ଭୁବନେଶ୍ୱର (କେ ନ୍ୟୁଜ୍) : କଥାରେ ଅଛି, ଯେତେ କହିଲେ ଭାଗବତ ତୋଷ ନୋହିବ ମୋର ଚିତ୍ତ । ଏହାର ଅର୍ଥ ହେଉଛି ଯେତେ ସଚେତନ କଲେ ମଧ୍ୟ ମାନୁ ନାହାନ୍ତି ଲୋକେ । ଠିକ୍ ଏହି କଥାଟି ଏବେ ଲାଗୁ ହେଉଛି ଆମରିମାନଙ୍କ କ୍ଷେତ୍ରରେ । ଟ୍ରାଫିକ୍ ନିୟମକୁ ନେଇ ମାର୍ଚ୍ଚ ୧ରୁ ପୁଣି ଥରେ କଡ଼ାକଡ଼ି କରାଯାଇଛି । ରାସ୍ତାଘାଟରେ ଗାଡ଼ି ଅଟକାଇ ଟ୍ରାଫିକ୍ କର୍ମଚାରୀ ଚାଲାଣ କାଟୁଛନ୍ତି । କେଉଁଠି ଲୋକେ ତୁରନ୍ତ ଫାଇନ୍ ଦେଉଛନ୍ତି ତ ଆଉ କେଉଁଠି ଚାଲାଣ ଧରି ଘରକୁ ଯାଉଛନ୍ତି । ପୁଣି କେତେକ ଜାଗାରେ ଟ୍ରାଫିକ୍ ପୋଲିସ୍ କର୍ମଚାରୀ ଏବଂ ସାଧାରଣ ଲୋକଙ୍କ ମଧ୍ୟରେ ଯୁକ୍ତିତର୍କ ଓ ଝଗଡ଼ା ହେଉଛି ।
ପ୍ରକୃତ କଥା ହେଉଛି, ଯଦି ଆପଣଙ୍କ ଗାଡ଼ି କାଗଜପତ୍ର ସଠିକ୍ ଥିବ ତେବେ ଟ୍ରାଫିକ୍ କର୍ମଚାରୀ ଆପଣଙ୍କୁ ହଇରାଣ କରିବେ ନାହିଁ । ନିୟମ ଦୃଷ୍ଟିରୁ ଆମକୁ ଏସବୁ କାଗଜପତ୍ର ପାଖରେ ରଖିବା ନିହାତି ଜରୁରୀ । ଦେଶର ଦାୟିତ୍ୱବାନ୍ ନାଗରିକ ଭାବେ ଏସବୁ ରଖିବା ଆମ କର୍ତ୍ତବ୍ୟ । ସରକାରଙ୍କ ତରଫରୁ ଯାହା ବି ପଦକ୍ଷେପ ନିଆଯାଉଛି ତାହା ଲୋକଙ୍କ ମଙ୍ଗଳ ପାଇଁ । ପ୍ରଥମେ ସମୟ ଦିଆଗଲା । ପୁଣି ନିୟମକୁ କୋହଳ କରି ନିଜ ଭୁଲ ସୁଧାରିବା ଲାଗି ଲୋକଙ୍କୁ ସୁଯୋଗ ବି ଦିଆଗଲା । ତଥାପି ଲୋକେ ସୁଧୁରୁ ନାହାନ୍ତି । ନିଜେ ଚଳାଉଥିବା ଗାଡ଼ିର କାଗଜପତ୍ର ପ୍ରସ୍ତୁତ ନକରି ଓଲଟା ଝଗଡ଼ା କରୁଛନ୍ତି ।
ଆପଣ ମାତ୍ର କେଇ ଶହ ଟଙ୍କା ଦେଇ ନିଜ ଯାନବାହନର କାଗଜପତ୍ର କରି ପାରିବେ । ଅଥଚ ତାହା ନକରି ହଜାର ହଜାର ଟଙ୍କା ଫାଇନ୍ ଦେଉଛନ୍ତି କାହିଁକି ? ଆଜି ନହେଲେ କାଲି ଆପଣଙ୍କୁ ଏହି ସବୁ କାଗଜପତ୍ର କରିବାକୁ ହିଁ ପଡ଼ିବ । ତେଣୁ ବେଳରୁ ସାବଧାନ ରହିଲେ କ୍ଷତି କଣ ? ଏତେ ସବୁ ପରେ ବି ଆରଟିଓ ଅଫିସ୍ ହେଉ କି ପଲ୍ୟୁସନ୍ ସେଣ୍ଟର, ସବୁଠାରେ ପୁଣି ଭିଡ଼ ଦେଖିବାକୁ ମିଳୁଛି ।
