ଫୁଲବାଣୀ (କେ ନ୍ୟୁଜ୍) : କୌଣସି ସିନେମା କି ନାଟକର ଦୃଶ୍ୟ ନୁହେଁ । ଆଜି ମଧ୍ୟାହ୍ନରେ ଫୁଲବାଣୀ ସହର ଆମଲାପଡ଼ା ଠାରେ ଦେଖିବାକୁ ମିଳିଥିଲା ଏକ ଅଭାବନୀୟ ଦୃଶ୍ୟ । ଜଣେ ମଧ୍ୟବୟସ୍କ ମହିଳା ଏଠାରେ ଥିବା ଏକ ଟେଲିଫୋନ୍ ଟାଓ୍ଵାର ଉପରକୁ ଚଢ଼ିଗଲେ । ଆଉ ଓହ୍ଲାଇଲେ ନାହିଁ । କିଛି ସମୟ ପୂର୍ବରୁ ଏହି ଘଟଣା ଘଟିଲା ଏବଂ ଲୋକ ସେଠାରେ ଜମା ହୋଇଗଲେ । କାଳେ ଆତ୍ମହତ୍ୟା କରିବାକୁ ମହିଳା ଜଣକ ଏଭଳି କରିଥିବେ ସେ ସନ୍ଦେହ ବି ହେଲା ।
ଲୋକେ ଯେତେ ଡାକିଲେ ବି ସେ ଶୁଣିଲେ ନାହିଁ କି ତଳକୁ ଓହ୍ଲାଇଲେ ନାହିଁ । କେମିତି ମହିଳା ଜଣକୁ ଉଦ୍ଧାର କରାଯିବ ବୋଲି ଚର୍ଚ୍ଚା ଚାଲିଲା । କାହା ମୁଣ୍ଡକୁ କିଛି ବି ବୁଦ୍ଧି ଯୁଟିଲା ନାହିଁ । ଶେଷରେ ଅଗ୍ନିଶମ ବିଭଗକୁ ଖବର ଦିଆଗଲା । ଏହାର କର୍ମଚାରୀ ଆସି ଟାଓ୍ଵାର ଉପରେ ଅତି ସତର୍କତାର ସହ ଚଢ଼ି ମହିଳା ଜଣଙ୍କୁ କିଛି ସମୟ ପୂର୍ବରୁ ଉଦ୍ଧାର କରିଛନ୍ତି ।
ତେବେ ମହିଳା ଜଣକର ମସ୍ତିଷ୍କ ବିକୃତି ରହିଛି ଏବଂ ଅଜାଣରେ ସେ ଏହି ଟେଲିଫୋନ୍ ଟାଓ୍ଵାର ଉପରେ ଚଢ଼ି ଯାଇଥିଲେ ବୋଲି ଲୋକେ କହୁଛନ୍ତି । ଅବଶ୍ୟ ମହିଳା ଜଣକୁ ଟାଓ୍ଵାର ଉପରୁ ତଳକୁ ଆଣିବା ପାଇଁ ଅଗ୍ନିଶମ କର୍ମଚାରୀଙ୍କୁ ବେଶ୍ ପରିଶ୍ରମ କରିବାପୁ ପଡ଼ିଥିଲା । କାରଣ ଡର ଥିଲା କାଳେ ତାକୁ ଉଦ୍ଧାର କରିବାକୁ ଯିବା ବେଳେ ସେ ଡେଇଁ ପଡ଼ିବ । ଅବଶ୍ୟ ଏଭଳି କିଛି ଘଟିନଥିଲା ଓ ମହିଳାଜଣକ ସୁରକ୍ଷିତ ଭାବେ ତଳକୁ ଓହ୍ଲାଇଥିଲେ ।
ସମଗ୍ର ଦେଶରେ ଲୋକମାନେ ଦାବି କରୁଛନ୍ତି ଯେ ସେମାନଙ୍କର ଜିଓ ସେବା କାମ କରୁନାହିଁ । ସେମାନେ କହୁଛନ୍ତି ଯେ,…
କାକଟପୁର (କେନ୍ୟୁଜ): ପାଗଳ ବିଲୁଆ ଆତଙ୍କରେ ଥରହର ହେଉଛନ୍ତି ଗାଁ ଲୋକେ । ଅସ୍ତରଙ୍ଗ ନିକଟ ବେଗୁନିଆବସ୍ତ ଗାଁରେ ଏକ…
ଯାଜପୁର (କେନ୍ୟୁଜ) : ଚାଲିଛି ସଂଘର୍ଷପୂର୍ଣ୍ଣ ଲଢେଇ । କର ବା ମର ପରିସ୍ଥିତି । ଏପଟେ ଗ୍ୟାଲେରୀରେ ଦର୍ଶକଙ୍କ…
ଭୁବନେଶ୍ୱର : ପ୍ରଚଣ୍ଡ ଗୁଳୁଗୁଳି ପରେ ବଦଳିଲା ପାଗ । ରାଜଧାନୀରେ ବିଜୁଳି ଘଡ଼ଘଡ଼ି ସହ ବର୍ଷା । ଅସହ୍ୟ…
ବାବାଙ୍କ ଭକ୍ତିରେ ଲୀନ ଶ୍ରଦ୍ଧାଳୁ । ସମସ୍ତଙ୍କ ମୁହଁରେ ଗୋଟାଏ ଶଦ୍ଦ ବାବା.. ଭୋଲେନାଥ.. । ଦେବ ଦେବ ମହାଦେବଙ୍କୁ…
ଇରାନ୍ର ଉତ୍ତର ଭାଗରେ ଥିବା ଏକ ହସ୍ପିଟାଲରେ ଭୟାବହ ଅଗ୍ନିକାଣ୍ଡ ଘଟିଛି । ଏଥିରେ ୯ ଜଣ ରୋଗୀଙ୍କର ମୃତ୍ୟୁ…