ଯାଜପୁର ରୋଡ଼(କେନ୍ୟୁଜ୍) : ଝିଅ କୈାଣସି ଗୁଣରେ ପୁଅ ଠାରୁ କମ୍ ନୁହେଁ । ଝିଅଙ୍କୁ ପୁଅଙ୍କ ସହ ସମାନ ଅଧିକାର ଦେବା ପାଇଁ ଆଇନରେ ସବୁ ପ୍ରକାର ପ୍ରାବଧାନ ରହିଛି । ତଥାପି ପୁରୁଷ ପ୍ରଧାନ ସମାଜରେ ଝିଅ ସର୍ବଦା ଅବହେଳିତ ଓ ଲାଞ୍ଚିତ ହୋଇ ଆସୁଛି ।
ମାଳ ମାଳ ଆଇନ କାନୁନ ଭିତରେ ଏହା ଛନ୍ଦି ହୋଇଥିବା ବେଳେ ମଣିଷର ମାନସିକତାରେ ଏହାର କିଛି ପ୍ରଭାବ ପଡ଼ିନି । ଶିଶୁ ଭ୍ରୁଣ ହତ୍ୟାକୁ କିଛି ମାତ୍ରାରେ ରୋକାଯାଇ ଥିଲେ ମଧ୍ୟ ଜନ୍ମିତ ଶିଶୁ କନ୍ୟା ଆଜି ବି ଅଲୋଡ଼ା ହୋଇ କେଉଁଠି ରାସ୍ତା କଡ଼ରେ ତ କେଉଁଠି ବୁଦା ମୂଳରେ ପ୍ରାଣ ତ୍ୟାଗୁଛି ।
ଏଭଳି ଏକ ଘଟଣା ଦେଖିବାକୁ ମିଳିଛି କୋରେଇ ବ୍ଲକ୍ ଅନ୍ତର୍ଗତ ପଛିକୋଟ ପଞ୍ଚାୟତର ଲକ୍ଷ୍ମୀନଗର ଅଞ୍ଚଳରେ । କରୋନା ଲକ୍ଡାଉନ୍ ସମୟରେ ସମସ୍ତେ ଗୃହ ବନ୍ଦୀ ଥିବା ବେଳେ କେହି ଜଣେ ନବଜାତ ନିଷ୍ପାପ ଶିଶୁକନ୍ୟାକୁ ଗାଁ ନିକଟସ୍ଥ ମଶାଣି ପଡ଼ିଆରେ ଫିଙ୍ଗି ଦେଇ ଚାଲି ଯାଇଛି ।
ସ୍ଥାନୀୟ ପିଲା ମୃତ ଶିଶୁକୁ ଦେଖିବା ପରେ ଖବର ତୀବ୍ର ବେଗରେ ସବୁଠି ଖେଳି ଯାଇଥିଲା । ଖବର ପହଞ୍ଚି ଥିଲା କୋରେଇ ଥାନାରେ । ଥାନା ଏସ୍ଆଇ ସୁବ୍ରତ ସାହୁ ଘଟଣାସ୍ଥଳରେ ପହଞ୍ଚି ଦାନଗଦୀ ମେଡିକାଲ୍କୁ ବ୍ୟବଚ୍ଛେଦ ନିମନ୍ତେ ପଠାଇ ରିପୋର୍ଟକୁ ଅପେକ୍ଷା କରିଛି ।
୍ଆସନ୍ତାକାଲି ବ୍ୟବଚ୍ଛେଦ କରାଯିବା ପରେ ସତ୍କାର କରାଯିବ । ସରକାରୀ ପଲିଟେକନିକ୍ ସମ୍ମୁଖ ଗାଁ ମଶାଣୀ ପଡ଼ିଆରେ ପଡ଼ିଥିବା ଶିଶୁ କନ୍ୟାକୁ କିଏ ପକାଇଲା, ତାହାକୁ ନେଇ ଚର୍ଚ୍ଚା ଲାଗି ରହିଛି । ଶିଶୁ କନ୍ୟାଟି ସ୍ଥାନୀୟ ଅଞ୍ଚଳର ନା ଅନ୍ୟ କେଉଁ ଅଞ୍ଚଳରୁ ଆସି ଏଠାରେ ପକାଇ ଦେଇ ପଳାଇଛି, ତାହାର ଖୋଜଖବର ଆରମ୍ଭ ହୋଇଛି ।
ମହାନତା ଦେଖାଇଲେ ଶିକ୍ଷୟତ୍ରୀ । ସ୍ୱାମୀଙ୍କ ଶ୍ରାଦ୍ଧ ବାର୍ଷିକ ଅବସରରେ ମେଧାବୀ ଛାତ୍ର ଛାତ୍ରୀଙ୍କୁ ଆର୍ଥିକ ସହାୟତା ରାଶି ପ୍ରଦାନ…
ଭୁବନେଶ୍ୱର (କେନ୍ୟୁଜ୍): ରାଜ୍ୟର ବିଭିନ୍ନ ଜିଲ୍ଲାରେ ଅସ୍ୱାଭାବିକ ମୃତ୍ୟକୁ ନେଇ ସ୍ୱାସ୍ଥ୍ୟ ନିର୍ଦ୍ଦେଶକଙ୍କ ପ୍ରତିକ୍ରିୟା । ମୃତ୍ୟୁର କାରଣ ଜାଣିବାକୁ…
କାକଟପୁର(କେନ୍ୟୁଜ୍): ଆଜି ଶେଷ ପର୍ଯ୍ୟାୟରେ କାକଟପୁର ନିର୍ବାଚନ ମଣ୍ଡଳୀରେ ୨୮୦ଟି ବୁଥରେ ଭୋଟ ଗ୍ରହଣ କାର୍ଯ୍ୟ ଚାଲୁରହିଛି । ଏହି…
ଗଞ୍ଜାମ (କେନ୍ୟୁଜ) : ଆଖୁ ରସ ପିଉଥିଲେ ଏପଟେ ଲୁଟିନେଇ ଚାଲିଗଲେ । ହଁ ଆଜ୍ଞା ଆଖୁ ରସ ପିଉଥିବା…
ସିବିଏସଇ ୧୦ମ ଏବଂ ୧୨ଶ ସପ୍ଲିମେଣ୍ଟାରୀ ପରୀକ୍ଷା ଆସନ୍ତା ୧୫ ଜୁଲାଇରୁ ଆରମ୍ଭ ହେବ । କେନ୍ଦ୍ରୀୟ ମାଧ୍ୟମିକ ଶିକ୍ଷା…
କେନ୍ଦ୍ର କର୍ମଚାରୀଙ୍କ ପାଇଁ ବଡ ଆଶ୍ବସ୍ତିକର ଖବର । କର୍ମଚାରୀଙ୍କ ମହଙ୍ଗା ଭତ୍ତା ବଢ଼ାଯିବା ପରେ ସେମାନଙ୍କୁ ଆଉ ଏକ…