ଅବକାରୀ ନୀତି ଦୁର୍ନୀତି ସହ ଜଡ଼ିତ ମନି ଲଣ୍ଡରିଂ ମାମଲାରେ ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟରୁ ବିଆର୍ଏସ୍ ନେତା କେ. କବିତାଙ୍କୁ ବଡ଼ ଝଟ୍କା ମିଳିଛି । କୋର୍ଟ ଆଜି ତେଲେଙ୍ଗାନାର ପୂର୍ବତନ ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓଙ୍କ ଝିଅ କେ. କବିତାଙ୍କ ନ୍ୟାୟିକ ହେପାଜତକୁ ଏପ୍ରିଲ ୨୩ ପର୍ଯ୍ୟନ୍ତ ବଢ଼ାଇ ଦେଇଛନ୍ତି ।
କୋର୍ଟରେ ହାଜର ସମୟରେ କେ. କବିତା କହିଥିଲେ ଯେ ‘ଏହା ସମ୍ପୂର୍ଣ୍ଣ ରୂପେ ବୟାନ ଉପରେ ଆଧାରିତ ମାମଲା । ଏହା ଏକ ରାଜନୈତିକ ମାମଲା । ଏହା ବିରୋଧୀ ଦଳକୁ ଟାର୍ଗେଟ କରିବାର ମାମଲା । ଏହି ମାମଲାରେ ସିବିଆଇ ପୂର୍ବରୁ ହିଁ ଜେଲରେ ମୋର ବୟାନ ରେକର୍ଡ କରିସାରିଛି’ ।
ଏହାପୂର୍ବରୁ ଗତକାଲି କୋର୍ଟ କବିତାଙ୍କ ମଧ୍ୟବର୍ତ୍ତୀକାଳୀନ ଜାମିନ ଆବେଦନକୁ ପ୍ରତ୍ୟାଖ୍ୟାନ କରିଥିଲେ । ରାଉସ୍ ଆଭେନ୍ୟୁ କୋର୍ଟଙ୍କ ସ୍ୱତନ୍ତ୍ର ଜଜ୍ କାଭେରୀ ବାୱେଜା କବିତାଙ୍କ ଆବେଦନ ଖାରଜ କରି କହିଥିଲେ ଯେ ତାଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିବା ପାଇଁ ଏହା ଠିକ୍ ସମୟ ନୁହେଁ ।
କବିତା ମଧ୍ୟବର୍ତ୍ତୀକାଳୀନ ଜାମିନ ପାଇଁ କୋର୍ଟଙ୍କ ଦ୍ୱାରସ୍ଥ ହୋଇଥିଲେ । ସେ କହିଥିଲେ ଯେ ତାଙ୍କ ୧୬ ବର୍ଷ ପୁଅର ପରୀକ୍ଷା ଅଛି ଏବଂ ତାଙ୍କୁ ମା’ର ନୈତିକ ଏବଂ ଭାବନାତ୍ମକ ସମର୍ଥନର ଆବଶ୍ୟକତା ରହିଛି ।
ଶୁଣାଣି ସମୟରେ କେ. କବିତାଙ୍କ ତରଫରୁ ହାଜର ବରିଷ୍ଠ ଓକିଲ ଅଭିଷେକ ମନୁ ସିଂଭି PMLAର ଧାରା ୪୫ ଏବଂ ଏକ ବ୍ୟବସ୍ଥା ବିଷୟରେ ଉଲ୍ଲେଖ କରିଥିଲେ, ଯାହା ମହିଳାମାନଙ୍କୁ ବ୍ୟତିକ୍ରମ ପ୍ରଦାନ କରିଥାଏ । ସିଂଭି ତାଙ୍କ ଯୁକ୍ତିରେ କହିଥିଲେ ଯେ ‘ଏମିତି ନୁହେଁ କି ପିଲା