ସ୍ପେଶାଲ

ଗର୍ଭରେ ମୃତ ଛୁଆ ଥିବାରୁ ଯନ୍ତ୍ରଣାରେ ଛଟପଟ ହେଉଥିଲା ମାଙ୍କଡ଼, ହାତରେ ବାହାର କରି ଜୀବନ ବଞ୍ଚାଇଲେ ପୋଲିସ କର୍ମୀ; ଦେଖନ୍ତୁ ଭିଡିଓ

ସୋସିଆଲ ମିଡିଆରେ ଅନେକ ଭିଡିଓ ଓ ଫଟୋ ସବୁବେଳେ ଭାଇରାଲ ହୋଇଥାଏ। ଏହି ଭିଡିଓ ବେଳେବେଳେ ମଜା ଲାଗେ ତ ଆଉ କେବେ ଇମୋସନାଲ ହୋଇଥାଏ। ଏସବୁ ଇମୋସନାଲ ଭିଡିଓ ଦେଖିବା ପରେ ଆମେ ବେଶ୍‌ ଭାବୁକ ହୋଇଯାଇଥାଉ। ନିକଟରେ ସୋସିଆଲ ମିଡିଆରେ ସେଭଳି ଏକ ଭିଡିଓ ଭାଇରାଲ ହେଉଛି। ଭିଡିଓରେ ଯେଉଁ ଦୃଶ୍ୟ ଦେଖିବାକୁ ମିଳିଛି ତାହା ଦେଖିଲେ ଆପଣଙ୍କ ଆଖିରେ ଲୁହ ଚାଲି ଆସିବ।

ଭାଇରାଲ ହେଉଥିବା ଭିଡିଓରେ ଦେଖାଯାଇଛି ଯେ ଜଣେ ପୋଲିସ କର୍ମୀ ଏକ ମାଙ୍କଡ଼ର ଗର୍ଭରୁ ମୃତ ଛୁଆ ବାହାର କରୁଛନ୍ତି। ମାଙ୍କଡ଼ଟି ଯନ୍ତ୍ରଣାରେ ଝଟପଟ ହେଉଥିଲା। ଏହା ଦେଖି ପୋଲିସ କର୍ମୀ ନିଜକୁ ଆଉ ସମ୍ଭାଳି ପାରିନଥିଲେ। ସେ ତୁରନ୍ତ ଆସି ମାଙ୍କଡ଼କୁ ସାହାଯ୍ୟ କରିଛନ୍ତି। ଏହି ଘଟଣାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି।

ଦେଖନ୍ତୁ ଭିଡିଓ:

ଭିଡିଓରେ ଦେଖାଯାଇଛି ଯେ କେମିତି ଜଣେ ପୋଲିସ କର୍ମୀ ମାଙ୍କଡ଼କୁ ସାହାଯ୍ୟ କରୁଛନ୍ତି। ଏହି ଘଟଣା ଉତ୍ତର ପ୍ରଦେଶର। ଭିଡିଓରେ ଦେଖାଯାଇଛି ପୋଲିସ କର୍ମୀ ନାଳ ପାଖରେ ଛଟପଟ ହେଉଥିବା ଏକ ମାଙ୍କଡ଼କୁ ଦେଖି ତା’ ନିକଟକୁ ଯାଉଛନ୍ତି। ତାଙ୍କ ସହ ଆଉ କିଛି ଯୁବକ ବି ଅଛନ୍ତି। ୟୁନିଫର୍ମରେ ଥାଇ କି ପୋଲିସ କର୍ମୀ ଜଣକ ନାଳ ପାଖରେ ଥିବା ମାଙ୍କଡ଼ର ଗର୍ଭରୁ ମଲା ଛୁଆକୁ ବାହାର କରୁଛନ୍ତି। ଏଥିପାଇଁ ପ୍ରଥମେ ସେ ଏକ ଅଖାରେ ମାଙ୍କଡ଼କୁ ଘୋଡ଼ାଇ ଦେଉଛନ୍ତି। ତା’ ପରେ ଆଉ ଏକ କନାକୁ ହାତରେ ଧରି ମାଙ୍କଡ଼ର ଗର୍ଭରୁ ଛୁଆ ବାହାର କରୁଛନ୍ତି।

ଛୁଆଟି ପେଟରେ ହିଁ ମରିଯାଇଥିବାରୁ ମାଙ୍କଡ଼ ତାହାକୁ ଜନ୍ମ କରି ନପାରି ଯନ୍ତ୍ରଣାରେ ଛଟପଟ ହେଉଥିଲା। ଏହା ଦେଖି ପୋଲିସ ତାକୁ ସାହାଯ୍ୟ କରିଥିଲେ। ଛୁଆଟିକୁ ବାହାର କରିସାରିବା ପରେ ମାଙ୍କଡ଼ ଟିକେ ଆଶ୍ୱସ୍ତ ହୋଇଥିବା ଦେଖାଯାଇଛି। ପରେ ପୋଲିସ ମାଙ୍କଡ଼କୁ ନାଳରୁ ଉଠାଇ ଆଣି ରାସ୍ତାରେ ବସାଇଥିଲେ। ମାଙ୍କଡ଼ଟି ତା’ ପରେ ଧୀରେ ଧୀରେ ଚାଲି ଚାଲି ଆଗକୁ ଯାଉଥିବା ଦେଖାଯାଇଛି।

