ଚିର ନିଦ୍ରାରେ ତାରା। ସୁନା ପିଲାଟି ପରି ଶୋଇଯାଇଛି ଖଟିଆରେ । ଆଉ ଉଠିବନି କି ପୋଲିସ ବିଭାଗକୁ ସାହାଯ୍ୟ କରିବ ନାହିଁ । କାରଣ ସବୁଦିନ ପାଇଁ ଆଖିବୁଜି ଦେଇଛି ପୋଲିସ ବାହିନୀର ଏହି ଚାଲାକ କୁକୁରଟି। ତାରା କେବଳ ସାଧାରାଣ କୁକୁର ନଥିଲା ବରଂ ପୋଲିସ ବାହିନୀଙ୍କ ପାଇଁ ଥିଲା ଏକ ରତ୍ନ ବା ସମାଧାନର ସୂତ୍ର। ଯିଏକି ଦୀର୍ଘ ୧୨ ବର୍ଷ ହେବ ପୋଲିସ ବିଭାଗରେ ସେବା ଦେଇଆସୁଥିଲା । ତେବେ ତାରାର ମୃତ୍ୟୁପରେ ପୋଲିସ ବିଭାଗ ତରଫରୁ ତାକୁ ଦିଆଯାଉଛି ଗାର୍ଡ ଅଫ ଅନର ଯାହା ପରିବେଶକୁ ଆହୁରି ଭାବବିହ୍ୱଳ କରିଦେଇଛି ।
ପୋଲିସରେ ସାମିଲ ହୋଇ ଦୀର୍ଘଦିନ ଧରି ସେବା ଯୋଗାଇଥିବା କୁକୁର ତାରାର ଦେହାନ୍ତ ପରେ ଗାର୍ଡ ଅଫ ଅନର ପ୍ରଦାନ । ନବରଙ୍ଗପୁର ଏସପି ନିତିନ କୁଶଲକରଙ୍କ ଉପସ୍ଥିତିରେ ନବରଙ୍ଗପୁର ପୋଲିସ ବାହିନୀ ତରଫରୁ ଏକ ଭାବାବେଗ ପରିବେଶ ମଧ୍ୟରେ ତାରାକୁ ଗାର୍ଡ ଅଫ ଅନର ପ୍ରଦାନ କରାଯାଇ ତାକୁ ବିଦାୟ ଦିଆଯାଇଥିଲା । ତାରା K9 ସ୍କ୍ୱାର୍ଡ କୁକୁର ଯିଏକି ପ୍ରଥମେ ୨୦୦୯ମସିହାରେ ମେ 4 ତାରିଖରେ କୋରାପୁଟ ଜିଲ୍ଲାରେ ଯୋଗଦାନ କରିଥିଲା । ପରେ ୨୦୧୮ ମସିହା ଜୁଲାଇ 10ତାରିଖରେ ନବରଙ୍ଗପୁରରେ ଯୋଗଦାନ କରିଥିଲା । ତାରା ଟ୍ରାକିଂ କୁକୁର ଲାବ୍ରାଡର ପ୍ରଜାତିର କୁକୁର । ସେ ୧୨ ବର୍ଷ ଧରି ପୋଲିସର ସେବାରେ କାଟିଥିଲା ଏବଂ ବହୁତ ଜଟିଳ କେସର ସମାଧାନ କରିଥିଲା । କୋରାପୁଟରେ ଅବସ୍ଥାପିତ ହେବା ସମୟରେ ସେ ବହୁତ କେସର ସମାଧାନ କରିଥିଲା । ସେଥିମଧ୍ୟରୁ ଥିବା ଗୁରୁତ୍ୱପୂର୍ଣ୍ଣ କେସ ମଧ୍ୟରୁ କୋରାପୁଟ ଜିଲ୍ଲା ଦାମନଯୋଡି , ବିଶ୍ବନାଥପୁର,ଗୋଲାମୁଣ୍ଡା,ଡାବୁଗାଁ, ଆଦି ଅଞ୍ଚଳର ବହୁ କ୍ରିଟିକାଲ କେସରେ ପୋଲିସକୁ ସଫଳତା ଦେଇଥିଲା ।
