ଗଣେଶଙ୍କ ବିସର୍ଜନ ହେଉ କିମ୍ବା ଦୁର୍ଗାଙ୍କ ବିସର୍ଜନ ସବୁବେଳେ ଭସାଣି ସମୟରେ ଆପଣ ଦୁର୍ଘଟଣାର ଖବର ନିଶ୍ଚୟ ଶୁଣିଥିବେ । ଖୁସିର ମାହୋଲଟି କେତେବେଳେ ଗଭୀର ଦୁଃଖରେ ପରିଣତ ହୋଇଯଯାଏ ତାହା ଜଣା ପଡେନାହିଁ । କିନ୍ତୁ ଏହା ସତ୍ୟ ଯେ ଅଧିକାଂଶ ଦୁର୍ଘଟଣା ଅବହେଳା କିମ୍ବା ଅନ୍ୟମନସ୍କତା କାରଣରୁ ହିଁ ଘଟିଥାଏ । ଏପରି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ରାଜସ୍ଥାନର ଧୋଲପୁର ଜିଲ୍ଲାରେ । ଯେଉଁଠି ଜଣେ ଅନ୍ୟ ଜଣକୁ ବଞ୍ଚାଇବା ଚକ୍କରରେ ଦଶ ଜଣଙ୍କର ମୃତ୍ୟୁ ଘଟିଛି ।
ସୂଚନା ଅନୁଯାୟୀ ଏହି ଅଭାବନୀୟ ଦୁର୍ଘଟଣା ଧୋଲପୁରର ମହନ୍ଦପୁର ଗ୍ରାମରେ ଘଟିଛି । ବିଜୟାଦଶମୀ ଦିନ ମାଙ୍କ ବିସର୍ଜନ କରିବାକୁ ଯାଇଥିବା ସମୟରେ ଘଟିଛି ଏହି ଦୁର୍ଘଟଣା । ଘଟଣା ଘଟିବା ସମୟରେ ପ୍ରଥମେ ଚମ୍ବଲ ନଦୀର ପ୍ରଖର ସ୍ରୋତରେ ଜଣେ ଯୁବକ ଭାସି ଯାଇଥିଲେ । ଯୁବକଟି ଭାସିଯିବା ସମୟରେ ସେଠାରେ ସହ ସହ ଲୋକ ଉପସ୍ଥିତ ଥିଲେ ଓ ସେଥିମଧ୍ୟରୁ କିଛି ଯୁବକ ଭାସିଯାଇଥିବା ଯୁବକକୁ ଖୋଜିବା ପାଇଁ ନଦୀ ମଧ୍ୟକୁ ଡେଇଁ ପଡ଼ିଥିଲେ । ଶେଷରେ ଜଣେ ଅନ୍ୟ ଜଣଙ୍କୁ ବଞ୍ଚାଇବା ଚକ୍କରରେ ଦଶ ଜଣ ନଦୀରେ ବୁଡି ମୃତ୍ୟୁବରଣ କରିଥିଲେ ।
ଏହି ଘଟଣା ପରେ ସମ୍ପୂର୍ଣ୍ଣ ଗ୍ରାମରେ ଶୋକର ଛାୟା ଖେଳି ଯାଇଥିଲା । ଅନେକ ଲୋକଙ୍କ ଘରେ ଚୁଲି ମଧ୍ୟ ଜଳିନଥିଲା । ସବୁ ଦିଗରୁ ଖାଲି କାନ୍ଦଣା ଓ ଚିତ୍କାର ଶୁଭୁଥିଲା । ଏହି ଦୁର୍ଘଟଣାରେ କିଏ ନିଜ ପୁଅକୁ ହରାଇଛି ତ କିଏ ନିଜ ସ୍ୱାମୀକୁ ଓ ମୃତ୍ୟୁବରଣ କରିଥିବା ସମସ୍ତ ବ୍ୟକ୍ତି ଯୁବକ ଥିଲେ । ପୋଲିସର କହିବା ଅନୁଯାୟୀ ଗଭୀର ନଦୀର ପ୍ରଖର ସ୍ରୋତ କାରଣରୁ ଏପରି ଦୁର୍ଘଟଣା ଘଟିଛି ।
ମେଷ: ଦିନଟି ଆପଣଙ୍କର ଲାଭଦାୟକ ରହିବ । ସ୍ୱାସ୍ଥ୍ୟ ପ୍ରତି ଧ୍ୟାନ ଦେବାକୁ ପଡିବ । ପରିବାରରେ ସୁଖ ମିଳିବ…
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…