କଥା ରଖିଲେ ପୁଟିନ୍: ୟୁକ୍ରେନ୍ରେ ଫସିଥିବା ୩ ଭାରତୀୟଙ୍କୁ ଉଦ୍ଧାର କଲା ରୁଷ୍ ସେନା
ଏବେ ବି ଜାରି ରହିଛି ଯୁଦ୍ଧ। ଗତ ୨୧ ଦିନ ହେଲାଣି ରୁଷ୍ ଆକ୍ରମଣକୁ ସାମ୍ନା କରୁଛି ୟୁକ୍ରେନ୍। ୟୁକ୍ରେନ୍ର ଖେରସାନ୍ ସହରକୁ ରୁଷ୍ ଯବାନମାନେ ସମ୍ପୂର୍ଣ୍ଣ କବ୍ଜା କରିନେଇଛନ୍ତି। ଏଠାରେ ଫସିଥିବା ୩ ଜଣ ଭାରତୀୟ ନାଗରିକଙ୍କୁ ଉଦ୍ଧାର କରାଯାଇଛି। ରୁଷ୍ ଆର୍ମି ଏଠାରେ ଫସିଥିବା ଭାରତୀୟଙ୍କୁ ସିମ୍ଫରୋପୋଲ ଓ ମସ୍କୋ ରାସ୍ତାରେ ସୁରକ୍ଷିତ ଭାବେ ବାହାର କରିଛନ୍ତି। ୟୁକ୍ରେନ୍ ଯୁଦ୍ଧ କ୍ଷେତ୍ରରେ ରୁଷ୍ ସେନା ଭାରତୀୟଙ୍କୁ ବାହାରିବାରେ ସାହାଯ୍ୟ କରିବା ଏମିତି ମାମଲା ପ୍ରଥମ। ଯୁଦ୍ଧ ଭିତରେ ପ୍ରଥମ ଥର ପାଇଁ ପୂର୍ବ ସୀମା ଓ ରୁଷ୍ ରାସ୍ତାରେ ଭାରତୀୟମାନେ ବାହାରିଛନ୍ତି।
ମସ୍କୋସ୍ଥିତ ଭାରତୀୟ ଦୂତାବାସ ସିମ୍ଫରୋପୋଲ (କ୍ରିମିଆ) ଓ ମସ୍କୋ ରାସ୍ତାରେ ଏହି ୩ ଭାରତୀୟଙ୍କୁ ସୁରକ୍ଷିତ ଭାବେ ବାହାର କରାଯାଇଛି। ଏମାନଙ୍କ ମଧ୍ୟରୁ ଜଣେ ଛାତ୍ର ଓ ୨ ଜଣ ବିଜ୍ନେସ୍ମ୍ୟାନ୍।
In a one-of-its-kind incident since invasion began, 3 #Indians stranded in the south Ukrainian city of Kherson have been evacuated with help from the #RussianArmy. The city was captured by Russian forces. pic.twitter.com/LAE6hLR631
— News Daily 24 (@nd24_news) March 16, 2022
ଦୂତାବାସର ଜଣେ ଅଧିକାରୀ କହିଛନ୍ତି, ଆମେ ସିମ୍ଫରୋପୋଲ ପାଇଁ ବସ୍ ବ୍ୟବସ୍ଥା କରିଥିଲୁ। ଏହା ପରେ ଟ୍ରେନ୍ରେ ୩ ଭାରତୀୟଙ୍କୁ ମସ୍କୋ ପର୍ଯ୍ୟନ୍ତ ଅଣାଯାଇଥିଲା। ତା’ ପରେ ମସ୍କୋରୁ ତାଙ୍କୁ ଭାରତ ପଠାଯାଇଛି। ଉଦ୍ଧାର ହୋଇଥିବା ୩ ଜଣଙ୍କ ମଧ୍ୟରୁ ଛାତ୍ରଙ୍କ ଘର ଚେନ୍ନାଇ ହୋଇଥିବା ୨ ବ୍ୟବସାୟୀ ଅହମ୍ମଦାବାଦର ବାସିନ୍ଦା।
ରୁଷ୍ ଓ ୟୁକ୍ରେନ୍ ମଧ୍ୟରେ ଯୁଦ୍ଧ ଆରମ୍ଭ ହେବା ପରେ ସେଠାରେ ହଜାର ହଜାର ଭାରତୀୟ ଫସିଯାଇଥିଲେ। ଭାରତ ସରକାର ଅପରେସନ୍ ଗଙ୍ଗା ମାଧ୍ୟମରେ ଏକାଧିକ ଥର ଅନେକ ଭାରତୀୟଙ୍କୁ ଉଦ୍ଧାର କରିଛନ୍ତି। ଏ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରୁଷ୍ ରାଷ୍ଟ୍ରପତି ଭ୍ଲାଦିମିର ପୁଟିନ୍ଙ୍କ ସହ କଥା ହୋଇ ୟୁକ୍ରେନ୍ରେ ଫସିଥିବା ଭାରତୀୟଙ୍କୁ ଉଦ୍ଧାର କରିବା ଦିଗରେ ଆଲୋଚନା କରିଥିଲେ। ପୁଟିନ୍ ସେତେବେଳେ ଭାରତୀୟଙ୍କୁ ସୁରକ୍ଷିତରେ ଉଦ୍ଧାର କରାଯିବ ବୋଲି ମୋଦିଙ୍କୁ ପ୍ରତିଶ୍ରୁତି ଦେଇଥିଲେ ଓ ଏବେ ନିଜ କଥା ରଖିଛନ୍ତି।
Also Read: ଧ୍ୟାନ ଦିଅନ୍ତୁ! ଆଜିଠୁ ୭ ଦିନ ଯାଏଁ ବନ୍ଦ ରହିବ ବ୍ୟାଙ୍କ, କରିପାରିବେନି କୌଣସି କାମ
