ଏହି ବ୍ୟକ୍ତିଙ୍କୁ ଦେଖନ୍ତୁ କଣ ଆପଣ ଚିହ୍ନି ପାରୁଛନ୍ତି । ଇଏ ସେହି ବ୍ୟକ୍ତି ଜଣେ ଅଧ୍ୟାପକ ଭାବରେ କଲେଜରେ ପିଲାଙ୍କୁ ପାଠ ପଢ଼ାନ୍ତି । କିନ୍ତୁ ସେ ଏପରି କାଣ୍ଡ କରିଛନ୍ତି ଯାହା ଶୁଣିବା ପରେ ଆପଣ ମୁଣ୍ଡରେ ହାତ ଦେବେ । ଆଉ ଆପଣ ବି କହିବେ କଣ ସେ କଣ ତାଙ୍କ ଚାକିରିରେ ଖୁସି ନଥିଲେ ନା ତାଙ୍କୁ ତାଙ୍କ ଦରମା ଅଣ୍ଟୁ ନଥିଲା । ତାହାଲେ ସେ ଏପରି କାହିଁକି କରୁଥିଲେ । ଯେଉଁଥିପାଇଁ ପୋଲିସ ଆଜି ତାଙ୍କୁ ବାନ୍ଧି ନେଇଛି ।
ହଁ ଆଜ୍ଞା, ଏହି ବ୍ୟକ୍ତି ଜଣକ ହେଉଛନ୍ତି ଅଧ୍ୟାପକ ମନେ୍ାଜ କୁମାର ମାଝୀ। ମନୋଜ ମୟୁରଭଞ୍ଜ ଜିଲ୍ଲା ଉଦଳାସ୍ଥିତ ଝାଡ଼େଶ୍ୱରୀ କଲେଜରେ ମନସ୍ତତ୍ତ୍ୱ ବିଭାଗର ଅଧ୍ୟାପକ ଭାବେ କାର୍ଯ୍ୟ କରନ୍ତି । ଏବେ କିନ୍ତୁ ତାଙ୍କ ନାଁରେ ବିଭିନ୍ନ ଥାନାରେ ଅର୍ଥନୈତିକ ଅପରାଧ ମାମଲା ରହିଛି । ଆଉ ସବୁଠୁ ବଡ଼ କଥା ହେଉଛି ଏବେ ସେ ଯେଉଁ ଠକେଇ କରି ବନ୍ଧା ହୋଇଛନ୍ତି ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
ସେ ନିଜକୁ ଭିଜିଲାନ୍ସ ଏସପି ଭାବେ ପରିଚୟ ଦେଇ ଜଣେ ଠିକାଦାରଙ୍କଠାରୁ ୭ ଲକ୍ଷ ୬୦ହଜାର ଟଙ୍କା ଚୁନା ଲଗାଇଛନ୍ତି। ଗତବର୍ଷ ମେ’ ୩୧ ତାରିଖରେ ରାୟଗଡ଼ା ଅଞ୍ଚଳର ମନୋଜ କୁମାର ଚୌଧୁରୀ ନାମକ ଜଣେ ଠିକାଦାର ଏହି ଠକେଇ ନେଇ ଅଭିଯୋଗ କରିଥିଲେ । ସେହି ଏତଲା ଆଧାରରେ ଅଭିଯୁକ୍ତ ମନୋଜ କୁମାର ମାଝୀଙ୍କୁ ପୁଲିସ ଗିରଫ କରିଛି।
ଅଭିଯୁକ୍ତ ମନୋଜ ନିଜକୁ ଭିଜିଲାନ୍ସ ଏସ୍ପି ପ୍ରକାଶଙ୍କ ପରିଚୟ ଦେଇ କଣ୍ଟ୍ରାକ୍ଟର ମନୋଜ ଚୋଧୁରୀଙ୍କୁ ଫୋନ୍ କରିଥିଲେ । ଆଉ ଭିଜିଲାନ୍ସର ବିଭିନ୍ନ ସ୍ଥାନରେ କୋଠା ନିର୍ମାଣ ହେବା ନେଇ ସେ ମନୋଜଙ୍କୁ କହିଥିଲେ ।କାମ ଦେବାକୁ କହି ଠକ ମନୋଜ କୁମାର ମାଝୀ ଠିକାଦାର ମନୋଜ କୁମାର ଚୌଧୁରୀଙ୍କ ଠାରୁ ପ୍ରଥମେ ୫ ଲକ୍ଷ ଟଙ୍କା ନେଇଥିଲେ।
