ରଜ କୁଇନ୍ ଅଡିସନ୍ ବଦଳରେ ମଶାଣିକୁ ଗଲେ ବିଷ୍ଣୁପ୍ରିୟା
ମୋ ଝିଅ ପାଠ ପଢିଥିଲା ଅନ୍ଧ ଆଖିର ସାହାରା ହେବ ବୋଲି l ଏମିତି କାନ୍ଦି କାନ୍ଦି ବାହୁନୁଥାଆନ୍ତି ମହିଳା ଜଣକ । କହୁଥାନ୍ତି, ଗୁରୁବାର ଦିନ ଛତୁ ତରକାରୀ ନେଇକି ଯାଇଥିଲା ଆଉ ଆଜି ତା ପାଇଁ କାନ୍ଦ ବୋବାଳି ପଡିଛି l ମୋ ଆଶା ବାଡ଼ି ହୋଇ ମୋ ଆଖି ଭଲ କରିଦେବ ବୋଲି କହିଥିଲା l ଚାଲି ଗଲା ସବୁ ଦିନ ପାଇଁ l
ମା’ ମୋ ପାଇଁ ଡ୍ରେସ୍ଟା ସିଲେଇ କରି ରଖିଥା । ମୁଁ ରଜ କୁଇନ୍ ଅଡିସନ୍ରେ ଯିବି । ଏକଥା କହିଥିଲା ଝିଅ ବିଷ୍ଣୁପ୍ରିୟା । ହେଲେ ଏବେ ସେହି ଝିଅ ପାଇଁ କାନ୍ଦି କାନ୍ଦି ଗଡ଼ି ଯାଉଛି ମା । ଆଉ କିଛି ସମୟ ପରେ ମୋ ଧନ ମାଟିରେ ମିଶିଯିବ l ଆଉ ଦେଖି ପାରିବିନି ମୋ ସୁନାଧନକୁ l କୁଆଡେ ଗଲୁ ମୋ ଫୁଲେଇ l ସେ ରାକ୍ଷାସୁଣୀ ମୋ ଝିଅକୁ ନେଇ ମାରିଦେଲା l ମୋ ଝିଅ ପାଠ ପଢିଥିଲା ଅନ୍ଧ ଆଖିର ସାହାରା ହେବ ବୋଲି l ଏମିତି କାନ୍ଦି କାନ୍ଦି ବାହୁନୁଥାଆନ୍ତି ମହିଳା ଜଣକ । କହୁଥାନ୍ତି, ଗୁରୁବାର ଦିନ ଛତୁ ତରକାରୀ ନେଇକି ଯାଇଥିଲା ଆଉ ଆଜି ତା ପାଇଁ କାନ୍ଦ ବୋବାଳି ପଡିଛି l ମୋ ଆଶା ବାଡ଼ି ହୋଇ ମୋ ଆଖି ଭଲ କରିଦେବ ବୋଲି କହିଥିଲା l ଚାଲି ଗଲା ସବୁ ଦିନ ପାଇଁ l ବାଇଶି ବର୍ଷ ଧରି ବଢ଼େଇ କୁଢେଇ ସେହ୍ନ ମମତା ଦେଇ ବଡ଼ କରିଥିଲି । ଏ ମା କଥା କଣ ମନେ ପଡିଲାନି ମୋ ଫୁଲେଇ । ତୁ ପର କରି ଚାଲିଗଲୁ ? ଏମିତି ଭୂଇଁ ଦରାଣ୍ଡି ବାହୁନି ବାହୁନି କାନ୍ଦୁଥିଲା ମା’ଟିଏ l ନିରିମାଖି ଝିଅର ସବୁ କଥା ମନେ ପକାଇ ଆଖି ଲୁହ ପୋଛି ପକାଉଥିଲେ ପାଖରେ ବସିଥିବା ଭାଉଜ l ସବୁ ଦିନ ପାଇଁ ମା ଆଖିରେ ଲୁହ ଦେଇ ଗଲା ଫୁଲେଇ l
