କଟକ (କେନ୍ୟୁଜ୍ ଏକ୍ସକ୍ଲୁସିଭ୍) : ବିଭିନ୍ନ କାରଣ ପାଇଁ କଟକ ମହାନଗର ନିଗମ ସବୁ ବେଳେ ଚର୍ଚ୍ଚାରେ। ଆଉ ଏବେ ଜନ୍ମମୃତ୍ୟୁ ପ୍ରମାଣପତ୍ର ପ୍ରସ୍ତୁତି ନେଇ ଆସିଛି ଦୁର୍ନୀତି ଅଭିଯୋଗ। ପ୍ରମାଣପତ୍ର ପ୍ରସ୍ତୁତିରେ ବ୍ୟବହୃତ କାଳି ନିମ୍ନମାନର ବୋଲି ସିଏମସି କାଉନସିଲ ବୈଠକରେ ହୋହଲ୍ଲା। ଆଉ ଅଭିଯୋଗ ଉଠିବା ପରେ ବିଧିବଦ୍ଧ ତଦନ୍ତ ନିର୍ଦ୍ଦେଶ ଦେଇଛନ୍ତି ସିଏମସି ମେୟର।
ଚାଲିଥିଲା ସିଏମସିର ମାସିକିଆ କାଉନସିଲ ବୈଠକ। ଆଉ ଆରମ୍ଭରୁ ଜନ୍ମମୃତ୍ୟୁ ପ୍ରମାଣପତ୍ର ପ୍ରସ୍ତୁତିରେ ଦୁର୍ନୀତି ନେଇ ଚର୍ଚ୍ଚା ଜୋର ଧରିଥିଲା । ଖୋଦ୍ ଶାସକ ଦଳର କର୍ପୋରେଟର ଉଠାଇଥିଲେ ଏହି ପ୍ରସଙ୍ଗ। ଏସସିବି ମେଡିକାଲ ସହ ସହରର ପ୍ରାୟ ଦୁଇ ଶହରୁ ଅଧିକ ନର୍ସିଂହୋମରେ ଘଟୁଥିବା ଜନ୍ମ ଓ ମୃତ୍ୟୁର ପ୍ରମାଣପତ୍ର ଦାୟିତ୍ୱ କଟକ ମହାନଗର ନିଗମ ଉପରେ ରହିଛି।
ହେଲେ ପ୍ରମାଣପତ୍ରରେ ବ୍ୟବହୃତ କାଳି ନିମ୍ନମାନର ହୋଇଥିବାରୁ ଏହା ଲିଭି ଯାଉଥିବା ଅଭିଯୋଗ ହୋଇଛି। ଏହାକୁ ନେଇ ସବୁ ଦଳର କର୍ପୋରେଟର ଅସନ୍ତୋଷ ପ୍ରକାଶ କରିଛନ୍ତି ।
କାଉନସିଲ ବୈଠକରେ ଏଭଳି ଅଭିଯୋଗ ଆସିବା ପରେ ଏହାର ତଦନ୍ତ ନିର୍ଦ୍ଦେଶ ଦେଇଛନ୍ତି ସିଏମସି ମେୟର । କାଳି ଯୋଗାଉଥିବା ଏଜେନସିକୁ ତାଲିକାଭୁକ୍ତ କରିବା ସହ ସଂପୃକ୍ତ ଏଜେନସି ସହ ଚୁକ୍ତି ବାତିଲ ପାଇଁ ପଦକ୍ଷେପ ନିଆଯିବ ବୋଲି ସେ କହିଛନ୍ତି।
ଏୟାର ଇଣ୍ଡିଆର ଏକ ବିମାନରେ ପରସା ଯାଇଛି ଅଧାରନ୍ଧା ଖାଦ୍ୟ । ଏଭଳି ଅଭିଯୋଗ ଆଣିଛନ୍ତି ବିମାନରେ ଯାତ୍ରା କରୁଥିବା…
ଟି୨୦ ବିଶ୍ୱକପ ୨୦୨୪ରେ ସୁପର-୮ ଟିମ୍ ଘୋଷଣା ହୋଇସାରିଛି । ଭାରତ ବିପକ୍ଷରେ ସୁପର ୮ରେ ଅଷ୍ଟ୍ରେଲିଆ, ବାଂଲାଦେଶ ଏବଂ…
ଭୁବନେଶ୍ୱର : ଶ୍ରୀମନ୍ଦିର ଦର୍ଶନ ବ୍ୟବସ୍ଥାକୁ ଶୃଙ୍ଖଳିତ କରିବା ନେଇ ଆଜି ସମୀକ୍ଷା କରିବେ ଆଇନ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ…
ପଶ୍ଚିମବଙ୍ଗ ଦାର୍ଜିଲିଂରେ ହୋଇଥିବା ଟ୍ରେନ ଦୁର୍ଘଟଣାରେ ଦୁଃଖ ପ୍ରକାଶ କରିଛନ୍ତି ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି…
ଆମେରିକାରେ ଫାଦର୍ସ ଡେ ରେ ଆୟୋଜିତ ହେଇଥିବା କାର୍ଯ୍ୟକ୍ରମରେ ବିମାନ ଦୁର୍ଘଟଣାଗ୍ରସ୍ତ ହୋଇଛି । ଏହି ଘଟଣାରେ ବିମାନରେ ଥିବା…
ପୋଲସରା(କେନ୍ୟୁଜ): ଅସହ୍ୟ ଗରମରେ ଭକ୍ତମାନେ ଛୁଟି ଆସିଛନ୍ତି ମନ୍ଦିର । ମା’ଙ୍କ ଅପୂର୍ବ ଆଳତି ଦର୍ଶନ କରିବାର ସୌଭାଗ୍ୟ ନେଇଛନ୍ତି…