କରୋନା ସଂକ୍ରମଣ ଭୟରେ ଦେଶ ତଥା ବିଶ୍ଵର ଅନେକ ଲୋକ ନିଜ ପ୍ରିୟଜନଙ୍କ ଠାରୁ ଦୂରେଇ ରହିଛନ୍ତି । ଚାହିଁଲେ ବି ସେମାନେ ନିଜ ପରିବାର ନିକଟରେ ପହଞ୍ଚି ପାରୁନାହାଁନ୍ତି । ତେବେ ଏହା ମଧ୍ୟରେ ଭାରତରେ ଦେଖିବାକୁ ମିଳିଛି ଏକ ମା’ର ସ୍ନେହ । ସୂଚନା ଅନୁଯାୟୀ ମହାରାଷ୍ଟ୍ରର ଔରଙ୍ଗାବାଦ ସିଭିଲ୍ ହସ୍ପିଟାଲରେ ଜଣେ କରୋନା ପଜିଟିଭ୍ ମା ନିଜ ସନ୍ତାନକୁ ଜନ୍ମ ଦେଇଥିଲେ ମଧ୍ୟ ନିଜ ପିଲାକୁ ଟିକିଏ ଦେଖିବା ଓ ତାକୁ ଟିକେ ଛୁଇଁବା ପାଇଁ ସେ ସୁଯୋଗ ପାଇନଥିଲେ । ମା’ କରୋନାରେ ସଂକ୍ରମିତ ହୋଇଥିବା ଯୋଗୁଁ ଡାକ୍ତରମାନେ ନବଜାତ ଶିଶୁକୁ ଡାକ୍ତରଖାନାର ଏକ ଅଲଗା ୱାର୍ଡରେ ରଖିଛନ୍ତି । ଏଭଳି ପରିସ୍ଥିତିରେ ସଂକ୍ରମିତ ମହିଳା ଜଣକ ଭିଡିଓ କଲରେ ତାଙ୍କ ଝିଅକୁ ଦେଖୁଛନ୍ତି ।
ଔରଙ୍ଗାବାଦ ସିଭିଲ ହସ୍ପିଟାଲର ସର୍ଜନ ଡାକ୍ତର ସୁନ୍ଦର କୁଲକର୍ଣ୍ଣିଙ୍କ କହିବା ଅନୁଯାୟୀ ଶିଶୁଟି ଏପ୍ରିଲ 18 ତାରିଖରେ ସିଜେରୀୟନ ସେକ୍ସନରେ ଜନ୍ମ ହୋଇଥିଲା । କିନ୍ତୁ ମା ଜଣେ କରୋନା ରୋଗୀ ହୋଇଥିବାରୁ ପିଲାଟି ତାଙ୍କଠାରୁ ଅଲଗା ହୋଇଯାଇଥିଲା । ତେବେ ବର୍ତ୍ତମାନ ଶିଶୁଟି ସାଧାରଣ ୱାର୍ଡରେ ଥିବାବେଳେ ମହିଳା ଜଣକ କରୋନା ୱାର୍ଡରେ ଭର୍ତ୍ତି ହୋଇଛନ୍ତି । ଶିଶୁଟି ସମ୍ପୂର୍ଣ୍ଣ ସୁସ୍ଥ ଏବଂ ସେ କରୋନା ନେଗେଟିଭ ବୋଲି ଜଣାପଡିଛି ।
ସୂଚନା ଅନୁଯାୟୀ ଦେଶରେ ଏହା ହେଉଛି ଦ୍ୱିତୀୟ ଘଟଣା ଯେତେବେଳେ କରୋନା ସଂକ୍ରମିତ ମହିଳା ଏକ ସନ୍ତାନ ଜନ୍ମ ଦେଇଥିଲେ । ଏଥି ସହିତ ଚାଇନା, ଲଣ୍ଡନ, ଅଷ୍ଟ୍ରେଲିଆ ଏବଂ ମୁମ୍ବାଇ ପରେ ଏହା ବିଶ୍ୱର ପଞ୍ଚମ ଘଟଣା । ରିପୋର୍ଟ ମୁତାବକ ମହାରାଷ୍ଟ୍ରରେ ବର୍ତ୍ତମାନ ପର୍ଯ୍ୟନ୍ତ 6430 ଲୋକ ସଂକ୍ରମିତ ହୋଇଥିବାବେଳେ 283 ଜଣଙ୍କର ମୃତ୍ୟୁ ହୋଇଛି ।
ଭୁବନେଶ୍ୱର(କେନ୍ୟୁଜ୍): ରାଜ୍ୟରେ ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ ପାଇଁ ଶାନ୍ତିଶୃଙ୍ଖଳାର ସହ ଚାଲିଛି ଭୋଟଗ୍ରହଣ । ଦିନ ୩ଟା…
ଟି-୨୦ ବିଶ୍ୱକପ ୨୦୨୪ ପୂର୍ବରୁ ଇଂଲଣ୍ଡ ଟିମକୁ ଶକ୍ତ ଝଟକା ଲାଗିଛି । ବେଟିଂ କରିବା ଅଭିଯୋଗର ଟିମର ଷ୍ଟାର…
ଧ୍ୟାନରୁ ଉଠିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । କନ୍ୟାକୁମାରୀର ବିବେକାନନ୍ଦ ପଥର ସ୍ମାରକୀରେ ପ୍ରଧାନମନ୍ତ୍ରୀ ମୋଦିଙ୍କ ସାଧନାର ଆଜି ଥିଲା…
ମହାନତା ଦେଖାଇଲେ ଶିକ୍ଷୟତ୍ରୀ । ସ୍ୱାମୀଙ୍କ ଶ୍ରାଦ୍ଧ ବାର୍ଷିକ ଅବସରରେ ମେଧାବୀ ଛାତ୍ର ଛାତ୍ରୀଙ୍କୁ ଆର୍ଥିକ ସହାୟତା ରାଶି ପ୍ରଦାନ…
ଭୁବନେଶ୍ୱର(କେନ୍ୟୁଜ୍) : ରାଜ୍ୟରେ ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ ପାଇଁ ଶାନ୍ତିଶୃଙ୍ଖଳାର ସହ ଚାଲିଛି ଭୋଟଗ୍ରହଣ । ଦିନ…
ଝାଡ଼ଖଣ୍ଡର ଧନବାଦରେ ଏକ ମାଛ ବୋଝେଇ ଗାଡ଼ି ଦୁର୍ଘଟଣାର ଶିକାର ହୋଇଛି । ଏଠାରେ ରାସ୍ତାରେ ଯାଉଥିବା ବେଳେ ଗାଡ଼ିଟି…