ଜଳେଶ୍ୱର(କେନ୍ୟୁଜ): ବାର୍ଦ୍ଧକ୍ୟ ଭତ୍ତା ବଣ୍ଟନ ବେଳେ ପଞ୍ଚାୟତ କାର୍ଯ୍ୟାଳୟ ପାଲଟିଲା ରଣକ୍ଷେତ୍ର । ସରପଞ୍ଚଙ୍କ ବଦଳରେ ତାଙ୍କ ଶ୍ବଶୁର ପଞ୍ଚାୟତରେ କାର୍ଯ୍ୟ କରୁଥିବାରୁ ତାତିଲେ ଲୋକେ । ବାଲେଶ୍ୱର ଜିଲ୍ଲା ଭୋଗରାଇ ବ୍ଲକ ଅନ୍ତର୍ଗତ ଗବଗାଂ ପଞ୍ଚାୟତରେ ଘଟିଛି ଏଭଳି ଅଭାବନୀୟ ଘଟଣା । ସୂଚନା ଅନୁଯାୟୀ ପଞ୍ଚାୟତ ଅଫିସ ପରିସରରେ ସରକାରଙ୍କ ପକ୍ଷରୁ ଭତ୍ତା ବଣ୍ଟନ କରାଯାଉଥିଲା । ଭତ୍ତା ବାଣ୍ଟିବା ପାଇଁ ପଞ୍ଚାୟତର ଜିଆରଏସ ଅଞ୍ଜୁଶ୍ରୀ ନାୟକ ଦାୟିତ୍ୱରେ ଥିଲେ । ଭତ୍ତା ବାଣ୍ଟିବା ସମୟରେ ପଞ୍ଚାୟତର ସରପଞ୍ଚ ଶୁଭଶ୍ମିତା ଦେ ଅନୁପସ୍ଥିତ ଥିବାବେଳେ ତାଙ୍କ ଶ୍ବଶୁର ଲଷ୍ମୀଧର ଦେ ପଞ୍ଚାୟତ ଅଫିସରେ ବସି ଭତ୍ତା ଖାତାରେ ଦସ୍ତଖସ୍ତ ମାରୁଥିବାର ଦେଖାଯାଇଥିଲା ।
ତେବେ ଏଭଳି ଘଟଣା ପୂର୍ବରୁ ହୋଇ ଆସୁଥିବାବେଳେ ଶୁଭଶ୍ମିତା ଦେ ଦୀର୍ଘ ଦିନ ଧରି ରାଜ୍ୟ ବାହାରେ ରହୁଛନ୍ତି । ଏ ସମ୍ପର୍କରେ ଗ୍ରାମବାସୀ ପୂର୍ବରୁ ଅନେକ ଥର ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ । ତେବେ ଦୀର୍ଘ ଦିନର ପୁଞ୍ଜିଭୁତ ଅସନ୍ତୋଷ ଏବେ ବାହାରିଛି । ଭତ୍ତା ବଣ୍ଟନ ସମୟରେ ଗ୍ରାମବାସୀମାନେ ପହଞ୍ଚି ସରପଞ୍ଚ କାହାନ୍ତି ବୋଲି ପଚାରି ପ୍ରତିବାଦ କରିଥିଲେ । ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ଲାଗି ରହିଥିଲା । ଜିଆରଏସଙ୍କୁ ଦୀର୍ଘ ୨ ଘଣ୍ଟା ଅଟକ ରଖି କମର୍ଦ୍ଦା ପୋଲିସକୁ ଖବର ଦେଇଥିଲେ ଗ୍ରାମବାସୀ । ତେବେ ପୋଲିସ ପହଞ୍ଚିବା ପୂର୍ବରୁ ଜିଆରଏସ ଘଟଣା ସ୍ଥଳରୁ ପଳାଇ ଯାଇଥିଲେ । ଏହି ଘଟଣାକୁ ସରପଞ୍ଚଙ୍କ ଶ୍ବଶୁର ଅସ୍ବୀକାର କରୁଥିବାବେଳେ ଭତ୍ତା ଖାତାରେ ସରପଞ୍ଚଙ୍କ ପରିବର୍ତ୍ତେ ତାଙ୍କ ଶ୍ବଶୁର ଲଷ୍ମୀଧର ଦେ ଦସ୍ତଖସ୍ତ କରୁଥିବାର ଭିଡିଓ ଏବେ ଭାଇରାଲ ହେବାରେ ଲାଗିଛି ।
ଦର୍ଶକ ବନ୍ଧୁ ଏଠାକାର ସରପଞ୍ଚ କୁଆଡ଼େ ଗଲେ ତାହା ତ କେହି ଜାଣି ନାହାନ୍ତି । କିନ୍ତୁ ତାଙ୍କ ବଦଳରେ ତାଙ୍କ ଶ୍ୱଶୁର କାମ କରୁଥିବା ନେଇ ପ୍ରତିବାଦ କରିଛନ୍ତି ଗ୍ରାମବାସୀ । ତୁରନ୍ତ ସରପଞ୍ଚ ଏବଂ ତାଙ୍କ ଶ୍ୱଶୁରଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉ ବୋଲି ସାଧାରଣରେ ଦାବି ଜୋର ଧରିଛି ।
Windows ଏବଂ Split ACରେ ଅଗ୍ନିକାଣ୍ଡ ଏବଂ ବିସ୍ଫୋରଣର ଅନେକ ଘଟଣା ଗତ କିଛି ଦିନ ମଧ୍ୟରେ ସାମ୍ନାକୁ ଆସିଛି…
ଭୁବନେଶ୍ୱର : ବିଧାନସଭାରେ ଚାଲିଛି ନବ ନିର୍ବାଚିତ ବିଧାକୟଙ୍କ ଶପଥ ଉତ୍ସବ । ପ୍ରଥମେ ମୁଖ୍ୟମନ୍ତ୍ରୀ ମୋହନ ମାଝୀ ବିଧାୟକ…
ଉଦ୍ଘାଟନ ପୂର୍ବରୁ ଭୁଶୁଡ଼ି ପଡ଼ିଲା ବ୍ରିଜ୍ । ବିହାରର ଅରାରିଆର ସିକଟିରେ ବକରା ନଦୀରେ ନିର୍ମିତ ବ୍ରିଜ୍ ମଙ୍ଗଳବାର ଭୁଶୁଡ଼ି…
କାକଟପୁର : ଦେବୀ ନଦୀରେ ଗାଧୋଇବା ସମୟରେ ନଦୀରେ ବୁଡି ତିନିଜଣ ନାବାଳକଙ୍କ ମୃତ୍ୟୁ। ମୃତକ ନାବାଳକ ସମସ୍ତେ ଗୋଟିଏ…
ଆଜି ବିବାହ ବନ୍ଧନରେ ବାନ୍ଧି ହେବେ ମହାପ୍ରଭୁ ଶ୍ରୀଜଗନ୍ନାଥ ଓ ମା' ଲକ୍ଷ୍ମୀ । ଆଉ କିଛି ସମୟ ପରେ…
ଭୁବନେଶ୍ୱର(କେନ୍ୟୁଜ୍): ଆଜି ଶପଥ ନେଇଛନ୍ତି ରାଜ୍ୟର ସମସ୍ତ ନବନିର୍ବାଚିତ ବିଧାୟକ । ଆଜି ବିଧାନସଭାର ୩ ଦିନିଆ ସ୍ୱତନ୍ତ୍ର ଅଧିବେଶନରେ…