ଏବେ ବି ଜାରି ରହିଛି ଯୁଦ୍ଧ। ଗତ ୨୧ ଦିନ ହେଲାଣି ରୁଷ୍ ଆକ୍ରମଣକୁ ସାମ୍ନା କରୁଛି ୟୁକ୍ରେନ୍। ୟୁକ୍ରେନ୍ର ଖେରସାନ୍ ସହରକୁ ରୁଷ୍ ଯବାନମାନେ ସମ୍ପୂର୍ଣ୍ଣ କବ୍ଜା କରିନେଇଛନ୍ତି। ଏଠାରେ ଫସିଥିବା ୩ ଜଣ ଭାରତୀୟ ନାଗରିକଙ୍କୁ ଉଦ୍ଧାର କରାଯାଇଛି। ରୁଷ୍ ଆର୍ମି ଏଠାରେ ଫସିଥିବା ଭାରତୀୟଙ୍କୁ ସିମ୍ଫରୋପୋଲ ଓ ମସ୍କୋ ରାସ୍ତାରେ ସୁରକ୍ଷିତ ଭାବେ ବାହାର କରିଛନ୍ତି। ୟୁକ୍ରେନ୍ ଯୁଦ୍ଧ କ୍ଷେତ୍ରରେ ରୁଷ୍ ସେନା ଭାରତୀୟଙ୍କୁ ବାହାରିବାରେ ସାହାଯ୍ୟ କରିବା ଏମିତି ମାମଲା ପ୍ରଥମ। ଯୁଦ୍ଧ ଭିତରେ ପ୍ରଥମ ଥର ପାଇଁ ପୂର୍ବ ସୀମା ଓ ରୁଷ୍ ରାସ୍ତାରେ ଭାରତୀୟମାନେ ବାହାରିଛନ୍ତି।
ମସ୍କୋସ୍ଥିତ ଭାରତୀୟ ଦୂତାବାସ ସିମ୍ଫରୋପୋଲ (କ୍ରିମିଆ) ଓ ମସ୍କୋ ରାସ୍ତାରେ ଏହି ୩ ଭାରତୀୟଙ୍କୁ ସୁରକ୍ଷିତ ଭାବେ ବାହାର କରାଯାଇଛି। ଏମାନଙ୍କ ମଧ୍ୟରୁ ଜଣେ ଛାତ୍ର ଓ ୨ ଜଣ ବିଜ୍ନେସ୍ମ୍ୟାନ୍।
ଦୂତାବାସର ଜଣେ ଅଧିକାରୀ କହିଛନ୍ତି, ଆମେ ସିମ୍ଫରୋପୋଲ ପାଇଁ ବସ୍ ବ୍ୟବସ୍ଥା କରିଥିଲୁ। ଏହା ପରେ ଟ୍ରେନ୍ରେ ୩ ଭାରତୀୟଙ୍କୁ ମସ୍କୋ ପର୍ଯ୍ୟନ୍ତ ଅଣାଯାଇଥିଲା। ତା’ ପରେ ମସ୍କୋରୁ ତାଙ୍କୁ ଭାରତ ପଠାଯାଇଛି। ଉଦ୍ଧାର ହୋଇଥିବା ୩ ଜଣଙ୍କ ମଧ୍ୟରୁ ଛାତ୍ରଙ୍କ ଘର ଚେନ୍ନାଇ ହୋଇଥିବା ୨ ବ୍ୟବସାୟୀ ଅହମ୍ମଦାବାଦର ବାସିନ୍ଦା।
ରୁଷ୍ ଓ ୟୁକ୍ରେନ୍ ମଧ୍ୟରେ ଯୁଦ୍ଧ ଆରମ୍ଭ ହେବା ପରେ ସେଠାରେ ହଜାର ହଜାର ଭାରତୀୟ ଫସିଯାଇଥିଲେ। ଭାରତ ସରକାର ଅପରେସନ୍ ଗଙ୍ଗା ମାଧ୍ୟମରେ ଏକାଧିକ ଥର ଅନେକ ଭାରତୀୟଙ୍କୁ ଉଦ୍ଧାର କରିଛନ୍ତି। ଏ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ୍ଙ୍କ ସହ କଥା ହୋଇ ୟୁକ୍ରେନ୍ରେ ଫସିଥିବା ଭାରତୀୟଙ୍କୁ ଉଦ୍ଧାର କରିବା ଦିଗରେ ଆଲୋଚନା କରିଥିଲେ। ପୁଟିନ୍ ସେତେବେଳେ ଭାରତୀୟଙ୍କୁ ସୁରକ୍ଷିତରେ ଉଦ୍ଧାର କରାଯିବ ବୋଲି ମୋଦିଙ୍କୁ ପ୍ରତିଶ୍ରୁତି ଦେଇଥିଲେ ଓ ଏବେ ନିଜ କଥା ରଖିଛନ୍ତି।
Also Read: ଧ୍ୟାନ ଦିଅନ୍ତୁ! ଆଜିଠୁ ୭ ଦିନ ଯାଏଁ ବନ୍ଦ ରହିବ ବ୍ୟାଙ୍କ, କରିପାରିବେନି କୌଣସି କାମ
ଭାରତର ଦକ୍ଷିଣ ରାଜ୍ୟ କେରଳର ନାଁ ବହୁତ ଜଲ୍ଦି ବଦଳିପାରେ । କେରଳ ବିଧାନସଭା ସୋମବାର ସର୍ବସମ୍ମତିକ୍ରମେ ଏକ ପ୍ରସ୍ତାବ…
ଭୁବନେଶ୍ୱର : ସୁଭଦ୍ରା ଯୋଜନାରେ ହେଉଥିବା ଗୁଜବକୁ ବିଶ୍ବାସ କରନ୍ତୁ ନାହିଁ । ଯୋଜନା ଉପରେ କୌଣସି ଭୁଲ ଖବର…
ତାଜ ମହଲ ଦେଖିବାକୁ ଆସି ଜୀବନ ମୃତ୍ୟୁ ସହ ସଂଘର୍ଷ କଲା କୁନି ଝିଅ । ବାପା ମା’ଙ୍କ ସହ…
ମାଲକାନଗିରି : ଉପାନ୍ତ ମାଲକାନଗିରି ଜିଲ୍ଲାରେ ଗରିବ ଆଦିବାସୀ ଲୋକଙ୍କ ଯାତାୟାତର ଏବଂ ଆର୍ଥିକ ଉର୍ଣ୍ଣତି ପାଇଁ ଗତ ରାଜ୍ୟ…
ବିମାନରେ ବସି ଯାତ୍ରା କରୁଥିଲେ ଯାତ୍ରୀ । ହେଲେ ହଠାତ୍ ଯାତ୍ରୀଙ୍କ ନାକରୁ ରକ୍ତ ବାହାରିବା ସହ କାନରେ ଯନ୍ତ୍ରଣା…
କଣ୍ଟାବାଞ୍ଜି: ଟଙ୍କା ନେଇ ଛୁ ମାରିଲେ, ହେଲେ ଚୁପ୍ ବସିଲେନି ଗାଁର ମହିଳାମାନେ । ସିଧା ଘରକୁ ଗଲେ ଆଉ…