Image Credit: Twitter
ବେଙ୍ଗାଲୁରୁ: କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ୬ ସ୍କୁଲକୁ ବୋମାରେ ଉଡ଼ାଇ ଦେବାକୁ ମିଳିଛି ଧମକ। ଏହି ଧମକ ଇମେଲ ଜରିଆରେ ଦିଆଯାଇଛି। ଏଥିରେ କୁହାଯାଇଛି ଯେ ସ୍କୁଲରେ ବେଶ୍ ଶକ୍ତିଶାଳୀ ବମ୍ ଲଗାଯାଇଛି। ଏହି ଧମକପୂର୍ଣ୍ଣ ମେଲ୍ ମିଳିବା ପରେ ସ୍କୁଲକୁ ଖାଲି କରି ଦିଆଯାଇଛି। ବମ୍ ସ୍କ୍ଵାର୍ଡ ଓ ସ୍ଥାନୀୟ ପୋଲିସ ସନ୍ଦିଗ୍ଧ ବମ୍କୁ ଖୋଜିବାରେ ଲାଗିପଡ଼ିଛନ୍ତି। ପୋଲିସ କମିଶନର କମଲ ପନ୍ତ କହିଛନ୍ତି, ପୂରା ତଦନ୍ତ ପରେ ହିଁ ସତ୍ୟାସତ୍ୟ ଜଣାପଡ଼ିବ।
ଯେଉଁ ସବୁ ସ୍କୁଲକୁ ଧମକ ମିଳିଛି ସେଗୁଡ଼ିକ ହେଉଛି- ବେଙ୍ଗାଲୁରୁ ଇଷ୍ଟରେ ଥିବା ଡିପିଏସ୍, ମହାଦେବପୁରାର ଗୋପାଳନ ଇଣ୍ଟରନ୍ୟାସନାଲ ସ୍କୁଲ, ମରାଠାହଲ୍ଲୀର ନ୍ୟୁ ଏକାଡେମୀ ସ୍କୁଲ, ଗୋବିନ୍ଦପୁରାର ଇଣ୍ଡିଆନ୍ ପବ୍ଲିକ ସ୍କୁଲ, ହେନ୍ନୁରର ସେଣ୍ଟ ଓ୍ଵିଂସେଣ୍ଟ ପଲ୍ ସ୍କୁଲ ଓ ଆଭେଞ୍ଜର ଇଣ୍ଟରନ୍ୟାସନାଲ ସ୍କୁଲ।
ପୋଲିସ ମୁତାବକ, ସ୍କୁଲରେ ବମ୍ ଥିବା ନେଇ ଧମକ ଶୁକ୍ରବାର ସକାଳ ୧୦.୧୫ରୁ ୧୧ଟା ମଧ୍ୟରେ ପଠାଯାଇଛି। ଇ-ମେଲ୍ ଅଲଗା ଅଲଗା ଆଇଡିରୁ ପଠାଯାଇଛି। ଧମକପୂର୍ଣ୍ଣ ମେଲ୍ରେ ଲେଖାଯାଇଛି-ଆପଣଙ୍କ ସ୍କୁଲରେ ଏକ ଶକ୍ତିଶାଳୀ ବମ୍ ଲଗାଯାଇଛି। ଧ୍ୟାନ ରଖନ୍ତୁ। ଆମେ ମଜାକରୁନୁ। ବହୁତ ଶକ୍ତିଶାଳୀ ବମ୍ ଅଛି ସ୍କୁଲରେ। ତୁରନ୍ତ ପୋଲିସକୁ ଡାକନ୍ତୁ। ଶହ ଶହ ଜୀବନ ପ୍ରଭାବିତ ହୋଇପାରେ। ଯେଉଁଥିରେ ଆପଣଙ୍କ ଜୀବନ ବି ରହିଛି। ଡେରି କରନ୍ତୁ ନାହିଁ। ଏବେ ସବୁ କିଛି ଆପଣଙ୍କ ହାତରେ।
ଧମକ ମିଳିବା ପରେ ସ୍କୁଲକୁ ତୁରନ୍ତ ଖାଲି କରି ଦିଆଯାଇଛି। ପିଲାଙ୍କ ସମେତ ଶିକ୍ଷକ ଶିକ୍ଷୟିତ୍ରୀ ଓ ସମସ୍ତ ଷ୍ଟାଫ୍ଙ୍କୁ ସ୍କୁଲ ଛାଡ଼ିବାକୁ ନିର୍ଦ୍ଦେଶ ଦିଆଯାଇଛି। ଅଭିଭାବକଙ୍କୁ ସ୍କୁଲ ଆସି ପିଲାଙ୍କୁ ନେଇ ଯିବାକୁ ସ୍କୁଲ କର୍ତ୍ତୃପକ୍ଷ ଅନୁରୋଧ କରିଛନ୍ତି।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…