photo: aajtak
କେନ୍ୟୁଜ୍ ବ୍ୟୁରୋ: କତାରରେ ଚାଲିଛି ଫିଫା ବିଶ୍ୱକପ ୨୦୨୨, ସମସ୍ତଙ୍କ ନଜର ଖେଳ ଉପରେ ରହିଛି । ବିଶ୍ୱକପରେ ଧମାକାଦାର ମ୍ୟାଚ୍କୁ ସମସ୍ତେ ଉପଭୋଗ କରୁଛନ୍ତି । କିନ୍ତୁ ଦିନକୁ ଦିନ ବିଶ୍ୱକପରେ ଏମିତି ଚାଞ୍ଚଲ୍ୟକର ଖବର ଆସୁଛି ଯାହା ଫୁଟ୍ବଲ ପ୍ରେମୀଙ୍କୁ ଚକିତ କରିଛି । ଆୟୋଜକ କତାରର କର୍ତ୍ତୃପକ୍ଷ ନୂଆ ନୂଆ ନିୟମ ଲାଗୁ କରୁଛନ୍ତି । ପୂର୍ବରୁ ଏହି ବିଶ୍ୱକପରେ ମଦ୍ୟପାନ, ଧୂମ୍ରପାନ ଏବଂ କପଡ଼ା ପିନ୍ଧିବାକୁ ନେଇ କତାର କର୍ତ୍ତୃପକ୍ଷ ପ୍ରତିବନ୍ଧକ ଲଗାଇଛନ୍ତି ।
ପୁଣି ଏବେ କତାର ଷ୍ଟାଡିୟମରେ ଏକ ବିବାଦ ଉପୁଜିଛି । ଶୁକ୍ରବାର ଖେଳାଯାଇଥିବା ଆମେରିକା- ଇଂଲଣ୍ଡ ମ୍ୟାଚ୍ରେ ଇଂଲଣ୍ଡର କିଛି ପ୍ରଶଂସକଙ୍କୁ ସୁରକ୍ଷା ଅଧିକାରୀମାନେ ଷ୍ଟାଡିୟମ ଭିତରକୁ ଛାଡ଼ି ନ ଥିଲେ । ଯାହା ଫଳରେ ସୁରକ୍ଷା କର୍ମୀ ଏବଂ ପ୍ରଶଂସକଙ୍କ ଭିତରେ ଯୁକ୍ତିତର୍କ ହୋଇଥିଲା । ସେମାନଙ୍କୁ ଅଟକାଇବାର କାରଣ ହେଉଛି ତାଙ୍କର ପିନ୍ଧା ପୋଷାକ ଯାହା ଉପରେ ସୁରକ୍ଷା କର୍ମୀ ପ୍ରଶ୍ନ ଉଠାଇଥିଲେ । ଇଂଲଣ୍ଡର ପ୍ରଶଂସକମାନେ କ୍ରୁସେଡର ପରି ଡ୍ରେସ୍ ପିନ୍ଧିଥିଲେ । ଅଧିକାଂଶ ସମୟ ଇଂଲଣ୍ଡର ପ୍ରଶଂସକମାନେ ଫ୍ୟାନ୍ସି ଡ୍ରେସ୍ କିମ୍ବା କିଛି ମେସେଜ୍ ଦେବା ପରି ଡ୍ରେସ୍ ପିନ୍ଧିଥାଆନ୍ତି । ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେଉଛି ।
କତାରରେ କାହିଁକି ଏହିପରି ଡ୍ରେସ୍ ଉପରେ ଲାଗିଛି ପ୍ରତିବନ୍ଧକ :
କ୍ରୁସେଡର ଡ୍ରେସ୍କୁ ନେଇ ହୋଇଥିବା ପ୍ରତିକନ୍ଧକ ପଛରେ ଏକ କାହାଣୀ ଅଛି । କୁହାଯାଏ ଇତିହାସରେ ଖ୍ରୀଷ୍ଟିୟାନ ଧର୍ମର ଲୋକମାନେ ମୁସ୍ଲିମ ଦେଶ ଉପରେ ଆକ୍ରମଣ କରୁଥିଲେ । ସେଥିପାଇଁ ଏହି ପ୍ରକାର ଡ୍ରେସ୍କୁ କତାରରେ ପିନ୍ଧିବା ପାଇଁ ଅପମାନଜନକ ବୋଲି କୁହାଯାଏ । ଷ୍ଟାଡିୟମ ଅଧିକାରୀଙ୍କ ଦ୍ୱାରା ଏହି ନିୟମ ବିଷୟରେ ସୂଚନା ଦିଆଯାଇଛି ଏବଂ ଷ୍ଟାଡିୟମରେ ଏହିପରି ଡ୍ରେସ୍ ନ ପିନ୍ଧିବା ପାଇଁ କୁହାଯାଇଛି । କତାରରେ କିଛି ଦିନ ଭିତରେ ଯେଉଁପରି କଡ଼ା ନିୟମ ସବୁ ଲାଗୁ କରା ହେଉଛି, ତାକୁ ନେଇ ପ୍ରଶଂସକ ଅସନ୍ତୋଷ ପ୍ରକାଶ କରିଛନ୍ତି ।
