ଚାନ୍ଦବାଲି(କେନ୍ୟୁଜ୍): ମହାଦେବଙ୍କ ସାମ୍ନାରେ ପୂଜା ପାଉଥିବା ପଥର ନିର୍ମିତ ବୃଷଭ ଓ ବାସୁଆ ବଳଦକୁ ପାଣି ଦେଲେ ପିଉଛନ୍ତି ପାଣି । ଏମିତି ଚର୍ଚ୍ଚା ଚାଲିଛି ଭଦ୍ରକ ଜିଲ୍ଲା ଗଦି ଅଂଚଳରେ । ଆଉ ବାସୁଆ ଓ ବୃଷଭଙ୍କୁ ପାଣି ପିଆଇବାକୁ ରାତି ତମାମ ଶହ ଶହ ଲୋକଙ୍କ ଭିଡ ମଧ୍ୟ ଲାଗିଛି ମନ୍ଦିରରେ । କାନକୁ ଶୁଣିବାକୁ ଅଡୁଆ ଅଡୁଆ ଲାଗୁଥିଲେ ବି କଥାଟା ସତ । ଏଭଳି ଏକ ଦୃଶ୍ୟ ଦେଖିବାକୁ ମିଳିଛି ଗଦି ସାମନ୍ତରାୟପୁରରେ ଥିବା ଏକ ମହାଦେବ ମନ୍ଦିରରେ ।
ହଁ ଆମେ ବି ପ୍ରଥମେ ଶୁଣି ଏକଥାକୁ ବିଶ୍ୱାସ କରିନଥିଲୁ । କିନ୍ତୁ ଘଟଣାସ୍ଥଳକୁ ଯାଇ ଦେଖିଲା ପରେ ଯାହା ଦେଖିବାକୁ ପାଇଲୁ ତାହା ସହଜରେ ବିଶ୍ୱାସ କରିପାରିନଥିଲୁ । ଦେବ ଦେବ ମହାଦେବଙ୍କ ସମ୍ମୁଖରେ ପୂଜା ପାଉଥିବା ବୃଷଭ ଓ ବାସୁଆ ବଳଦ ପାଟିରେ ପାଣି ଲଗାଇଲେ ତାହା ଉଭାନ ହୋଇଯାଉଛି । ଏକଥା ପ୍ରଚାର ହେବାପରେ ସ୍ଥାନୀୟ ଅଂଚଳର ଶହଶହ ଲୋକ ରୁଣ୍ଡ ହୋଇ ଚାମଚରେ ବୃଷଭ ପାଟିରେ ପାଣି ଦେଉଥିବାର ଦେଖିବାକୁ ମିଳିଥିଲା ।
ସ୍ଥାନୀୟ ଅଂଚଳର ଲୋକଙ୍କ କହିବା କଥା ସାମନ୍ତରାୟପୁର ଗାଁରେ ଥିବା ବାବା ଚନ୍ଦ୍ରଶେଖର ମନ୍ଦିରରେ ପୂଜା ପାଉଥିବା ଏହି ବୃଷଭ ଓ ବାସୁଆ ପାଟିରେ ପାଣି ଲଗାଇଲେ କୁଆଡେ ଉଭାନ୍ ହୋଇଯାଉଛି । ପାଣି ତଳେ ଜମାରୁ ପଡୁନି । ତେଣୁ ଲୋକମାନେ ବିଶ୍ୱାସ କରୁଛନ୍ତି ଷଣ୍ଢ ପାଣି ପିଇ ଦେଉଛି । ଏହାକୁ ଦେଖିବାକୁ ରାତି ତମାମ ଲୋକଙ୍କ ଭିଡ ଜମିଥିଲା ସାମନ୍ତରାୟପୁର ଗାଁରେ ।
କଥାରେ ଅଛି ମାନିଲେ ଠାକୁର ନମାନିଲେ ପଥର । ବିଶ୍ୱାସ, ଅବିଶ୍ୱାସ ଏବଂ ଅନ୍ଧବିଶ୍ୱାସରେ ସଂସାର ଚାଲେ ଦର୍ଶକବନ୍ଧୁ। ତେବେ ଏଭଳି ଏକ ଅଲୌକିକ ଘଟଣା ଘଟିବାପରେ ଭକ୍ତି ଏବଂ ବିଶ୍ୱାସର ସହକାରେ ଲୋକେ ସେଠାରେ ଆରମ୍ଭ କରିଛନ୍ତି ପୂଜାର୍ଚ୍ଚନା ।
ଦାରିଙ୍ଗବାଡ଼ି : କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଳକ ଅନ୍ତର୍ଗତ କିଲାବାଡ଼ି ଗ୍ରାମରେ ଆଜି ଅପରାହ୍ନରେ କାଳ ବୈଶାଖୀ ବର୍ଷା ଜନିତ…
ଲକ୍ଷ୍ମୀପୁର : ଆଜି କୋରାପୁଟ ଜିଲ୍ଲା ନାରାୟଣପାଟଣା ଥାନା ଗଦରାଗୁଡ଼ା ଏବଂ ପିଲ୍କୁର୍ ଗାଁରେ କାଳବୈଶାଖୀର ପ୍ରଭାବ ଦେଖିବାକୁ ମିଳିଛି…
ଦିଗପହଣ୍ଡି : ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ସାନଖେମୁଣ୍ଡି ବ୍ଲକ ଗାନ୍ଧୀ ଛକରେ ବଜ୍ରାଘାତରେ ଦୁଇ ଯୁବକଙ୍କ ମୃତ୍ୟୁ…
ଗତ ୭୨ ଘଣ୍ଟାରେ ରାଜ୍ୟରେ ଅଂଶୁଘାତରେ ୨୦ଜଣଙ୍କ ମୃତ୍ୟୁ ଘଟିଛି । ଏହି ସମୟ ମଧ୍ୟରେ ୯୯ଟି ଅଂଶୁଘାତଜନିତ ମୃତ୍ୟୁ…
ସେହି ରେଳ ଧାରଣା ଅଛି । ସେଇଠି ଟ୍ରେନ୍ ବି ଚାଲୁଛି । ତଥାପି ଗୁମୁରି ଗୁମୁରି କାନ୍ଦୁଛି ଏ…
ବାଲେଶ୍ୱର ଜିଲ୍ଲା ବାହାନଗାଠାରେ ଘଟିଥିବା ମର୍ମନ୍ତୁଦ ରେଳ ଦୁର୍ଘଟଣାକୁ ପୂରିଛି ଏକ ବର୍ଷ । ଏଭଳି ଦୁର୍ଘଟଣାରେ ମର୍ମାହତ ହୋଇ…