ଦେଶର ବିଭିନ୍ନ ସ୍ଥାନରେ ଏବେ ପ୍ରବଳ ମାତ୍ରାରେ ବର୍ଷା ଲାଗି ରହିଛି। କେତେକ ରାଜ୍ୟରେ ବନ୍ୟା ପରିସ୍ଥିତି ଯୋଗୁ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ତେବେ ଏହାରି ଭିତରେ ପାଣିପାଗ ବିଭାଗ ରାଜଧାନୀ ଦିଲ୍ଲୀ ସମେତ ୭ ରାଜ୍ୟରେ ବର୍ଷାକୁ ନେଇ ସତର୍କ ସୂଚନା ଜାରି କରିଛି। ପାଣିପାଗ ବିଭାଗର ସୂଚନାନୁଯାୟୀ, ଦିଲ୍ଲୀ-ଏନସିଆରରେ ଦିନସାରା ଆକାଶରେ ବାଦଲ ଢାଙ୍କି ହୋଇ ରହିଥିବାରୁ ବୁଧବାର ସନ୍ଧ୍ୟା ପଯ୍ୟର୍ନ୍ତ ବର୍ଷା ଲାଗିବ। ଦିଲ୍ଲୀ ସହ ମଧ୍ୟପ୍ରଦେଶ, ଛତିଶଗଡ଼, ଗୁଜରାଟ, ମହାରାଷ୍ଟ୍ର, ତେଲେଙ୍ଗାନା ଓ ନାଗାଲାଣ୍ଡରେ ମଧ୍ୟ ଆସନ୍ତା ୨୪ ଘଣ୍ଟା ମଧ୍ୟରେ ପ୍ରବଳ ବର୍ଷା ହେବା ନେଇ ସତର୍କତା ଜାରି କରାଯାଇଛି।
ଘଣ୍ଟା ପ୍ରତି ୪୦ କିମି ବେଗରେ ବହିପାରେ ପବନ
ଆପଣଙ୍କୁ କହି ରଖୁଛୁ ଯେ ଦିଲ୍ଲୀ-ଏନସିଆରରେ ଗତ ଦୁଇଦିନ ପୂର୍ବରୁ ଝିପିଝିପି ବର୍ଷା ଲାଗିରହିଥିଲା। ଏଥିରେ ଦିଲ୍ଲୀବାସୀଙ୍କୁ ତାତିରୁ ସାମାନ୍ୟ ମୁକ୍ତି ମିଳିଥିଲା। କିନ୍ତୁ ସୋମବାରଠାରୁ ପୁଣି ଗୁଳୁଗୁଳି ସାଙ୍ଗକୁ ଗରମ ଅନୁଭୂତ ହୋଇଥିଲା। ଏବେ ପୁଣିଥରେ ଦିଲ୍ଲୀ-ଏନସିଆରରେ ବୁଧବାର ପ୍ରବଳ ବର୍ଷା ହେବା ସମ୍ଭାବନା ଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି। ଏହାସହ ଆସନ୍ତା ୪ ଘଣ୍ଟା ମଧ୍ୟରେ ମହାରାଷ୍ଟ୍ରର ଠାଣେ, ପାଲଘର ଏବଂ ରାୟଗଡ଼ରେ ଘଣ୍ଟା ପ୍ରତି ୩୦ରୁ ୪୦ କିମି ବେଗରେ ପବନ ବହିବା ସହିତ ପ୍ରବଳ ବର୍ଷା ହେବା ନେଇ ସତର୍କ ଜାରି କରାଯାଇଛି।
ଏହାସହ ପଢ଼ନ୍ତୁ: ଯାଆଁଳା ଛୁଆଙ୍କୁ କାରରେ ଲକ୍ କରି ଭୁଲିଗଲେ ବାପା, ୮ ଘଣ୍ଟା ପରେ ଫେରି ଦେଖିଲେ ଏପରି ଦୃଶ୍ୟ
ବିହାର ଓ ଝାଡ଼ଖଣ୍ଡରେ ବି ବର୍ଷାର ପ୍ରଭାବ
