ପର୍ଥ : କାଲିଠାରୁ ପର୍ଥରେ ଆରମ୍ଭ ହେବ ଭାରତ-ଅଷ୍ଟ୍ରେଲିଆ ଦ୍ୱିତୀୟ ଟେଷ୍ଟ । ୪ ମ୍ୟାଚ୍ ବିଶିଷ୍ଟ ସିରିଜ୍ରେ ୧-୦ରେ ଆଗ ଥିବା ଭାରତର ମନୋବଳ ଏବେ ଖୁବ୍ ଦୃଢ଼ ରହିଛି । ତେଣୁ ଉତ୍ସାହର ସହ ଓହ୍ଲାଇବ ପର୍ଥରେ । ତେବେ ଏହି ଟେଷ୍ଟରୁ ବାଦ୍ ପଡ଼ିଛନ୍ତି ସ୍ପିନର୍ ରବିଚନ୍ଦ୍ର ଅଶ୍ୱିନ୍ ଓ ପୁରୁଖା ବ୍ୟାଟ୍ସମ୍ୟାନ୍ ରୋହିତ ଶର୍ମା । ଆହତ କାରଣରୁ ଏହି ଦୁଇ ଖେଳାଳିଙ୍କୁ ବିଶ୍ରାମ ଦିଆଯାଇଛି । ଆଡିଲେଡ୍ ଟେଷ୍ଟର ଅନ୍ତିମ ଦିନରେ ରୋହିତ ଫିଲଡିଂ କରୁଥିବା ବେଳେ ପିଠିରେ ଆଘାତ ପାଇଥିଲେ । ସେହିପରି ଅଶ୍ୱିନ୍ଙ୍କ ବାମ ତଳି ପେଟରେ ଆଘାତ ଲାଗିଛି । ତେଣୁ ଭାରତର ୧୩ ଜଣିଆ ଦଳରେ ଯୁବ ବ୍ୟାଟ୍ସମ୍ୟାନ୍ ହନୁମା ବିହାରୀ ଏବଂ ଦୁଇ ପେସ୍ ବୋଲର୍ ଭୁବନେଶ୍ୱର କୁମାର ଓ ଉମେଶ ଯାଦବଙ୍କୁ ସାମିଲ କରାଯାଇଛି ।
ପର୍ଥ ପିଚ୍ ପେସ୍ ବୋଲରଙ୍କ ସ୍ୱର୍ଗ ବୋଲି କୁହାଯାଏ । ତେଣୁ ଆଶା କରାଯାଉଛି ଅଶ୍ୱିନ୍ଙ୍କ ସ୍ଥାନରେ ଆଉ ଜଣେ ପେସ୍ ବୋଲର୍ ଭାବେ ଭୁବନେଶ୍ୱର କିମ୍ବା ଉମେଶଙ୍କୁ ଖେଳା ଯାଇ ପାରେ ।
ଅନ୍ୟପକ୍ଷରେ ଭାରତୀୟ ବ୍ୟାଟ୍ସମ୍ୟାନ୍ଙ୍କୁ ପର୍ଥ ପିଚ୍ରେ କଡ଼ା ପରୀକ୍ଷାର ସାମନା କରିବାକୁ ପଡ଼ିବ । କାରଣ ଏଠି ବୋଲର୍ଙ୍କୁ ଭଲ ପେସ୍ ଓ ବାଉନ୍ସ ମିଳେ । ଯେଉଁଥିରେ ଭାରତୀୟ ବ୍ୟାଟ୍ସମ୍ୟାନ୍ ଦୁର୍ବଳ ବୋଲି କୁହାଯାଏ । ପର୍ଥ ଷ୍ଟାଡିୟମ୍ ଏବେ ନୂଆ ରୂପ ନେଇଛି । ତେଣୁ ଉଭୟ ଦଳ କାଲି ନୂଆ ପିଚ୍ରେ ଖେଳିବେ ।
ସେପଟେ ପ୍ରଥମ ଟେଷ୍ଟରେ ୩୧ ରନ୍ରେ ହାରିବା ପରେ ଏବେ ଘାଇଲା ଅଛି କଙ୍ଗାରୁ ଦଳ । ତେଣୁ ପର୍ଥରେ ପ୍ରତିଶୋଧ ନେବାକୁ ପୂରା ଦମ୍ ଲଗାଇ ଦେବ । ତେଣୁ ଏହାର ପେସ୍ ବୋଲର୍ ଜୋରଦାର ଆକ୍ରମଣ କରିବେ । ପ୍ରଥମ ମ୍ୟାଚ୍ ହାରିବା ସତ୍ତ୍ୱେ ଅଷ୍ଟ୍ରେଲିଆ ତା ଦଳରେ କୌଣସି ପରିବର୍ତ୍ତନ କରିନାହିଁ ।
ପର୍ଥରେ ଏବେ ତାପମାତ୍ରା ପ୍ରାୟ ୩୬ ଡିଗ୍ରୀ ସେଲସିୟସ ରହୁଛି । ତେଣୁ ଟି ଜିତିଲେ ଉଭୟ ଦଳରୁ ଅଧିନାୟକ ପ୍ରଥମେ ବ୍ୟାଟିଂ କରିବାକୁ ସ୍ଥିର କରି ପାରେ ।
ନଜର ପକାନ୍ତୁ ପର୍ଥର ନୂଆ ଷ୍ଟାଡିୟମ ଉପରେ
ଅଲକା ୟାଗନିକ୍ ଜଣେ ପ୍ରସିଦ୍ଧ ବଲିଉଡ୍ ଗାୟିକା । ସଙ୍ଗୀତ ଦୁନିଆରେ ତାଙ୍କୁ କିଏ ବା ନ ଜାଣେ ।…
ସିକ୍କିମ୍ରେ ବର୍ତ୍ତମାନ ସ୍ଥିତି ସାଂଘାତିକ । ଏଠାରେ କ୍ରମାଗତ ବର୍ଷା ଏବଂ ଭୂସ୍ଖଳନ ଯୋଗୁ ପରିସ୍ଥିତି ଜଟିଳ ହୋଇପଡ଼ିଛି ।…
ସୋସିଆଲ ମିଡିଆରେ ରିଲ୍ସ କରିବାକୁ ନେଇ ଲୋକଙ୍କ ମଧ୍ୟରେ ଏତେ ଉତ୍ସାହ ରହୁଛି ଯେ ନିୟମ ସୁଦ୍ଧା ମାନିବାକୁ ସେମାନେ ପ୍ରସ୍ତୁତ…
ବଲିଉଡ ଷ୍ଟାର ଅକ୍ଷୟ କୁମାରଙ୍କ ନୂଆ ଫିଲ୍ମ 'ସରଫିରା'ଟ୍ରେଲର ରିଲିଜ୍ ହୋଇଛି । ଖିଲାଡୀ କୁମାରଙ୍କ ଅପ୍କମିଂ ଫିଲ୍ମ ସରଫିରା…
ଇକ୍ୱାଡୋରରେ ବର୍ଷା ରଚିଛି ତାଣ୍ଡବ । ପ୍ରବଳ ବର୍ଷା ଯୋଗୁଁ ଲୋକଙ୍କୁ ଅନେକ ସମସ୍ୟା ସାମ୍ନା କରିଛନ୍ତି । ମଧ୍ୟ…
ଯାଜପୁର(କେନ୍ୟୁଜ୍) : ସାରା ରାଜ୍ୟରେ ମେଲିଛି ରଜର ଆସର । ଧୁମ୍ ଧାମ୍ ରେ ଏଥର ସବୁଠି ପାଳିତ ହୋଇଯାଇଛି…