ଫ୍ଲୋରିଡା : ଆମେରିକାର ଜଣେ ପୂର୍ବତନ ମଡେଲ୍ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ନାମରେ ଆଣିଛନ୍ତି ଯୈାନ ଉତ୍ପୀଡନ ଅଭିଯୋଗ । ପ୍ରାୟ ଦୁଇ ଦଶନ୍ଧି ତଳେ ୟୁଏସ୍ ଓପନ୍ ଟେନିସ୍ ଟୁର୍ଣ୍ଣାମେଣ୍ଟରେ ତାଙ୍କୁ ଟ୍ରମ୍ପ୍ ଯୈାନ ଉତ୍ପୀଡନ କରିଥିଲେ ବୋଲି ଅଭିଯୋଗ କରିଛନ୍ତି ଆମେରିକାର ଏହି ମଡେଲ୍ ଆମି ଡୋରିସ୍ ।
ଗାର୍ଡିଅନ୍ ପତ୍ରିକାକୁ ଦେଇଥିବା ଏକ ସାକ୍ଷାତକାରରେ ସେ କହିଛନ୍ତି ଯେ ଟ୍ରମ୍ପ୍ ତାଙ୍କୁ ନ୍ୟୁଓ୍ଵର୍କରେ ଚାଲିଥିବା ଓପନ୍ ଟେନିସ୍ ଟୁର୍ଣ୍ଣାମେଣ୍ଟର ଏକ ଭିଆଇପି ବକ୍ସର ବାଥରୁମ୍ରେ ଯୈାନ ସମ୍ଭାଷଣ ସହ ଏଥିପାଇଁ ଆମନ୍ତ୍ରଣ କରିଥିଲେ ।
‘ଏହା ଥିଲା ୧୯୯୭ ମସିହା ସେପ୍ଟେମ୍ବର ୫ ତାରିଖ । ସେତେବେଳେ ମୋତେ ମାତ୍ର ୨୪ ବର୍ଷ ବୟସ ହୋଇଥିଲା । ଟ୍ରମ୍ପ ଜୋର ଜବରଦସ୍ତ ମୋତେ ଜାବୁଡି ଧରି ବେକ ଓ ପାଟିରେ କିସ୍ କରିଥିଲେ । ସେ ମୋତେ ଏତେ ଜୋର୍ରେ ଧରିଥିଲେ ଯେ ମୁଁ ମୁକୁଳି ପାରିନଥିଲି ବୋଲି କହିଛନ୍ତି ଡୋରିସ୍ ।’ ଖାଲି ସେତିକି ନୁହେଁ ଟ୍ରମ୍ପ୍ ମୋତେ ଜାବୁଡି ଧରି ମୋର ଶରୀରର ସବୁ ଗୁରୁତ୍ତ୍ୱପୂର୍ଣ୍ଣ ଅଙ୍ଗରେ ହାତ ବୁଲାଇଥିଲେ ।
ମୁଁ ତାଙ୍କ ଜିଭକୁ କାମୁଡି ଦେଇ କୈାଣସି ପ୍ରକାରେ ମୁକୁଳିବାକୁ ଚେଷ୍ଟା କରିଥିଲି । ତେବେ ଟ୍ରମ୍ପ ତାଙ୍କର ଓକିଲ ଜରିଆରେ ମୋର ସବୁ ଅଭିଯୋଗକୁ ଖଣ୍ଡନ କରିଥିଲେ । ଡୋରିସ୍ ଏ ଘଟଣାର ସତ୍ୟତା କହିବାକୁ ଯାଇ ସେ ସମୟରେ ୟୂଏସ୍ ଓପନସ୍ରେ ଯୋଗ ଦେଇଥିବାର ଟିକେଟ ଓ କିଛି ଫଟୋ ଦେଖାଇଥିଲେ । ଟ୍ରମ୍ପଙ୍କୁ ସେତେବେଳେ ୫୧ ବର୍ଷ ବୟସ ହୋଇଥିବା ବେଳେ ସେ ମାର୍ଲା ମାପ୍ଲସଙ୍କୁ ଦ୍ୱିତୀୟ ବିବାହ କରିଥିଲେ ।
ଡୋରିସ୍ଙ୍କୁ ଏବେ ୪୮ ବର୍ଷ ବୟସ । ତାଙ୍କର ଯାଆଁଳା ଝିଅ ଅଛନ୍ତି । ମୋର ଝିଅ ଏବେ ୧୩ ବର୍ଷ ବୟସରେ ପହଞ୍ଚିଥବାରୁ ଏବେ ଏହି କଥା ତାଙ୍କୁ କିଛି ଶିକ୍ଷା ଦେବ । ସେ ନିଜକୁ ଏଭଳି ଘଟଣାରୁ ସଜାଗ କରିପାରିବେ ବୋଲି କହିଛନ୍ତି ଡୋରିସ୍ ।