କୋରାପୁଟ ରେ ଥିବା ସମୟରେ state level duty meet କମ୍ପିଟେସନରେ ତୃତୀୟ ସ୍ଥାନ ଅଧିକାର କରି ଆଡିସିନାଲ DGଙ୍କ ଠାରୁ ପୁରସ୍କୃତ ହୋଇଥିଲା ତାରା । ପୋଲିସ ବାହିନୀ ଯୋଗଦାନ କରିବା ପରେ ନବରଙ୍ଗପୁର ପୋଲିସର ଅନେକ ଜଟିଳ ମିଶନ ସହ ଅପରାଧୀଙ୍କ ବିଷୟରେ ସୁରାକ ଦେବା ପାଇଁ ସେ ସହଯୋଗ କରି ପୋଲିସ ପାଇଁ ଅନେକ ସଫଳତା ଆଣିଦେଇଥିଲା । ତାରା ନବରଙ୍ଗପୁର ପୋଲିସ ପାଇଁ ଏକ ବଡ ଟ୍ରମ୍ପ କାର୍ଡ ଥିଲା । ଯାହାପାଇଁ ପୋଲିସ ଅନେକ ସଫଳତା ପାଇ ଥିଲା, ତେବେ ତାରାର ଅତୁଳନୀୟ ଅବଦାନ କୁ ଭୁଲିପାରୁନି ପୋଲିସ ବିଭାଗ । ତାର ଅକାଳ ମୃତ୍ୟୁ ପରେ ତାରାକୁ ସମ୍ମାନ ଦେବା ପାଇଁ ନିଜେ ଏସପି ନିତିନ କୁଶଲକର ଉପସ୍ଥିତି ରହି ଶେଷ ଦର୍ଶନ କରିଥିଲେ।
ମେଷ: ଆପଣଙ୍କର କିଛି ନୂଆ କାମରେ ରୁଚି ବଢିବ । ଆଥିକ ସ୍ଥିତି ପୂର୍ବ ଅପେକ୍ଷା ସୁଦୃଢ ହେବ ।…
ଆସନ୍ତା ୨୦ ତାରିଖରେ ହେବ ବିଧାନସଭା ବାଚସ୍ପତି ନିର୍ବାଚନ। ୧୯ ତାରିଖରେ ବାଚସ୍ପତି ପଦ ପାଇଁ ନମାଙ୍କନ ଦାଖଲ ହେବ…
ଭୁବନେଶ୍ୱର (କେନ୍ୟୁଜ): ପ୍ରତିବର୍ଷ ପରି ଚଳିତ ବର୍ଷ ଟାଇମ୍ସ ହାଇଅର ଏଜୁକେସନ୍ ଇମ୍ପାକ୍ଟ (ସାମାଜିକ ପ୍ରଭାବ) ରାଙ୍କିଙ୍ଗ ପ୍ରକାଶ ପାଇଛି।…
କରଞ୍ଜିଆ : ମୟୁରଭଞ୍ଜ ଜିଲ୍ଲାର କରଞ୍ଜିଆ ଉପଖଣ୍ଡରେ ଅପରାହ୍ନରେ କିଛି କିଛି ସ୍ଥାନରେ ଘଡଘଡି ସହିତ ହାଲୁକା ବର୍ଷା ଲାଗି…
କଟକ (କେନ୍ୟୁଜ୍) : ଜୀବନ ବଞ୍ଚାଇ ଦେଲେ ରମେଶ। କଟକ ରେଳବାଇ ପୋଲିସ୍ କର୍ମଚାରୀଙ୍କ ସାହସିକତା ପାଇଁ ବଞ୍ଚି ଗଲା…
ଭୁବନେଶ୍ୱର: ଚାରିଆଡ଼େ ପରିବର୍ତ୍ତନର ସ୍ୱର । ଓଡ଼ିଶା ରାଜନୀତିରେ ହୋଇଛି ବଡ଼ ପରିବର୍ତ୍ତନ । ଦୀର୍ଘ ୨୪ ବର୍ଷ ଧରି…