Photo credit: The Hans India
କୋଲକତାର ଉତ୍ତର ବେରକପୁର ପାଖରେ ଦେଶୀ ବୋମା ବିସ୍ଫୋରଣରେ ୭ ବର୍ଷର ପିଲା ମୃତ। ଏହି ଘଟଣାରେ ଆଉ ଜଣେ ପିଲା ଗୁରୁତର ଭାବେ ଆହତ ହୋଇ ଚିକିତ୍ସିତ ହେଉଛନ୍ତି। ପିଲାମାନେ ବୋମାକୁ ବଲ୍ ଭାବି ଖେଳୁଥିବା ବେଳେ ଏହି ବିସ୍ଫୋରଣ ହୋଇଥିଲା। ଘଟଣା ପରେ ପିଲାମାନଙ୍କୁ ତୁରନ୍ତ ଭାଟପାରା ସରକାରୀ ହସପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ସେଠାରୁ ତାଙ୍କୁ କୋଲକତା ମେଡିକାଲ କଲେଜକୁ ସ୍ଥାନାନ୍ତର କରାଯାଇଥିଲା। ଏହି ଘଟଣାରେ ପୋଲିସ ଯାଞ୍ଚ ଆରମ୍ଭ କରିଛି।
ଖବର ମୁତାବକ, ପଶ୍ଚିମବଙ୍ଗର କୋଲକତା ଠାରୁ ୩୫ କିମି ଦୂର ଉତ୍ତର ବେରକପୁରରେ ଦୁଇ ଜଣ ପିଲା ଏକ ଦେଶୀ ବୋମାକୁ ବଲ୍ ଭାବି ଖେଳୁଥିଲେ। ପିଲାମାନେ ଏହାକୁ ଖେଳୁଥିବା ସମୟରେ ବୋମାଟି ହଠାତ୍ ଫାଟିଯାଇଥିଲା। ଫଳରେ ପିଲାମାନେ ଝିଟକି ପଡିଥିଲେ। ବିସ୍ଫୋରଣ ପରେ ପିଲାମାନଙ୍କୁ ସ୍ଥାନୀୟ ଲୋକ ତୁରନ୍ତ ଭାଟପାରା ସରକାରୀ ମେଡିକାଲକୁ ନେଇଥିଲେ। କିନ୍ତୁ ସେଠାରୁ ସେମାନଙ୍କୁ କୋଲକତା ମେଡିକାଲକୁ ସ୍ଥାନାନ୍ତର କରିଯାଇଥିଲା। ମେଡିକାଲରେ ଡାକ୍ତର ଜଣେ ପିଲାକୁ ମୃତ ଘୋଷଣା କରିଥିବା ବେଳେ ଅନ୍ୟ ଜଣେ ପିଲା ଗୁରୁତର ଥିବା ଜଣାପଡିଛି। ତେବେ ମୃତ ପିଲାର ବୟସ ୭ ବର୍ଷ ଏବଂ ଗୁରୁତର ଆହତ ଥିବା ପିଲାର ବୟସ ୧୦ ବର୍ଷ ବୋଲି ଖବର ମିଳିଛି। ପୋଲିସ ଏହି ମାମଲାରେ ଯାଞ୍ଚ ଆରମ୍ଭ କରିଛି।
ଗୁରୁତର ଆହତ ହୋଇଥିବା ପିଲାର ଜେଜେ ମା’ କହିଛନ୍ତି, ପିଲାଟି ସକାଳୁ ଉଠି ରେଲେଓ୍ଵ ଟ୍ରାକ ନିକଟକୁ ଖେଳିବାକୁ ଯାଇଥିଲା। କାଳିପୂଜା ଥିବାରୁ ଦୁହେଁ ସାଙ୍ଗ ମିଶି ବିନା ଜଳିଥିବା ବାଣ ଦେଖିଥିଲେ। ଏହି ସମୟରେ ହାତରେ ବୋମାଟି ବିସ୍ଫୋରଣ ହୋଇଥିଲା। ତେବେ ଏହି ରେଲେଓ୍ଵ ଟ୍ରାକ ନିକଟରେ ପୋଲିସ ଏକ ଝୁପୁଡି ଘରେ ଦେଶୀ ବୋମା ଲୁଚାଇଥିବା ରେଳବାଇ ପୋଲିସ ଜବତ କରିଛି।
Also Read : ଗଳିରେ ବାଣ ଫୁଟାଇବାକୁ ମନା କରୁଥିଲେ ଯୁବକ, ରାଗରେ ଛୁରୀ ମାରି ହତ୍ୟା କଲେ ୩ ସାଙ୍ଗ
କଟକ: ଜବତ ବୋମା ନିଷ୍କ୍ରିୟ କଲା ବେଳେ ଫୁଟିଲା ବୋମା । ବୋମା ଫୁଟିବା ଶଦ୍ଦ ଏତେ ଜୋରରେ ଥିଲା…
ଭୁବନେଶ୍ୱର : କିଟ ବିଶ୍ଵବିଦ୍ୟାଳୟ ପରିସରରେ ଇଣ୍ଡିଆନ ନ୍ୟାସନାଲ ସାଇନ୍ସ ଏକାଡେମୀର ଦୁଇ ଦିନିଆ ସେମିନାର ଉଦଘାଟିତ ହୋଇଛି ।…
କରଞ୍ଜିଆ : କରଞ୍ଜିଆରୁ ଭୁବନେଶ୍ୱର ଯାଉଥିବା ଏକ କାର ଠାକୁରମୁଣ୍ଡା ନିକଟରେ ଦୁର୍ଘଟଣାଗ୍ରସ୍ତ ହୋଇ ହୁତୁ ହୁତୁ ହୋଇ ଜଳିଯାଇଛି…
ଉମରକୋଟ୍: ଆଜି ହେଉଛି ପହିଲି ରଜ । ଗାଁ ଠୁ ସହର ଉତ୍ସବ ମୁଖର ପରିବେଶ । ଚାରିଆଡ଼େ ପୋଡ଼…
ପୁଣି ସାଧାରଣ ଲୋକଙ୍କୁ ଝଟକା । ଅମୁଲ ଏବଂ ମଦର ଡେରୀ ପରେ ବଢିଲା ପରାଗ କ୍ଷୀର ଦାମ୍ ।…
ସମ୍ବଲପୁର : ପହିଲି ରଜରେ ଅଘଟଣ । ମାଆ ଝିଅଙ୍କୁ ଛୁରୀରେ ଆକ୍ରମଣ । ସମ୍ବଲପୁର ଗୋପାଲମାଲ ଅଞ୍ଚଳରେ ଅଭାବନୀୟ…