତ୍ନୀ ମିଶି ପୁଅର ଚିକିତ୍ସା ଲାଗି ଫଣ୍ଡ ସଂଗ୍ରହ ପାଇଁ କ୍ୟାମ୍ପେନିଂ କରିଥିଲେ। ଏହି କ୍ୟାମ୍ପେନିଂ ଜରିଆରେ ତାଙ୍କୁ ୪ ଲକ୍ଷ ଟଙ୍କା ମିଳିଥିଲା। ଏ ନେଇ ଜାଣିବା ପରେ ରାହୁଲ ବାକି ୩୧ ଲକ୍ଷ ଟଙ୍କା ସାହାଯ୍ୟ କରିଥିଲେ। ଫଳରେ ବରଦର ଅପରେସନ୍ ହୋଇପାରିଛି ଓ ସେ ଏବେ ସମ୍ପୂର୍ଣ୍ଣ ସୁସ୍ଥ ଥିବା ଡାକ୍ତର କହିଛନ୍ତି।
ଡାକ୍ତରଙ୍କ କହିବାନୁସାରେ, ବରଦ ଅପ୍ଲାଷ୍ଟିକ୍ ଏନିମିଆ ନାମକ ଦୁର୍ଲ୍ଲଭ ରୋଗରେ ପୀଡ଼ିତ ଥିଲା। ଏହି ରୋଗ ରକ୍ତରେ ହୋଇଥାଏ। ବରଦର ପ୍ଲେଟଲେଟ୍ କମ୍ ଥିବାରୁ ତା ଇମ୍ୟୁନିଟି ସିଷ୍ଟମ୍ ଦୁର୍ବଳ ଥିଲା। ସାଧାରଣ ଜ୍ୱର ହେଲେ ବି ସୁସ୍ଥ ହେବାକୁ ତାକୁ ମାସ ମାସ ସମୟ ଲାଗିଯାଉଥିଲା। ତାକୁ ବଞ୍ଚାଇବାର ଏକ ମାତ୍ର ମାଧ୍ୟମ ଅପରେସନ୍ ଥିଲା। ଏବେ ଅପରେସନ୍ ପରେ ସେ ସମ୍ପୂର୍ଣ୍ଣ ସୁସ୍ଥ ହୋଇଯିବ ବୋଲି ଡାକ୍ତର କହିଛନ୍ତି। ଅନ୍ୟପଟେ ସୁସ୍ଥ ହେବା ପରେ ବରଦ ଭାରତ ପାଇଁ କ୍ରିକେଟ୍ ଖେଳିବାକୁ ଇଚ୍ଛା ରଖିଛି ବୋଲି ତା’ ମା’ କହିଛନ୍ତି।
କୋଟିଏରୁ ଅଧିକ ସରକାର କର୍ମଚାରୀ ଏବଂ ପେନସନଧାରୀ ନିଜର ୮ମ ବେତନ ଆୟୋଗ ଗଠନକୁ ଚାତକ ଭଳି ଚାହିଁ ରହିଛନ୍ତି…
କୁଏତ୍ର ଦକ୍ଷିଣ ସହର ମଙ୍ଗାଫ୍ରେ ବୁଧବାର ଏକ ଭୟାବହ ଅଗ୍ନିକାଣ୍ଡ ଘଟିଛି । ଏଠାରେ ଏକ ବିଲ୍ଡିଂରେ ନିଆଁ ଲାଗି…
ଭୁବନେଶ୍ୱର(କେନ୍ୟୁଜ୍): ନିର୍ବାଚନ ସରିଲା । ଅସହ୍ୟ ତାତିରେ ଏବେ ପରିବା ଦରରେ ଲାଗିଲା ନିଆଁ । ହୁ ହୁୂ ହୋଇ…
ସମ୍ପନ୍ନ ହୋଇଯାଇଛି ସମ୍ବଲପୁର ସହରର ସବୁଠାରୁ ବଡ଼ ପର୍ବ ଶୀତଳ ଷଷ୍ଠୀ ଯାତ୍ରା । ଯୁଗଳ ଦର୍ଶନ ଓ ସାଂସ୍କୃତିକ…
ଛୋଟ ପିଲାଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ, ଆଜିକାଲି ଅନେକ ଲୋକ ଲେଟ୍ ନାଇଟ୍ ପର୍ଯ୍ୟନ୍ତ ଜାଗ୍ରତ ରହିବା ଆରମ୍ଭ…
ଭୁବନେଶ୍ୱର(କେନ୍ୟୁଜ୍): ମନ୍ତ୍ରିମଣ୍ଡଳଙ୍କୁ ନେଇ ଆସିଛି ଏକ ବଡ଼ ଖବର। ମନ୍ତ୍ରିମଣ୍ଡଳରେ ସାମିଲ ହେବା ପାଇଁ ବିଧାୟକଙ୍କ ପାଖକୁ ଆସିଲା ଫୋନ୍…