ପାଣିପାଗ ବିଭାଗର କହିବାନୁଯାୟୀ, ଉତ୍ତର, ମଧ୍ୟ ଏବଂ ଦକ୍ଷିଣ-ପଶ୍ଚିମ ଆରବ ସାଗର ଆଡ଼ୁ ପାଖାପାଖି ୪୦ରୁ ୫୦ କିମି ବେଗରେ ପବନ ବହିବା ସମ୍ଭାବନା ରହିଛି। ଏଭଳି ସ୍ଥିତିରେ ବିହାର ଏବଂ ଝାଡ଼ଖଣ୍ଡରେ ମଧ୍ୟ ବର୍ଷାର ପ୍ରଭାବ ଦେଖାଦେଇଛି। ଯଦିଓ ଉତ୍ତର ପ୍ରଦେଶରେ ବର୍ତ୍ତମାନ ମନସୁନର ଗତି ସାମାନ୍ୟ କମ୍ ରହିଛି ଏବଂ କେତେକ ଜିଲାରେ ଲୋକେ ଗରମରେ ଆଉଟୁପାଉଟୁ ହେଉଛନ୍ତି। ଆସନ୍ତା ୨ରୁ ୩ଦିନ ମଧ୍ୟରେ ଉତ୍ତର ପ୍ରଦେଶର ବିଭିନ୍ନ ଜିଲାରେ ବର୍ଷା ହୋଇପାରେ।
କେତେକ ରାଜ୍ୟରେ ବନ୍ୟା ପରିସ୍ଥିତି
କେତେକ ରାଜ୍ୟରେ ଲଗାତାର ଭାବେ ବର୍ଷା ହେବା ଯୋଗୁ ବନ୍ୟା ପରିସ୍ଥିତି ଜଟିଳ ହେବାରେ ଲାଗିଛି। ଆସାମ, ବିହାର, ଉତ୍ତରାଖଣ୍ଡ ଏବଂ ମହାରାଷ୍ଟ୍ରରେ ପ୍ରବଳ ବର୍ଷାରେ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି। ବିହାର ଏବଂ ଆସାମରେ ବର୍ଷା ପରେ ଆସିଥିବା ବନ୍ୟା ଯୋଗୁ ଲକ୍ଷାଧିକ ଲୋକଙ୍କ ଜୀବନ ସଙ୍କଟ ସ୍ଥିତିରେ ରହିଛି। ଏହି ଦୁଇ ରାଜ୍ୟରେ ନଦୀରେ ବନ୍ୟାଜଳ ବିପଦ ସଙ୍କେତ ଉପରେ ପ୍ରବାହିତ ହେଉଛି। ସେପଟେ ଦେଶର ଆର୍ଥିକ ରାଜଧାନୀ ମୁମ୍ବାଇରେ ମଧ୍ୟ ବର୍ଷା ତାଣ୍ଡବ ରଚିଛି। ଏଠାରେ ରେଳଧାରଣାରେ ବର୍ଷାପାଣି ଚାଲିଥିବାରୁ ଶନିବାର ବଦଲାପୁର ଏବଂ ବାନଗାନୀ ରୁଟ୍ରେ ଚାଲୁଥିବା ମହାଲକ୍ଷ୍ମୀ ଏକ୍ସପ୍ରେସ୍ ପାଣିରେ ଫସିଯାଇଥିଲା। ଏହି ଟ୍ରେନରେ ୭୦୦ ଯାତ୍ରୀ ଥିଲେ। ସେମାନଙ୍କୁ ଭାରତୀୟ ସେନା, ଭାରତୀୟ ବାୟୁସେନା, ଏନଡିଆରଆଫ୍ ଯବାନମାନେ କିଛି ଘଣ୍ଟା ପରିଶ୍ରମ ପରେ ସୁରକ୍ଷିତ ଅବସ୍ଥାରେ ଉଦ୍ଧାର କରିଥିଲେ।
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…
ପ୍ରବଳ ଗ୍ରୀଷ୍ମ ତାତି ଭିତରେ ଉତ୍ତର ପ୍ରଦେଶର ନୋଏଡାରେ ଲଗାତାର ଅଗ୍ନିକାଣ୍ଡ ଘଟୁଛି । ଗତ ୩ ଦିନ ହେବ…