କେନ୍ୟୁଜ୍(ବ୍ୟୁରୋ): ଭୁବନେଶ୍ବର ନନ୍ଦନବିହାରରେ ନିବାରଣ ପାଣିଙ୍କ ଘରକୁ ଲୁଟ୍ ହୋଇଥିବା ୨ କୋଟି ଟଙ୍କା କୁଆଡୁ ଆସିଥିଲା ? କାହିଁକି ଏତେ ଟଙ୍କା ଘରେ ରଖିଥିଲେ । ତଦନ୍ତ ଭିତରେ ପ୍ରଶ୍ନବାଚୀ ଉପରୁ ଧୀରେ ଧୀରେ ପରଦା ହଟୁଛି । ନିବାରଣ ପାଣି ଜଣେ ଅବସରପ୍ରାପ୍ତ ଅଧିକାରୀ । ତାଙ୍କ ସମ୍ପର୍କୀୟ ସ୍ପେଶାଲ କ୍ଲାସ ମାଇନିଂ ଠିକାଦାର ବୋଲି ଜଣାପଡିଛି। ଯୋଡ଼ା ଓ ବଡ଼ବିଲରେ କାମ କରନ୍ତି। ଦୁଇ କୋଟି ଟଙ୍କା ଆୟକର ଫାଙ୍କିବାକୁ ନିବାରଣଙ୍କ ଘରେ ଲୁଚାଇ ଥିଲେ।
ଟଙ୍କା ସମ୍ପର୍କରେ ଜାଣିଥିଲା ମୁଥ୍ୟ ଷଡ଼ଯନ୍ତ୍ରକାରୀ ଡ୍ରାଇଭର ବାଦଲ । ସେ ନିବାରଣଙ୍କ ପାଖରେ ପ୍ରଥମେ କାମ କରୁଥିଲା । ପରେ ତାଙ୍କ ସମ୍ପର୍କୀୟଙ୍କ ଡ୍ରାଇଭର ଥିଲା । ନିବାରଣଙ୍କ ଘରେ ଦୁଇ କୋଟି ଟଙ୍କା ଥିବା ଜାଣିବା ପରେ ଲୁଟ୍ ଚକ୍ରବ୍ୟୂହ ରଚିଥିଲା ବାଦଲ । ରେଙ୍ଗାଲି ଅଞ୍ଚଳର ସନାତନକୁ ଜଣାଇଥିଲା । ଏହାପରେ ଅନ୍ୟ ଅପରାଧୀଙ୍କୁ ଯୋଗାଯୋଗ କରିଥିଲା ସନାତନ । ଏହାପରେ ପ୍ଲାନ୍ ଅନୁସାରେ ଲୁଟ୍ କରିଥିଲେ ଦୁଇ କୋଟି ଟଙ୍କା ।
ଲୁଟ ଟଙ୍କାରେ ଅୟସ କରୁଥିଲେ ଅଭିଯୁକ୍ତ । ରେଙ୍ଗାଲିରେ ସନାର ଗ୍ୟାରେଜରେ ଟଙ୍କା ଭାଗ ବଣ୍ଟା କରିଥିଲେ। ସନା ସହ ଆଉ ୩ ଅଭିଯୁକ୍ତ ବାଦଲ, କାଳିଆ ଓ ହେମନ୍ତ ନେଇଥିଲେ ୩୫ ଲକ୍ଷ ଟଙ୍କା । ଲୁଟ ଟଙ୍କାରେ କୋଲକୋତାର ସୋନାର ବାଙ୍ଗଲା ପଞ୍ଚ ତାରକା ହୋଟେଲରେ ଅୟସ କରିଥିଲା ସନା । ସେହିପରି ମୁଖ୍ୟ ଷଡ଼ଯନ୍ତ୍ରକାରୀ ବାଦଲ ପ୍ରେମିକାକୁ ନେଇ ବୁଲିବାକୁ ଯାଇଥିଲା ବେଙ୍ଗାଳୁରୁ । ପରେ ସେ ଜାଗା ବଦଳାଇଥିଲା । ଘଟଣାସ୍ଥଳରୁ ପାଇଥିବା ସିମରୁ ଗୁମର ଫିଟାଇଥିଲା ସ୍ପେଶାଲ ସ୍କ୍ୱାଡ୍ । ଟଙ୍କାକୁ ନେଇ ମାଟି ତଳେ ଓ ଖଟ ତଳେ ଲୁଚାଇ ରଖିଥିଲେ। ବାଦଲକୁ ଧରିବା ପାଇଁ ସ୍ପେଶାଲ୍ ସ୍କ୍ୱାଡର ଦୁଇଟି ଟିମ ରାଜ୍ୟ ବାହାରେ ଡେରା ପକାଇଛନ୍ତି ।