କୋଳରେ ଅଛି କିମ୍ବା ଛୋଟ ଅଛି, ସେ ୧୬ ବର୍ଷ ବୟସର । କିନ୍ତୁ ଏଠାରେ ପ୍ରସଙ୍ଗ ଅଲଗା । ଏହା ଜଣେ ମା’ର ନିଜ ସନ୍ତାନ ପାଇଁ ନୈତିକ ଏବଂ ଭାବନାତ୍ମକ ସମର୍ଥନର ପ୍ରସଙ୍ଗ । ତାଙ୍କୁ (କେ. କବିତାଙ୍କ ଗିରଫଦାରୀରୁ ତାଙ୍କ ପୁଅକୁ ଲାଗିଥିବା ଆଘାତ) ପୂର୍ବରୁ ହିଁ ଆଘାତ ଲାଗିସାରିଛି’ ।
ଇଡି ଏହି ଯୁକ୍ତିକୁ ବିରୋଧ କରି ଦାବି କରିଥିଲା ଯେ ଏହି ମାମଲାରେ କବିତା ପ୍ରମାଣ ନଷ୍ଟ କରିଛନ୍ତି ଏବଂ ସାକ୍ଷୀଙ୍କୁ ପ୍ରଭାବିତ କରିଛନ୍ତି । କହି ରଖୁଛୁ ଯେ ୨୦୨୪ ମାର୍ଚ୍ଚ ୧୫ରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) କେ. କବିତାଙ୍କୁ ଗିରଫ କରିଥିଲା । ବର୍ତ୍ତମାନ ସେ ତିହାର ଜେଲରେ ଅଛନ୍ତି ।
ଭୁବନେଶ୍ୱର(କେନ୍ୟୁଜ୍) : ରାଜ୍ୟରେ ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ ପାଇଁ ଶାନ୍ତିଶୃଙ୍ଖଳାର ସହ ଚାଲିଛି ଭୋଟଗ୍ରହଣ । ଦିନ…
ଝାଡ଼ଖଣ୍ଡର ଧନବାଦରେ ଏକ ମାଛ ବୋଝେଇ ଗାଡ଼ି ଦୁର୍ଘଟଣାର ଶିକାର ହୋଇଛି । ଏଠାରେ ରାସ୍ତାରେ ଯାଉଥିବା ବେଳେ ଗାଡ଼ିଟି…
ଭୁବନେଶ୍ୱର(କେନ୍ୟୁଜ୍) : ପ୍ରବଳ ଖରାକୁ ଦୃଷ୍ଟିରେ ରଖି ରାଜ୍ୟବାସୀଙ୍କୁ ସତର୍କ କଲେ ମୁଖ୍ୟ ସଚିବ ପ୍ରଦୀପ ଜେନା । ଗତ…
ମହାନତା ଦେଖାଇଲେ ଶିକ୍ଷୟତ୍ରୀ । ସ୍ୱାମୀଙ୍କ ଶ୍ରାଦ୍ଧ ବାର୍ଷିକ ଅବସରରେ ମେଧାବୀ ଛାତ୍ର ଛାତ୍ରୀଙ୍କୁ ଆର୍ଥିକ ସହାୟତା ରାଶି ପ୍ରଦାନ…
ଭୁବନେଶ୍ୱର (କେନ୍ୟୁଜ୍): ରାଜ୍ୟର ବିଭିନ୍ନ ଜିଲ୍ଲାରେ ଅସ୍ୱାଭାବିକ ମୃତ୍ୟକୁ ନେଇ ସ୍ୱାସ୍ଥ୍ୟ ନିର୍ଦ୍ଦେଶକଙ୍କ ପ୍ରତିକ୍ରିୟା । ମୃତ୍ୟୁର କାରଣ ଜାଣିବାକୁ…
କାକଟପୁର(କେନ୍ୟୁଜ୍): ଆଜି ଶେଷ ପର୍ଯ୍ୟାୟରେ କାକଟପୁର ନିର୍ବାଚନ ମଣ୍ଡଳୀରେ ୨୮୦ଟି ବୁଥରେ ଭୋଟ ଗ୍ରହଣ କାର୍ଯ୍ୟ ଚାଲୁରହିଛି । ଏହି…