ଋଷ୍ ଭ୍ୟାକ୍ସିନ୍ର ସଫଳତାକୁ ନେଇ ଯଦିଓ ବିଭିନ୍ନ ଦେଶ ପ୍ରଶ୍ନ ଉଠାଇଛନ୍ତି । ତେବେ ଋଷ ତା’ର ଭ୍ୟାକ୍ସିନ୍କୁ ନେଇ ନିଶ୍ଚିତ ରହିଛି । ମିଳିଥିବା ସୂଚାନନୁଯାୟୀ, ଚଳିତ ବର୍ଷ ଅଗଷ୍ଟ ମାସ ଶେଷ ସୁଦ୍ଧା ଭ୍ୟାକ୍ସିନ୍ର ଉତ୍ପାଦନ ଆରମ୍ଭ ହେବ । ଏବଂ ସେପ୍ଟେମ୍ବର ପ୍ରଥମ ସପ୍ତାହ ସୁଦ୍ଧା ଋଷ ଭ୍ୟାକ୍ସିନ୍ ବଜାରରେ ଉପଲବ୍ଧ ହେବ ବୋଲି ଋଷ ପକ୍ଷରୁ ଘୋଷଣା କରାଯାଇଛି । ପୂର୍ବରୁ ଋଷ ସେପ୍ଟେମ୍ବରରେ ଭ୍ୟାକ୍ସିନ୍ ଉତ୍ପାଦନ ହେବା ସହ ଅକ୍ଟୋବରରେ ବଜାରରେ ଉପଲବ୍ଧ ହେବ ବୋଲି କହିଥିଲା ।
ଋଷର ଗାମାଲିୟା ଇନ୍ଷ୍ଟିଚ୍ୟୁଟ୍ ଏହି ଭ୍ୟାକ୍ସିନ୍କୁ ବିକଶିତ କରିଛି । ଯାହାର ନାମ ରଖିଛି ‘ସ୍ପୁତନିକ V’ ଭ୍ୟାକ୍ସିନ୍ । ଡିସେମ୍ବର ଓ ଜାନୁଆରୀ ମାସରୁ ପ୍ରତିମାସ ୫୦ ଲକ୍ଷ ଡୋଜ୍ ଉତ୍ପାଦନ କରିବା ସହ ଅନ୍ୟ ଦେଶକୁ ପଠାଇବ ବୋଲି ଗାମାଲିୟା ଇନ୍ଷ୍ଟିଚ୍ୟୁଟ୍ ପ୍ରକାଶ କରିଥିଲା । ତେବେ ଋଷିୟ ଭ୍ୟାକ୍ସିନ୍ ୩ୟ ଚରଣ ଟ୍ରାଏଲ୍ ସମାପ୍ତ କରିନଥିବାରୁ ଏହା ସୁରକ୍ଷିତ ନୁହେଁ ବୋଲି ଚୀନ୍ ଓ ଆମେରିକା ଭଳି କେତେକ ଦେଶ ଦାବି କରିଥିଲା । ତେଣୁ ଋଷ ଏବେ ତା’ର ୩ୟ ଚରଣ ଟ୍ରାଏଲ୍ ବ୍ରାଜିଲ୍, ମେକ୍ସିକୋ,ସାଉଦି ଆରବ ଓ ୟୁଏଇରେ ଆରମ୍ଭ କରିବ ବୋଲି ଜଣାପଡ଼ିଛି । ଏହା ସହ ଋଷ ରାଷ୍ଟ୍ରପତି ପୁଟିନ୍ ତାଙ୍କ ଝିଅଙ୍କୁ ମଧ୍ୟ ପ୍ରଥମ ଭ୍ୟାକ୍ସିନ୍ ଦେଇଥିଲେ । ଏହି ଭ୍ୟାକ୍ସିନ୍ର ଡୋଜ୍ ଥରେ ନେଲେ ୨ ବର୍ଷ ଯାଏ କରୋନା ସଂକ୍ରମଣ ହେବ ନାହିଁ ବୋଲି ଭ୍ୟାକ୍ସିନ୍ ବିକଶିତ କରିଥିବା ବୈଜ୍ଞାନିକମାନେ ପ୍ରକାଶ କରିଛନ୍ତି ।