କିଛି ଲୋକ ପ୍ରଶାସନ ଓ ସରକାରଙ୍କ ଦୋଷ ଦେଉଛନ୍ତି । ହେଲେ ନିଜ ଦୋଷକୁ ଲୁଚାଇବାକୁ ଚେଷ୍ଟା କରୁଛନ୍ତି । ଯଦି ସରକାରଙ୍କ ସମୟସୀମା ମଧ୍ୟରେ ଏତେ ଲୋକ ନିଜ ଗାଡ଼ି କାଗଜପତ୍ର ପ୍ରସ୍ତୁତ କରି ପାରିଲେ ତେବେ ଅନ୍ୟମାନେ କାହିଁକି ପାରିଲେ ନାହିଁ ? ଗତକାଲି ଭୁବନେଶ୍ୱର ରାଜମହଲ ଛକରେ ରଙ୍ଗରୁଟ୍ରେ ଆସୁଥିବା ଜଣେ ମହିଳା ଯେମିତି ଅଯଥା ଯୁକ୍ତି କରୁଥିଲେ ‘ମୋ ଗାଡ଼ି, ମୋର କାଗଜପତ୍ର, ତୁମେ କାହିଁକି ସିଜ୍ କରିବ?’ । ଏଭଳି ଅବାନ୍ତର ଯୁକ୍ତି କରି ଆଇନ୍କୁ ଫାଙ୍କିବା କଣ ଠିକ୍ କଥା ।
ତେଣୁ ଟ୍ରାଫିକ୍ କର୍ମଚାରୀଙ୍କୁ ଡରି ଲୁଚି ଛପି ଗାଡ଼ି ଚଳାଇବା ଅପେକ୍ଷା ତୁରନ୍ତ ଆବଶ୍ୟକ କାଗଜପତ୍ର କରି ନେବା ଉଚିତ ହେବ ।
ଗଞ୍ଜାମ (କେନ୍ୟୁଜ) : ଆଖୁ ରସ ପିଉଥିଲେ ଏପଟେ ଲୁଟିନେଇ ଚାଲିଗଲେ । ହଁ ଆଜ୍ଞା ଆଖୁ ରସ ପିଉଥିବା…
ସିବିଏସଇ ୧୦ମ ଏବଂ ୧୨ଶ ସପ୍ଲିମେଣ୍ଟାରୀ ପରୀକ୍ଷା ଆସନ୍ତା ୧୫ ଜୁଲାଇରୁ ଆରମ୍ଭ ହେବ । କେନ୍ଦ୍ରୀୟ ମାଧ୍ୟମିକ ଶିକ୍ଷା…
କେନ୍ଦ୍ର କର୍ମଚାରୀଙ୍କ ପାଇଁ ବଡ ଆଶ୍ବସ୍ତିକର ଖବର । କର୍ମଚାରୀଙ୍କ ମହଙ୍ଗା ଭତ୍ତା ବଢ଼ାଯିବା ପରେ ସେମାନଙ୍କୁ ଆଉ ଏକ…
ଦିଲ୍ଲୀର କାଶ୍ମୀରୀ ଗେଟ୍ ମେଟ୍ରୋ ଥାନାରେ ଭୟାବହ ଅଗ୍ନିକାଣ୍ଡ ଘଟିଛି । ଏହି ଘଟଣା ମେ’ ୩୧ ତାରିଖ ରାତିରେ…
କେନ୍ୟୁଜ୍: ରାଜ୍ୟରେ ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ ପାଇଁ ଶାନ୍ତିଶୃଙ୍ଖଳାର ସହ ଚାଲିଛି ଭୋଟଗ୍ରହଣ । ଦିନ ୧୧ଟା…
ଆଇସିସି ଟି୨୦ ବିଶ୍ୱକପ ଆରମ୍ଭ ହେବାକୁ ଆଉ କିଛି ଘଣ୍ଟା ବାକି ରହିଛି । ଭାରତୀୟ ଟିମର ପ୍ରଥମ ମ୍ୟାଚ…