Photo: Aaj tak
ରାଜସ୍ଥାନର ଭିଲୱାଡାରେ ବିଶ୍ୱର ସବୁଠୁ ବଡ ରୁଟି ତିଆରି ହୋଇଛି ଯାହା ୱାର୍ଲ୍ଡ ରେକର୍ଡ କରିବ ବୋଲି ଦାବି କରାଯାଇଛି । ରବିବାର ଦିନ ରାଜସ୍ଥାନ ଜନମଞ୍ଚର ଜିଲ୍ଲା ଅଧ୍ୟକ୍ଷ କୈଳାସ ସୋନିଙ୍କ ଜନ୍ମଦିବସ ଅବସରରେ ହରିସେବା ଉଦାସୀନ ଆଶ୍ରମରେ ଏହି ରୁଟି ତିଆରି ହୋଇଛି । ଏହି ରୁଟିକୁ ତିଆରି କରିବା ପାଇଁ ୨୦୦୦ ଇଟାରେ ମାଟିର ଲେପ ଲଗାଇ ୧୦୦୦ କିଲୋଗ୍ରାମର କୋଇଲା ବ୍ୟବହାର ଯାଇଥିଲା ।
ମେସିନ୍ ଦ୍ୱାରା ଅଟା ଚକଟା ଯାଇଥିଲା । ଓଦା ଅଟା ଓଜନ ହେବା ସମୟରେ ଏହା ୨୦୭ କିଲୋଗ୍ରାମର ଥିଲା ଏବଂ ଚକଟା ଯିବା ପରେ ଏହା ୧୯୦ କିଲୋଗ୍ରାମ ହେଲା । ୨୧ ଜଣ ରୋଷେୟାଙ୍କ ଦ୍ୱାରା ଏହି ବିଶାଳକାୟ ରୁଟିକୁ ୨୦ ଫୁଟ୍ ଷ୍ଟିଲ୍ ବେଲଣା ବାଡିରେ ବେଲା ଯାଇଥିଲା । ଭଲ ଭାବରେ ସେକିବା ପାଇଁ ରୁଟି ଉପରେ ତାୱା ରଖାଯାଇଥିଲା । ଘିଅ ପକାଇ ଏହି ରୁଟିକୁ ସେକା ଯାଇଥିଲା । ରୁଟି ହେବା ପରେ ଏହା ୧୭୧ କିଲୋଗ୍ରାମର ହୋଇଥିଲା ।
ଏହି କାର୍ଯ୍ୟକ୍ରମର ଲାଇଭ୍ ରେକଡିଙ୍ଗ ମଧ୍ୟ କରାଯାଇଛି । ଏହାକୁ ବିଶ୍ୱ ରେକର୍ଡ କରିବା ପାଇଁ ଲିମକା ବୁକ୍ ଏବଂ ଗିନିଜ ୱାର୍ଲ୍ଡ ରେକର୍ଡରେ ଆବେଦନ କରାଯାଇଛି । ଆସୁଥିବା ଭକ୍ତ ଏବଂ ଦର୍ଶକମାନଙ୍କ ମଧ୍ୟରେ ପ୍ରସାଦ ରୂପରେ ଏହି ରୁଟିକୁ ତରକାରୀ ସହିତ ବଣ୍ଟାଯାଇଥିଲା । ପୁରୁଣା ୱାର୍ଲ୍ଡ ରେକର୍ଡ ଭାଙ୍ଗି ଏକ ନୂଆ ରେକର୍ଡ କରିବା ପାଇଁ ଏହି ରୁଟିକୁ ତିଆରି କରାଯାଇଥିଲା । ଏହି ରୁଟିର ଆକାର ୧୧ X ୧୧ ଫୁଟ୍ ସହିତ ଏହାର ଓଜନ ୧୭୧ କିଲୋଗ୍ରାମର ଥିଲା ।
ବିଜେପି ଜିଲ୍ଲା ପ୍ରବକ୍ତା ତଥା ରାଜସ୍ଥାନ ଜନମଞ୍ଚର ଜିଲ୍ଲା ଅଧ୍ୟକ୍ଷ କୈଳାସ ସୋନି କହିଛନ୍ତି, ସେ ତାଙ୍କ ଜନ୍ମଦିନରେ ଏହି ବଡ ରୁଟି କରୁଛନ୍ତି । ଏହା ପଛର ଲକ୍ଷ୍ୟ ହେଉଛି, ଆଜିକାଲିର ପିଢୀ ଜନ୍ମଦିନରେ କେକ୍ କାଟୁଛନ୍ତି । ନିଜ ସଂସ୍କୃତିକୁ ଭୁଲି ଯାଉଛନ୍ତି । ସେଥିପାଇଁ ସେ ଏକ ନୂଆ ପ୍ରୟାସ କରିଛନ୍ତି । ସନାତନ ତଥା ବୈଦିକ ସଂସ୍କୃତିକୁ ଆଖି ଆଗରେ ରଖି ସେ ବିଶ୍ୱର ସବୁଠାରୁ ବଡ ରୁଟି ବନାଇବା ଭଳି ପଦକ୍ଷେପ ନେଇଛନ୍ତି ।
ମେଷ: ଆଜି ନିଜକୁ ଶକ୍ତିବାନ୍ ଅନୁଭବ କରିବେ । ପାରିବାରିକ ସୁଖ, ଶାନ୍ତି ରହିବ । ସମ୍ପତ୍ତି ବିବାଦରେ ବିଜୟ…
ଭୁବନେଶ୍ୱର(କେନ୍ୟୁଜ୍): ମୋଦି ସରକାରର ନିଜ ସ୍ଥାନ ବଜାୟ ରଖିଛନ୍ତି ଓଡ଼ିଶାର ତିନି ମନ୍ତ୍ରୀ । ଅପରିବର୍ତ୍ତିତ ରହିଛି ଧର୍ମେନ୍ଦ୍ର ପ୍ରଧାନ,…
ଭୁବନେଶ୍ୱର(କେନ୍ୟୁଜ୍): କନ୍ଧମାଳ ବିକାଶରେ ଡ. ଅଚ୍ୟୁତ ସାମନ୍ତଙ୍କର ଅନେକ ଅବଦାନ ରହିଛି । କେଵଳ କନ୍ଧମାଳ କାହିଁକି ଭୁବନେଶ୍ୱରର ମର୍ଯ୍ୟାଦା…
ଲମତାପୁଟ: ମାଛକୁଣ୍ଡ ପୋଲିସର ବଡ଼ ସଫଳତା । ଗଞ୍ଜେଇ ଚୋରା ଚାଲାଣ ବେଳେ ମାଡ଼ି ବସିଲା ମାଛକୁଣ୍ଡ ପୋଲିସ ।…
ବାସୁଦେବପୁର: ଜମିଜମା ବିବାଦକୁ ନେଇ ତୁମୁଳକାଣ୍ଡ । ଘରେ ଲଗାଇଦେଲେ ନିଆଁ । ସାନ ଭାଇର ଘରକୁ ପୋଡ଼ିଦେଲା ବଡ଼ଭାଇ…
ନୂଆଦିଲ୍ଲୀ: ମୋଦିଙ୍କ ତୃତୀୟ ଇନିଂସରେ ମନ୍ତ୍ରୀମାନେ ଶପଥ ନେବା ପରେ ଆଜି ସେମାନଙ୍କ ବିଭାଗ ବଣ୍ଟନ କରାଯାଇଛି । ଆସନ୍ତୁ…