ଏଥିସହ ଚୀନ୍ର ଭ୍ୟାକ୍ସିନ୍ ଚଳିତବର୍ଷ ଶେଷ ସୁଦ୍ଧା ବଜାରରେ ଉପଲବ୍ଧ ହେବ ବୋଲି ଚୀନ୍ର ସରକାରୀ ସମାଚାରପତ୍ର ଗ୍ଲୋବାଲ୍ ଟାଇମ୍ସରେ ପ୍ରକାଶ ପାଇଛି । ଚୀନ୍ର ଏହି ଭ୍ୟାକ୍ସିନ୍କୁ ପ୍ରସ୍ତୁତ କରୁଛି କାନ୍ସିନୋ ବାୟୋଲୋଜିକ୍ ଇଙ୍କ୍ । ଭ୍ୟାକ୍ସିନ୍ର ନାମ Ad5-nCoV ରଖାଯାଇଛି । ଏହି ଭ୍ୟାକ୍ସିନ୍କୁ ଚୀନ୍ ସେନା ଓ କାନ୍ସିନୋ ବାୟୋଲୋଜିକ୍ କମ୍ପାନୀ ମିଳିତ ଭାବେ ପ୍ରସ୍ତୁତ କରୁଛନ୍ତି ।
ମେଷ: ଆପଣଙ୍କର କିଛି ନୂଆ କାମରେ ରୁଚି ବଢିବ । ଆଥିକ ସ୍ଥିତି ପୂର୍ବ ଅପେକ୍ଷା ସୁଦୃଢ ହେବ ।…
ଆସନ୍ତା ୨୦ ତାରିଖରେ ହେବ ବିଧାନସଭା ବାଚସ୍ପତି ନିର୍ବାଚନ। ୧୯ ତାରିଖରେ ବାଚସ୍ପତି ପଦ ପାଇଁ ନମାଙ୍କନ ଦାଖଲ ହେବ…
ଭୁବନେଶ୍ୱର (କେନ୍ୟୁଜ): ପ୍ରତିବର୍ଷ ପରି ଚଳିତ ବର୍ଷ ଟାଇମ୍ସ ହାଇଅର ଏଜୁକେସନ୍ ଇମ୍ପାକ୍ଟ (ସାମାଜିକ ପ୍ରଭାବ) ରାଙ୍କିଙ୍ଗ ପ୍ରକାଶ ପାଇଛି।…
କରଞ୍ଜିଆ : ମୟୁରଭଞ୍ଜ ଜିଲ୍ଲାର କରଞ୍ଜିଆ ଉପଖଣ୍ଡରେ ଅପରାହ୍ନରେ କିଛି କିଛି ସ୍ଥାନରେ ଘଡଘଡି ସହିତ ହାଲୁକା ବର୍ଷା ଲାଗି…
କଟକ (କେନ୍ୟୁଜ୍) : ଜୀବନ ବଞ୍ଚାଇ ଦେଲେ ରମେଶ। କଟକ ରେଳବାଇ ପୋଲିସ୍ କର୍ମଚାରୀଙ୍କ ସାହସିକତା ପାଇଁ ବଞ୍ଚି ଗଲା…
ଭୁବନେଶ୍ୱର: ଚାରିଆଡ଼େ ପରିବର୍ତ୍ତନର ସ୍ୱର । ଓଡ଼ିଶା ରାଜନୀତିରେ ହୋଇଛି ବଡ଼ ପରିବର୍ତ୍ତନ । ଦୀର୍ଘ ୨୪ ବର୍ଷ ଧରି…