ପରବର୍ତ୍ତୀ ସମୟରେ ୨ ଲକ୍ଷରୁ ଅଧିକ ଟଙ୍କା ନେଇଥିଲେ । କିନ୍ତୁ ଟଙ୍କା ପାଇବା ପରେ ଚତୁରତାର ସହ ମୋବାଇଲ ସୁଇଚ୍ ଅଫ୍ କରିଦେଇଥିଲେ । ଏହାପରେ ଠିକାଦାର ମନୋଜ ଥାନାରେ ଅଭିଯୋଗ କରିଥିଲେ । ଅଭିଯୋଗକୁ ଆଧାର କରି ସାଇବର ଥାନା ପୋଲିସ ପକ୍ଷରୁ ଘଟଣାର ତଦନ୍ତ କରାଯାଇଥିଲା । ତଦନ୍ତ ପରେ ଅଧ୍ୟାପକ ମନୋଜ ମାଝୀଙ୍କ ଗୁମର ସାମ୍ନାକୁ ଆସିଥିଲା । ମନୋଜ ପୂର୍ବରୁ ନିଜ କଥାରେ ସହଜରେ ଫସାଇ ଅନେକ ଲୋକଙ୍କୁ ଠକି ଆସୁଥିଲେ ଲୋକେ ମଧ୍ୟ ତାଙ୍କ କଥାରେ ଭାସିଯାଇ ଠକାମୀର ଶିକାର ହେଉଥିଲେ କିନ୍ତୁ ଏବେ ମନୋଜ ହରଡ଼ଘଣାରେ ପଡ଼ିଛନ୍ତି । ଏନେଇ ପୋଲିସ ଏହି ଘଟଣାର ଅଧିକ ତଦନ୍ତ ଜାରି ରଖିଛନ୍ତି ।
ଆଳି : ବିଦ୍ୟୁତ ତାର ସଂସ୍ପର୍ଶରେ ଆସି ଜଣେ ଦିନ ମଜୁରିଆଙ୍କ ମୃତ୍ୟୁ ଘଟିଛି । କ୍ଷତିପୁରଣ ଦାବିରେ କଟକ-ଚାନ୍ଦବାଲି…
ବ୍ୟାଟେରୀ ଗାଡିରୁ ସର୍ଟ ସର୍କିଟ ହୋଇ ଫାଟିଗଲା ଗ୍ୟାସ ଟାଙ୍କି ଜଳିଗଲା ଘର । ବାରିପଦା ସଦର ଥାନା ଅନ୍ତର୍ଗତ…
କେନ୍ୟୁଜ (ବ୍ୟୁରୋ) : ଆଜି ମୋହନ ମାଝୀଙ୍କ ସରକାରରେ ମନ୍ତ୍ରୀମାନଙ୍କୁ ବିଭାଗ ବଣ୍ଟନ କରାଯାଇଛି । ମୁଖ୍ୟମନ୍ତ୍ରୀ ନିଜ ପାଖରେ…
ସୋର: ଥାନା ସମ୍ମୁଖରେ ହୋହାଲ୍ଲା ପାଟିତୁଣ୍ଡ । କମ୍ପୁଛି ସ୍ଥାନୀୟ ଅଞ୍ଚଳ । ଆପଣ ଭାବୁଥିବେ ଥାନା ସମ୍ମୁଖରେ ଏତେ…
ପୁରୀ : ଶ୍ରୀମନ୍ଦିର ସିଂହଦ୍ୱାର ସମ୍ମୁଖରେ ଜେଟିପିଙ୍କୁ ଭକ୍ତଙ୍କ ଆକ୍ରମଣ ଅଭିଯୋଗ । ଆହତ ଜେଟିପି ହେଉଛନ୍ତି ଲଷ୍ମୀଧର ଉପାଧ୍ୟାୟ…
ବୌଦ୍ଧ : ଚାଲିବାକୁ ଏହି ବାଡି ଖଣ୍ଡିକ ହିଁ ସାହାରା । ତଥାପି ପାଖରେ କେହି ଜଣେ ନ ରହିଲେ…