ପାକିସ୍ତାନର ପୂର୍ବତନ କ୍ରିକେଟର ଶାହିଦ୍ ଆଫ୍ରିଦି ନିଜର ଏକ ଭିଡିଓକୁ ନେଇ ଚର୍ଚ୍ଚାରେ ଅଛନ୍ତି। ଭିଡିଓ ବହୁତ ପୁରୁଣା, କିନ୍ତୁ ଏବେ ଏହା ଖୁବ୍ ଭାଇରାଲ ହୋଇଯାଇଛି। ଭିଡିଓଟି ଭାଇରାଲ ହେବା ପରେ ଲୋକେ ଆଫ୍ରିଦିଙ୍କୁ ସମାଲୋଚନା କରିବା ଆରମ୍ଭ କରିଦେଇଛନ୍ତି। ସେପଟେ ବଲିଉଡ୍ ନିର୍ଦ୍ଦେଶକ ଓନିର୍ ମଧ୍ୟ ଶାହିଦଙ୍କ ଏହି ଭିଡିଓ ଦେଖି ଖୁବ୍ ରାଗିଯାଇଛନ୍ତି।
କଥାଟି ହେଲା, ଶାହିଦ ଏହି ଭିଡିଓରେ କହୁଛନ୍ତି, ତାଙ୍କ ଝିଅ ଏକ ଟିଭି ସିରିଏଲ୍ ଦେଖି ‘ଆଳତି’ କରିବାର ନକଲ କରୁଥିଲା। ଏହାପରେ ଶାହିଦ ଆସି ତାଙ୍କ ଘର ଟିଭିକୁ ଭାଙ୍ଗିଦେଇଥିଲେ। ତେବେ ତାଙ୍କର ଏହି କଥା ନିର୍ଦ୍ଦେଶକ ଓନିରଙ୍କୁ ପସନ୍ଦ ଆସି ନ ଥିଲା। ସେ ଶାହିଦଙ୍କ ବିରୋଧରେ ଏକ ଟୁଇଟ୍ କରି ତାଙ୍କୁ ହିଂସ୍ର ଏବଂ କଠୋର ବୋଲି କହିଥିଲେ।
ଓନିର ଲେଖିଥିଲେ, ‘ଏହି ଲୋକକୁ ସତରେ ଲଜ୍ଜା ଲାଗୁନି। ସେ ନିଜ ଝିଅକୁ ଆଉଟ୍ଡୋର ସ୍ପୋର୍ଟସ୍ ଖେଳିବାକୁ ମଧ୍ୟ ମନା କରିଛି। ସେ ହିଂସ୍ର ଏବଂ କଠୋର ରୂପରେ ସାମ୍ନାକୁ ଆସୁଛନ୍ତି’। ଏହାସହିତ ଓନିର #afridishame ର ହାସ୍ଟ୍ୟାଗ୍ ମଧ୍ୟ ଲଗାଇଛନ୍ତି। ତେବେ ଆପଣ ଜାଣିଛନ୍ତି କି, ଆଫ୍ରିଦି ନିଜର ପୂରା ଇଣ୍ଟରଭ୍ୟୁରେ କ’ଣ କହିଛନ୍ତି?
ଇଣ୍ଟରଭ୍ୟୁରେ ସେ କହିଛନ୍ତି, ‘ଏ ସବୁ ତାଙ୍କ ସ୍ତ୍ରୀଙ୍କ ଯୋଗୁ ହୋଇଥିଲା। କିଛି ବର୍ଷ ତଳେ ଡେଲି ସୋପ୍ସ ବହୁତ ଲୋକପ୍ରିୟ ଥିଲା। ଯଦିଓ ମୋ ସ୍ତ୍ରୀ ସେତେଟୋ ଟିଭି ଦେଖୁ ନ ଥିଲା, କିନ୍ତୁ ଏହି ଶୋ’ ନିଶ୍ଚିତ ଭାବେ ଦେଖୁଥିଲା। ମୁଁ ଅନେକ ଥର ମୋ ସ୍ତ୍ରୀକୁ କହିଛି, ସେ ଏକୁଟିଆ ଏହି ସିରିଏଲ୍ ଦେଖନ୍ତୁ, ପିଲା ସହିତ ବସି ନ ଦେଖନ୍ତୁ’।
‘ଥରେ ମୁଁ ଦେଖିଲି ମୋ ଝିଅ ଏମିତି ସିରିଏଲ୍ ଦେଖି ନିଜ ହାତ ବୁଲାଉଥିଲା। ଏହା ଦେଖି ମୋତେ ବହୁତ ରାଗ ଲାଗିଥିଲା। ଆଉ ରାଗରେ ମୁଁ ଟିଭି ଭାଙ୍ଗିଦେଇଥିଲି’। ଏହା ଶୁଣି ସାମ୍ନାରେ ବସିଥିବା ଦର୍ଶକ ଜୋର୍ରେ ତାଳି ମାରିବାକୁ ଲାଗିଥିଲେ। କିନ୍ତୁ ସୋସିଆଲ ମିଡିଆରେ ଆଫ୍ରିଦିଙ୍କ ଏହି କଥାକୁ ସମସ୍ତେ ନାପସନ୍ଦ କରିଥିଲେ।
ଟିମ୍ ଇଣ୍ଡିଆର ପୂର୍ବତନ କ୍ରିକେଟର ଗୌତମ ଗମ୍ଭୀର ବର୍ତ୍ତମାନ ଚର୍ଚ୍ଚାରେ । ଗମ୍ଭୀରଙ୍କ ମେଣ୍ଟରଶିପ୍ରେ କୋଲକାତା ନାଇଟ୍ ରାଇଡର୍ସ (KKR)…
ଭୁବନେଶ୍ୱର(କେନ୍ୟୁଜ୍): ପାରିବାରିକ ମାସିକ ପତ୍ରିକା କାଦମ୍ବିନୀ ପକ୍ଷରୁ ପାଳିତ ହୋଇଯାଇଛି ଆର୍ଟ ଅଫ୍ ଗିଭିଂ ଦିବସ। ଭୁବନେଶ୍ବର ଭରତପୁର ବସ୍ତିରେ…
ପ୍ରତିଦିନ ବୈଜ୍ଞାନିକମାନେ ପୃଥିବୀରେ ନୂତନ ଅନୁସନ୍ଧାନ ଜାରି ରଖିଛନ୍ତି, ଯାହା ମାଧ୍ୟମରେ ଆମେ ଏହାର ଅନନ୍ୟ ରହସ୍ୟ ବିଷୟରେ ନୂଆ…
ଜାପାନରେ ଏକ ମାରାତ୍ମକ ରୋଗ ଦ୍ରୁତ ଗତିରେ ବ୍ୟାପିବାରେ ଲାଗିଛି । ଏହି ରୋଗ ବ୍ୟାକ୍ଟେରିଆ ଯୋଗୁ ହୋଇଥାଏ ।…
ଇଣ୍ଡିଆନ କୋଷ୍ଟ ଗାର୍ଡ ତରଫରୁ ଭର୍ତ୍ତି ପାଇଁ ନୋଟିଫିକେସନ ଜାରି ହୋଇଛି । ଏଠାରେ ବମ୍ପର ପଦବୀରେ ଭର୍ତ୍ତି ହେଉଛି…
ବର୍ତ୍ତମାନର ଖରା ଓ ଗରମ ଯୋଗୁ ଘରୁ ବାହାରକୁ ଯିବା ବହୁତ କଷ୍ଟକର ହୋଇଯାଇଛି । ଏହା ସହ ଖରାରେ…