ହେଲେ ଏଇ ଫୁଲେଇ ଝିଅଟି ଅକାଳରେ କାହିଁକି ଚାଲିଗଲା ଏମିତି ? କଣ ହୋଇଥିଲା ଯେ ଜୀବନ ହାରିଦେଲା, ଚାଲନ୍ତୁ ଜାଣିବା ।ଯୁବତୀଙ୍କ ନାମ ବିଷ୍ଣୁପ୍ରିୟା ରାଉତ l ବିଷ୍ଣୁପ୍ରିୟାଙ୍କ ଜୀବନ କାହାଣୀ କିଛି ଏମିତି ଥିଲା l ଭୁବନେଶ୍ୱର ଫାୟାର ଷ୍ଟେସନ କଲୋନୀ ନିକଟ ବସ୍ତିରେ ବାପା ମା’ଙ୍କ ସହିତ ରହୁଥିଲେ l ଭଲ ପାଠ ସାଙ୍ଗକୁ ନାଚ ଗୀତରେ ଵି ରୁଚି ରଖିଥିଲେ l ଥରେ ଦୁଇ ଥର ରିୟଲିଟି ସୋ’ରେ ଭାଗ ନେଇଥିଲେ l ଆଗକୁ ଅନ୍ୟ ସୋ’ରେପ୍ରସ୍ତୁତ ହେଉଥିଲେ ବିଷ୍ଣୁପ୍ରିୟା l ଭାରୀ ସୁନ୍ଦରୀ ଝିଅଟିଏ । ଗେହ୍ଲି ଥିବାରୁ ମା ତା ନାଁ ଦେଇଥିଲେ ଫୁଲେଇ । ଗ୍ରାଜୁଏସନ ପରେ ଏକ ଘରୋଇ କମ୍ପାନୀରେ ଚାକିରି ମଧ୍ୟ କରିଥିଲେ । ଅଳ୍ପ କେଇ ମାସ ହେବ ବିଏମସିରେ ସୁପରଭାଇଜର ଭାବେ ଚାକିରି ପାଇଥିଲେ ବୋଲି ଘର ଲୋକ କୁହନ୍ତି । ମା’ ବାପାଙ୍କ ଏକପ୍ରକାର ରୋଜଗାରର ସାହାରା ପାଲଟି ଯାଇଥିଲେ ଝିଅ ବିଷ୍ଣୁପ୍ରିୟା l ତେବେ ପରିବାର ଲୋକଙ୍କ ଅଭିଯୋଗ ହେଉଛି, କିଛି ମାସ ତଳେ ଜଣେ ଯୁବତୀ ସହିତ ବିଷ୍ଣୁପ୍ରିୟାର ବନ୍ଧୁତା ବଢିଥିଲା l ସେ ଘର ଲୋକଙ୍କ ଠାରୁ ଦୂରେଇ ଭରତପୁରରେ ଭଡା ନେଇ ରହୁଥିଲେ ସେହି ଝିଅ ସହ । ଗୁରୁବାର ଦିନ ଘରକୁ ଅସିଥିଲେ । ହେଲେ ସେହି ବାନ୍ଧବୀ ଜଣକ ଡାକିବାରୁ ପୁଣି ଚାଲିଗଲେ । ତାପର ଦିନ ଫୋନ କରି ସେହି ଯୁବତୀ ବନ୍ଧୁ କହିଲେ କି ବିଷ୍ଣୁ ପ୍ରିୟା ଜୀବନ ହାରି ଦେଇଛି l
ଘର ଲୋକେ ଯାଇ ଦେଖିଲେ । ପୋଲିସ ଗଲା ପରେ ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲ ଆସିଲା l କିନ୍ତୁ ପରିବାର ଲୋକେ ଝିଅର ମରଣକୁ ସହଜରେ ଗ୍ରହଣ କରି ପାରିନଥିଲେ l ତେଣୁ ବିଷ୍ଣୁପ୍ରିୟାର ଜୀବନ ହାରିବାକୁ ନେଇ ପରିବାର ଲୋକ ଅଭିଯୋଗ ଆଣିଲେ ଯୁବତୀ ବନ୍ଧୁଙ୍କ ନାଁରେ l ଭରତପୁର ଥାନାରେ ଏତଲା ଦେଲେ l ପୋଲିସ ଏତଲାକୁ ଆଧାର କରି ଏକ ଅପମୃତ୍ୟୁ ମାମଲା ରୁକୁ କରିଛି । ଵିଭିନ୍ନ ଦିଗରୁ ତଦନ୍ତ କରୁଛି l ଏପଟେ ବିଷ୍ଣୁପ୍ରିୟାଙ୍କ ସେହି ଯୁବତୀ ବନ୍ଧୁ ଜଣକ ଫେରାର ହୋଇ ଯାଇଛନ୍ତି l ସେହିଁ ଧରାପଡ଼ିଲେ ଜଣାପଡ଼ିବ ବିଷ୍ଣୁପ୍ରିୟାଙ୍କ ଜୀବନ ହରିବାର ପ୍ରକୃତ ରହସ୍ୟ ।
