ୟୁକ୍ରେନ ଉପରେ ରୁଷର ଆକ୍ରମଣକୁ ନେଇ ବିଶ୍ୱର ଅନେକ ଦେଶ ଏବଂ ସଙ୍ଗଠନ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ବିଷୟରେ ଆଲୋଚନା କରୁଛନ୍ତି। ସେପଟେ ଏବେ ଲୋକଙ୍କ ଟାର୍ଗେଟକୁ ଆସି ଯାଇଛନ୍ତି ପୁଟିନଙ୍କ ତଥାକଥିତ ପ୍ରେମିକା ଏଲିନା କବାଇଭା। କୁହାଯାଉଛି ଯେ ଏଲିନା ବର୍ତ୍ତମାନ ସ୍ୱିଜରଲ୍ୟାଣ୍ଡରେ ଅଛନ୍ତି। ଏମିତି ଯୁଦ୍ଧ ପରିସ୍ଥିତି ଭିତରେ ସେଠାକାର ଲୋକେ ଏବେ ଏଲିନାଙ୍କୁ ଦେଶରୁ ବାହାରି ଯିବାକୁ ଦାବି କରିଛନ୍ତି। ସ୍ୱିଜରଲ୍ୟାଣ୍ଡର କିଛି ସାମାଜିକ କର୍ମୀ ଏକ ପିଟିସନ ଦାଖଲ କରି ପୁଟିନଙ୍କ ପ୍ରେମିକାଙ୍କୁ ଦେଶରୁ ତଡ଼ିବାକୁ ଦାବି କରିଛନ୍ତି।
ଏହି ପିଟିସନରେ ୫୦,୦୦୦ରୁ ଅଧିକ ହସ୍ତାକ୍ଷର ରହିଛି। ଏଥିରେ କୁହାଯାଇଛି, ଯୁଦ୍ଧ ସତ୍ତ୍ୱେ ସ୍ୱିଜରଲ୍ୟାଣ୍ଡ ପୁଟିନଙ୍କ ଶାସନର ଜଣେ ସହଯୋଗୀଙ୍କୁ ଆତିଥ୍ୟ ସେବା ଯୋଗାଉଛି। ଏଲିନା କବାଇଭାଙ୍କୁ ସ୍ୱିଜରଲ୍ୟାଣ୍ଡରେ ରହିବାର କୌଣସି ଅଧିକାର ନାହିଁ।
ଏଲିନା ମାରାଟୋଭନା କବାଇଭା ଜଣେ ରୁଷୀୟ ରାଜନୀତିଜ୍ଞ। ଏହାସହ ସେ ଜଣେ ଖ୍ୟାତନାମା ଜିମ୍ନାଷ୍ଟ ମଧ୍ୟ। ରିଥମିକ୍ ଜିମ୍ନାଷ୍ଟିକରେ ସେ ୨ ଅଲିମ୍ପିକ ପଦକ, ୧୪ ବିଶ୍ୱ ଚାମ୍ପିୟନଶିପ ପଦକ ଏବଂ ୨୧ ୟୁରୋପୀୟ ଚାମ୍ପିୟନଶିପ୍ ପଦକ ହାସଲ କରିଛନ୍ତି। ରୁଷର ସବୁଠାରୁ ଫ୍ଲେକ୍ସିବଲ ମହିଳା ରୂପେ ମଧ୍ୟ ସେ ପରିଚିତ। ଏଲିନା ରୁଷ ସଂସଦର ସଦସ୍ୟ ମଧ୍ୟ ରହିଛନ୍ତି। ସେ ପୁଟିନଙ୍କ ୟୁନାଇଟେଡ୍ ରଷିଆ ପାର୍ଟିର ପ୍ରତିନିଧିତ୍ୱ କରିଥିଲେ।
ଦ ଗାର୍ଜିୟନ ଭଳି କେତେକ ପ୍ରକାଶନ ଦାବି କରିଛନ୍ତି ଯେ ୩୮ ବର୍ଷୀୟା ଏଲିନା କବାଇଭା ପୁଟିନଙ୍କ ପ୍ରେମିକା। ଅବଶ୍ୟ, ରୁଷ ରାଷ୍ଟ୍ରପତି କେବେ ବି ତାଙ୍କୁ ଅଫିସିଆଲି ରୂପେ ନିଜ ପ୍ରେମିକା ସ୍ୱୀକାର କରି ନାହାନ୍ତି।
ମେଷ: ଦିନଟି ଆପଣଙ୍କର ଲାଭଦାୟକ ରହିବ । ସ୍ୱାସ୍ଥ୍ୟ ପ୍ରତି ଧ୍ୟାନ ଦେବାକୁ ପଡିବ । ପରିବାରରେ ସୁଖ ମିଳିବ…
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…