ସେଦିନର କଥାକୁ ମନେ ପକାଇ ଡୋରିସ୍ ଆହୁରି କହିଛନ୍ତି ଯେ ’ମୋ ବୟ ଫ୍ରେଣ୍ଡ୍ଙ୍କ ସହ ଟ୍ରମ୍ପଙ୍କ ସମ୍ପର୍କ ଥିବାରୁ ମୁଁ ସେତେବେଳେ ତାଙ୍କ ସହ ଭେଟ ହୋଇଥିଲି । ଏବଂ ମୋ ବୟଫ୍ରେଣ୍ଡଙ୍କ ସହ ମିଶି ତାଙ୍କ ସହିତ ଖେଳ ଦେଖିବାକୁ ଯାଇଥିଲି ।
ମୁଁ ଯେତେବେଳେ ବାଥ୍ରୁମ୍ ଆସିଥିଲି ଟ୍ରମ୍ପ ମଧ୍ୟ ମୋ ପଛେ ପଛେ ବାଥ୍ରୁମ୍ ଆସିଥିଲେ । ମୁଁ ବାଥ୍ରୁମ୍ରୁ ବାହାରିବା ସମୟରେ ସେ ଜୋର୍ ଜବରଦସ୍ତ ମୋତେ ଟାଣି ନେଇଥିଲେ । ମୁଁ ଯେତେ ମନା କରିଥିଲେ ବି ସେ ମାନି ନଥିଲେ ।’
ସେତେବେଳେ ଏହି କଥା ମୁଁ ମୋର ବୟଫ୍ରେଣ୍ଡଙ୍କୁ କହି ପାରିନଥିଲି ବୋଲି ଡୋରିସ୍ କହିଛନ୍ତି । ଆଗକୁ ଆମେରିକାର ରାଷ୍ଟ୍ରପତି ନିର୍ବାଚନ ଥିବାରୁ ଟ୍ରମ୍ପଙ୍କ ପାଇଁ ଏହି ଘଟଣା ଭାରି ପଡ଼ିପାରେ ।
ପ୍ରକାଶଯୋଗ୍ୟ ଯେ ଟ୍ରମ୍ପଙ୍କ ନାମରେ ମଧ୍ୟ ପୂର୍ବରୁ ଏମିତି ବହୁ ଅନୈତିକ ସମ୍ପର୍କକୁ ନେଇ ଅଭିଯୋଗ ଉଠିଥିଲା । କିଛି ମହିଳା ଖୋଲାଖୋଲି ଭାବେ ଟ୍ରମ୍ପଙ୍କ ଅନୈତିକ କାର୍ଯ୍ୟ ନେଇ ସାଧାରଣରେ ପ୍ରକାଶ କରିଥିଲେ । ହେଲେ ଟ୍ରମ୍ପ୍ ରାଷ୍ଟ୍ରପତି ନିର୍ବାଚନ ପାଇଁ ତାଙ୍କୁ ବଦନାମ କରାଯାଉଛି ବୋଲି କହି ଅଭିଯୋଗକୁ ପ୍ରତ୍ୟାକ୍ଷାନ କରିଥିଲେ ।
ବାଲେଶ୍ୱର ଜିଲ୍ଲା ବାହାନଗାଠାରେ ଘଟିଥିବା ମର୍ମନ୍ତୁଦ ରେଳ ଦୁର୍ଘଟଣାକୁ ପୂରିଛି ଏକ ବର୍ଷ । ଏଭଳି ଦୁର୍ଘଟଣାରେ ମର୍ମାହତ ହୋଇ…
ଗଞ୍ଜାମ : ପ୍ରବଳ ଗ୍ରୀଷ୍ମ ପ୍ରବାହ ଲାଗିରହିଛି । ଅସହ୍ୟ ଗରମ ଗୁଳୁଗୁଳିରେ ଛଟପଟ ହେଉଛନ୍ତି ପୁରା ଓଡ଼ିଶାବାସୀ ।…
ପୁରୀ : ପୁରୀ ବାଣ ବିସ୍ଫୋରଣ ଘଟଣାରେ ବଢିଲା ମୃତ୍ୟୁ ସଂଖ୍ୟା । ଆଉ ୨ଜଣଙ୍କ ମୃତ୍ୟୁ ପରେ ମୃତ୍ୟୁ…
ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆପର ସଂଯୋଜକ ଅରବିନ୍ଦ କେଜ୍ରିଓ୍ଵାଲ ତିହାର ଜେଲରେ ସରେଣ୍ଡର କରିଛନ୍ତି । ସୁପ୍ରିମ କୋର୍ଟ ତାଙ୍କୁ…
ଆଳି : କେନ୍ଦ୍ରାପଡା ଜିଲ୍ଲା ଆଳି ଥାନା ଅନ୍ତର୍ଗତ ଠାକୁରପାଟଣା ଗାଁରେ ନିର୍ବାଚନୀ ପରବର୍ତ୍ତୀ ହିଂସା । ଦୁଇ ପରିବାର…
ନୂଆଗଡ : ଯୁବକ ଜଣକ ନୂଆଗଡ ଗାଁର କୈଳାଶ ସୁବୁଦ୍ଧିଙ୍କ ପୁଅ ନାରାୟଣ ସୁବୁଦ୍ଧି ବୋଲି ଜଣାପଡିଛି । ମୃତ୍ୟୁର…