ପୂର୍ବରୁ ଲାଗୁ ହୋଇଛି ଏହି ନିୟମ :
କତାରରେ ବିଶ୍ୱକପ ପ୍ରାରମ୍ଭରୁ ଅନେକ ନିୟମ ଉପରେ ପ୍ରତିବନ୍ଧକ ଲାଗିଛି । ସେଠାରେ ଖୋଲାରେ ମଦ ବିକ୍ରି ହେଉନାହିଁ । ଷ୍ଟାଡିୟମର କିଛି ନିର୍ଦ୍ଦିଷ୍ଟ ଦୂରରେ ଏହା ବିକ୍ରି ହେବା ପାଇଁ ଅନୁମତି ମିଳିଛି । ଯାହାକୁ ନେଇ କିଛି ଦିନ ତଳେ ବିବାଦ ଦେଖାଦେଇଥିଲା ଏବଂ ଦର୍ଶକମାନେ ଷ୍ଟାଡିୟମ ଭିତରେ ‘ଆମକୁ ବିୟର ଦରକାର’ ସ୍ଲୋଗାନ୍ ଦେଇଥିଲେ ଯାହାର ଭିଡିଓ ସୋସିଆଲ ମିଡିଆରେ ଜୋରସୋରରେ ଭାଇରାଲ ହୋଇଥିଲା । ଆହୁରି ମହିଳାମାନଙ୍କ ଛୋଟ ଡ୍ରେସ୍ ପିନ୍ଧାକୁ ନେଇ ମଧ୍ୟ ବିବାଦ ହୋଇଥିଲା । ଆଣ୍ଠୁ ଉପରକୁ ଡ୍ରେସ୍ ନ ପନ୍ଧିବା ପାଇଁ ମହିଳାମାନଙ୍କୁ କୁହାଯାଇଥିଲା ।
ଏହି ସବୁ ବିବାଦ ପାଇଁ ଆମେରିକା ଏବଂ ୟୁରୋପର ମିଡିଆ ଏହା ଉପରେ ଲଗାତାର ପ୍ରଶ୍ନ ଉଠାଇଛି । ଏମିତି କି ଫିଫା ଦ୍ୱାରା ମଧ୍ୟ କତାର କର୍ତ୍ତୃପକ୍ଷଙ୍କୁ କୁହାଯାଇଛି, କିନ୍ତୁ ଏହି ବିଶ୍ୱକପ ଆୟୋଜକଙ୍କ ମନ ମୁତାବକ ଚାଲିଛି ।
ଭୁବନେଶ୍ୱର: ଦିଲ୍ଲୀ ଯିବା ପୂର୍ବରୁ କୃଷି ବିଭାଗର ସମୀକ୍ଷା କଲେ କୃଷି ମନ୍ତ୍ରୀ ତଥା ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ…
ଲୋକସଭା ନିର୍ବାଚନ ପ୍ରଚାର ସମୟରେ ପରସ୍ପରକୁ କଟାକ୍ଷ କରୁଥିବା ନେତା ସଂସଦରେ ଆଜି ଭିନ୍ନ ରୂପରେ ନଜର ଆସିଥିଲେ ।…
କଣ୍ଟାବାଞ୍ଜି : କଂଟାବାଞ୍ଜି-ବଲାଙ୍ଗୀର ରାସ୍ତାରେ ଥିବା ଏକ ଠିପି ଖୋଲା ବିଦେଶୀ ମଦ ଦୋକାନରୁ ଚୋରୀ ହୋଇଥିବା ନେଇ କଣ୍ଟାବାଞ୍ଜି…
ପୁରୀ : ଆସନ୍ତା ୭ ତାରିଖରେ ପୁରୀ ବିଶ୍ବପ୍ରସିଦ୍ଧ ରଥଯାତ୍ରା । ଚଳିତ ବର୍ଷ ଦୁଇ ଦିନ ରଥଯାତ୍ରା ।…
ଜୁଲାଇରେ ହେବାକୁ ଥିବା ପ୍ୟାରିସ୍ ଅଲିମ୍ପିକ୍ସ ପାଇଁ ଭାରତୀୟ ହକି ଟିମ୍ ଘୋଷଣା ହୋଇଛି । ହରମନପ୍ରୀତ ସିଂହଙ୍କ ନେତୃତ୍ୱରେ…
ଭୁବନେଶ୍ୱର: ଗରମ ଓ ଗୁଳୁଗୁଳିରୁ ମିଳିଲା ଆଶ୍ବସ୍ତି । ଭୁବନେଶ୍ବର ଓ କଟକରେ ଝଡ଼ପବନ ସହ ବର୍ଷା । ରାଜଧାନୀର…