୨ କୋଟି ଟଙ୍କା ଲୁଟ୍ ଘଟଣାରେ ୮ ଜଣ ଗିରଫ ହୋଇଛନ୍ତି । ଲୁଟ ପରେ ନିବାରଣ ପାଣି ଏତଲାରେ ୩ଲକ୍ଷ ଟଙ୍କା ଲୁଟ ହୋଇଥିବା ଉଲ୍ଲେଖ କରିଥିଲେ। କାହିଁକି ୨ କୋଟି ବଦଳରେ ୩ଲକ୍ଷ ଦର୍ଶାଇଥିଲେ ? ପରେ FIR ବଦଳାଇଥିଲେ କି ? ପୋଲିସର ପ୍ରେସ ରିଲିଜରେ ଦୁଇ କୋଟି ଉଲ୍ଲେଖ ରହିଛି। ଆୟକର ଫାଙ୍କିବାକୁ ହୋଇଥିଲା କି ଯୋଜନା ? ଆଗକୁ ଆୟକର ଓ ପ୍ରବର୍ତ୍ତନ ନିର୍ଦ୍ଦେଶାଳୟ ଖୋଳତାଡ କରିବେ ବୋଲି ସୂଚନା ମିଳିଛି ।
ପୁରୀ (କେନ୍ୟୁଜ): ପୁରୀ ନରେନ୍ଦ୍ର ପୁଷ୍କରିଣୀ ବାଣ ବିସ୍ପୋରଣ ମାମଲାରେ ଆଉ ୨ଜଣଙ୍କ ମୃତ୍ୟୁ । ଏଥିସହ ମୃତ୍ୟୁସଂଖ୍ୟା ୧୧କୁ…
ଝାଡ଼ଖଣ୍ଡ ଏବଂ ପଶ୍ଚିମବଙ୍ଗ ମଧ୍ୟରେ ଥିବା ରାଞ୍ଚି ରେଳ ବିଭାଗରେ ହୋଇଛି ବଡ଼ ଦୁର୍ଘଟଣା । ଏଠାରେ ଟ୍ରେନ୍ ଉପରେ…
ପଞ୍ଜାବ : ମୁହାଁମୁହିଁ ଧକ୍କା ହେଲା ୨ ମାଲବାହୀ ଟ୍ରେନ୍ । ପଞ୍ଜାବ ଫତେଗଡ଼ ସାହିବ ନିକଟ ମାଧେପୁର ଠାରେ…
ଜୟପୁର(କେନ୍ୟୁଜ୍): ଦିନ ଥିଲା ସର୍କସ ନା ଶୁଣିଲେ ମନରେ ଉତ୍ସାହ ଭରି ଉଠୁଥିଲା । ପିଲା ଠୁ ଟୋକା, ବୁଢା…
ଯାଜପୁର (କେନ୍ୟୁଜ): ଯାଜପୁର ଜିଲ୍ଲା ଧର୍ମଶାଳାରେ ନିର୍ବାଚନୀ ପରବର୍ତ୍ତୀ ହିଂସା । ସ୍ୱାଧୀନ ପ୍ରାର୍ଥୀ ସମର୍ଥକଙ୍କ ଲଙ୍କାକାଣ୍ଡ ଅଭିଯୋଗ । …
Realme ଏକ ବଜେଟ୍ ଫ୍ରେଣ୍ଡଲି ସ୍ମାର୍ଟଫୋନ୍ ଲଞ୍ଚ କରିଛି । Realmeର ଏହି ବଜେଟ୍ ସ୍ମାର୍ଟଫୋନ୍ ସି ସିରିଜରେ ଲଞ୍ଚ…