ବେଳେ ବେଳେ ଆମେ ସରକାରୀ ସୁବିଧା ଉପରେ ଭରଷା କରିପାରନ୍ତି ନାହିଁ । ନିଜର ନିକଟତମ ଓ ପ୍ରିୟ ବ୍ୟକ୍ତିଙ୍କ ସ୍ୱାସ୍ଥ୍ୟ ଅସୁବିଧା ହେଲେ ଆମେ ତତ୍କ୍ଷଣାତ୍ ହସପିଟାଲ ଯିବାକୁ ଚିନ୍ତା କରିଥାଉ । ହେଲେ କୌଣସି ଅସୁବଧା ବଶତଃ ଆମକୁ ତତ୍କ୍ଷଣାତ୍ ଆମ୍ବୁଲାନ୍ସ ମିଳିପାରେ ନାହିଁ କିମ୍ବା ଆମେ ଏହା ଉପରେ ଭରଷା କରିପାରୁ ନାହୁଁ ।
ତେଣୁ ଅଧିକାଂଶ ସମୟରେ ଆମେ ନିଜ ଯୋଗାଡରେ ଆମର ପ୍ରିୟଜନଙ୍କୁ ମେଡିକାଲ ନେଇଥାଉ । ଏମିତି ଘଟଣା ଦେଶର ଅନେକ ସ୍ଥାନରେ ଦେଖିବାକୁ ମିଳିଥାଏ । ନିକଟରେ ଏମିତି ଏକ ଘଟଣା ଦେଖିବାକୁ ମିଳିଛି ମଧ୍ୟପ୍ରଦେଶର ସିଙ୍ଗରୋଲି ଅଂଚଳରେ । ଶୁକ୍ରବାର ଦିନ ଦୟାଲ ଶାହ ନାମକ ଜଣେ ବ୍ୟକ୍ତି ହଠାତ୍ ଅସୁସ୍ଥ ହୋଇ ପଡିଲେ ।
ତାଙ୍କୁ ହସପିଟାଲ ନେବା ପାଇଁ ପରିବାର ଲୋକେ ଆମ୍ବୁଲାନ୍ସକୁ ଯୋଗାଯୋଗ କରି ବିଳମ୍ବ ହେବା ଦେଖି ଏକ ହାତ ଠେଲାରେ ମେଡିକାଲ ନେଇଥିଲେ । ଦୟାଲଙ୍କ ୭ ବର୍ଷର ପୁଅ ବାପାକୁ ନିଜ ହାତ ଠେଲାରେ ଧରି ମେଡିକାଲ ନେବାର ଦୃଶ୍ୟ ଭାଇରାଲ ହେବାରେ ଲାଗିଲା । ଏହାକୁ ନେଇ ଜିଲ୍ଲା ମେଡିକାଲ ମୁଖ୍ୟ ଘଟଣାର ତଦନ୍ତ ପାଇଁ ନିର୍ଦ୍ଦେଶ ଦେଲେ ।
ହେଲେ ସରକାରୀ ତଦନ୍ତ ଅନୁଯାୟୀ ମିଳିଥିବା ରିପୋର୍ଟ କୁହେ ଯେ ଦୟାଲଙ୍କ ପରିବାର ଆମ୍ବୁଲାନ୍ସ ପାଇଁ କଲ କରି ନାହାଁନ୍ତି । ତାଙ୍କ କଲ ରେକର୍ଡ ଯାଞ୍ଚ କରାଯାଇଛି । ମାତ୍ର ଦୟାଲଙ୍କ ପରିବାର ନିଜ ଘରେ ଥିବା ଠେଲା ଗାଡ଼ିରେ ରୋଗୀଙ୍କୁ ଧରି ଯାଇଛନ୍ତି ବୋଲି ତଦନ୍ତକାରୀ ଟିମ ସୂଚନା ଦେଇଛନ୍ତି ।
ତେବେ ଘଣଟାର ସତ୍ୟାସତ୍ୟ ପରିବାର ଲୋକଙ୍କ ଠାରୁ ମଳିପାରିବ । ହେଲେ ୭ ବର୍ଷର ପୁଅ ଠେଲାରେ ବାପାଙ୍କୁ ନେଇ ଯାଉଥିବା ଏହି ଭିଡିଓ ଭାଇରାଲହେବା ପରେ ସୋସିଆଲ ମିଡିଆରେ ବିଭିନ୍ନ ପ୍ରତିକ୍ରିୟା ମିଳିବାକୁ ଲାଗିଛି ।
ଟି-୨୦ ବିଶ୍ବକପ ମହାକୁମ୍ଭ ଆରମ୍ଭ ହୋଇଛି । ପ୍ରଥମ ମ୍ୟାଚରେ ମୁହାଁମୁହିଁ ହୋଇଥିଲେ ଆମେରିକା ଓ କାନାଡା । ଏହି…
ନରସିଂହପୁର(କେନ୍ୟୁଜ୍): ପରକୀୟା ପ୍ରୀତିକୁ ନେଇ ଥାନାରେ ଆସି ମାମଲା । ଏଭଳି ଏକ ଘଟଣା ଦେଖିବାକୁ ମିଳିଛି କଟକ ଜିଲ୍ଲା ନରସିଂହପୁର…
ପୁରୀ (କେନ୍ୟୁଜ): ପୁରୀ ନରେନ୍ଦ୍ର ପୁଷ୍କରିଣୀ ବାଣ ବିସ୍ପୋରଣ ମାମଲାରେ ଆଉ ୨ଜଣଙ୍କ ମୃତ୍ୟୁ । ଏଥିସହ ମୃତ୍ୟୁସଂଖ୍ୟା ୧୧କୁ…
ଝାଡ଼ଖଣ୍ଡ ଏବଂ ପଶ୍ଚିମବଙ୍ଗ ମଧ୍ୟରେ ଥିବା ରାଞ୍ଚି ରେଳ ବିଭାଗରେ ହୋଇଛି ବଡ଼ ଦୁର୍ଘଟଣା । ଏଠାରେ ଟ୍ରେନ୍ ଉପରେ…
ପଞ୍ଜାବ : ମୁହାଁମୁହିଁ ଧକ୍କା ହେଲା ୨ ମାଲବାହୀ ଟ୍ରେନ୍ । ପଞ୍ଜାବ ଫତେଗଡ଼ ସାହିବ ନିକଟ ମାଧେପୁର ଠାରେ…
ଜୟପୁର(କେନ୍ୟୁଜ୍): ଦିନ ଥିଲା ସର୍କସ ନା ଶୁଣିଲେ ମନରେ ଉତ୍ସାହ ଭରି ଉଠୁଥିଲା । ପିଲା ଠୁ ଟୋକା, ବୁଢା…