ଏହି ଭିଡିଓକୁ ସୋସିଆଲ ମିଡିଆରେ ଫତେହପୁର ପୋଲିସ ନିଜ ଅଫିସିଆଲ ଟ୍ଵିଟର ହ୍ୟାଣ୍ଡେଲରେ ସେୟାର କରିଛି। ଏଥିସହ ସୂଚନା ବି ଦେଇଛି। ଭିଡିଓର କ୍ୟାପସନ୍‌ରେ ଲେଖାଯାଇଛି- #UP112ରେ #PRV-3521 ଥାନାରେ ମୁତୟନ ହୋଇଥିବା ଆରକ୍ଷୀ ବିନୋଦ କୁମାର ମାଙ୍କଡ଼ର ଗର୍ଭରେ ଫସିଥିବା ମୃତ ଛୁଆକୁ ବାହାର କରି ତା’ଜୀବନ ବଞ୍ଚାଇଛନ୍ତି।

ଭିଡିଓରେ ପୋଲିସ କର୍ମୀ ବିନୋଦ କୁମାର ସମସ୍ତଙ୍କ ହୃଦୟ ଜିତିଯାଇଛନ୍ତି। ଏହି ଭିଡିଓକୁ ସୋସିଆଲ ମିଡିଆରେ ବହୁତ ପସନ୍ଦ କରାଯାଉଛି। ଇତି ମଧ୍ୟରେ ଭିଡିଓକୁ ୧ ଲକ୍ଷରୁ ଅଧିକ ଥର ଦେଖାସରିଲାଣି।

Also Read: ପ୍ରେଗ୍‌ନାନ୍ସିକୁ ନେଇ ମୁହଁ ଖୋଲିଲେ ଦୀପିକା ପାଦୁକୋନ୍‌, କହିଲେ- ‘ଇଚ୍ଛା ଥିଲେ ବି ମୁଁ ମା’ ହୋଇପାରିବି ନାହିଁ’

WCW 11

Recent Posts

ଓଡ଼ିଶା ଆସି ପୁରୀ ରଥଯାତ୍ରା ଦେଖିବେ ରାଷ୍ଟ୍ରପତି

ପୁରୀ: ରଥଯାତ୍ରା ଦେଖିବେ ରାଷ୍ଟ୍ରପତି । ୭ ଓ ୮ ତାରିଖ ଦୁଇ ଦିନ ପୁରୀରେ ରହି ଶ୍ରୀଜିଉଙ୍କୁ ଦର୍ଶନ…

17 mins ago

ରେଲୱେରେ ଗ୍ରୁପ ଡିରେ ୧,୦୩,୭୬୯ ପଦବୀ ଖାଲି, ଜାଣନ୍ତୁ କେମିତି କରିବେ ଆବେଦନ

ଭାରତୀୟ ରେଲୱେରେ ଚାକିରି ଖୋଜୁଥିଲେ ଆପଣଙ୍କ ପାଇଁ ଖୁସି ଖବର । ଆରଆରବି ଗ୍ରୁପ ଡି ପାଇଁ ୧,୦୩,୭୬୯ ପଦବୀ…

36 mins ago

ଦିଲ୍ଲୀ ସିଏମ୍‌ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିଲା, କମିଲା ସୁଗାର ସ୍ତର

ବିଗିଡ଼ିଲା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲଙ୍କ ସ୍ୱାସ୍ଥ୍ୟାବସ୍ଥା । କୋର୍ଟ ରୁମ୍‌ରେ ତାଙ୍କ ସୁଗାର ସ୍ତର କମିଯାଇଥିବା ସୂଚନା ମିଳିଛି…

44 mins ago

ସୁରକ୍ଷାରେ ତ୍ରୁଟି ! ବ୍ରିଟେନ୍‌ ପ୍ରଧାନମନ୍ତ୍ରୀ ରିଷି ସୁନକଙ୍କ ଘରେ ବେଆଇନ ଭାବେ ପଶିଲେ ୪ ଯୁବକ, ଗିରଫ କଲା ପୋଲିସ

ବ୍ରିଟିଶ ପ୍ରଧାନମନ୍ତ୍ରୀ ରିଷି ସୁନକଙ୍କ ଉତ୍ତର ଇଂଲଣ୍ଡସ୍ଥିତ ଘରେ ୪ ଜଣ ଯୁବକ ବେଆଇନ ଭାବେ ପ୍ରବେଶ କରିଛନ୍ତି ।…

1 hour ago

ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ

ପୁରୀ: ରତ୍ନ ଭଣ୍ଡାର ତୁରନ୍ତ ମରାମତି ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି । ଚିଠି ଲେଖି ଅନୁରୋଧ କଲେ ବାଲୁକା ଶିଳ୍ପୀ…

2 hours ago

ଅତିଶୀଙ୍କୁ ଦେଖିବା ପାଇଁ ହସ୍ପିଟାଲରେ ପହଞ୍ଚିଲେ ଅଖିଳେଶ ଯାଦବ, ପଚାରି ବୁଝିଲେ ସ୍ୱାସ୍ଥ୍ୟାବସ୍ଥା

ଦିଲ୍ଲୀର ଜଳ ଓ ଶିକ୍ଷା ମନ୍ତ୍ରୀ ଅତିଶୀ ବର୍ତ୍ତମାନ ହସ୍ପିଟାଲରେ ଅଛନ୍ତି । ତାଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ପଚାରି ବୁଝିବା…

2 hours ago