photo : rediff.com
ନୂଆଦିଲ୍ଲୀ : ଇଣ୍ଡୋନେସିଆରୁ ମସ୍କୋ ଉପରେ ପକାଇଲେ ଚାପ। ଯୁଦ୍ଧକୁ ଅଧିକାଂଶ G 20 ନେତାଙ୍କ ନିନ୍ଦା । ଘୋଷଣାନାମା ପାଇଁ ପ୍ରସ୍ତୁତ ହୋଇଛି ଚିଠା । ମାନବ ସଭ୍ୟତା ପାଇଁ ୟୁକ୍ରେନ୍ ଯୁଦ୍ଧ ଯନ୍ତ୍ରଣାଦାୟକ ହୋଇଥିବା ଏଥିରେ ଉଲ୍ଲେଖ କରାଯାଇଛି । ଆନ୍ତର୍ଜାତିକ ଅର୍ଥନୀତିକୁ ଯୁଦ୍ଧ ଦୁର୍ବଳ କରି ଦେଇଥିବା ଘୋଷଣାନାମାରେ କୁହାଯାଇଛି । କଡ଼ା ଭାଷାରେ ଯୁଦ୍ଧକୁ ନିନ୍ଦା କରିଛନ୍ତି ଜି ୨୦ ରାଷ୍ଟ୍ର ନେତା। ରୁଷ୍ର ଆକ୍ରମଣକୁ ବର୍ବର ଓ ନୃଶଂସ ବୋଲି କହିଛନ୍ତି ବ୍ରିଟେନ୍ ପ୍ରଧାନମନ୍ତ୍ରୀ ଋଷି ସୁନକ ।
ୟୁକ୍ରେନରୁ ରୁଷ୍ ଗେଟ୍ ଆଉଟ ହେବା ଆବଶ୍ୟକ ବୋଲି ଲାଭରୋଭଙ୍କୁ ସିଧାସଳଖ ଇଙ୍ଗିତ କରି କହିଥିଲେ ବ୍ରିଟେନ୍ ପ୍ରଧାନମନ୍ତ୍ରୀ । ମସ୍କୋକୁ ବାର୍ତ୍ତା ଦେଇଥିଲେ ଯେ ରୁଷ୍ର ଦମନଲୀଳାକୁ ବରଦାସ୍ତ କରାଯିବ ନାହିଁ । ଭିଡିଓ କନ୍ଫରେନ୍ସିଂ ମାଧ୍ୟମରେ ଜି୨୦ ସମ୍ମିଳନୀରେ ସାମିଲ ହୋଇଥିଲେ ୟୁକ୍ରେନ୍ ରାଷ୍ଟ୍ରପତି ଭୋଲଦମିର ଜେଲେନ୍ସ୍କି। ରୁଷ୍ର ବିଧ୍ୱଂସକାରୀ ଯୁଦ୍ଧର ଅନ୍ତ କରିବାକୁ ସେ ଆହ୍ଵାନ ଦେଇଛନ୍ତି । ଏଥିସହ ଶାନ୍ତି ପାଇଁ ୧୦ ସୂତ୍ରୀ ଯୋଜନା ଉପସ୍ଥାପନା କରିଛନ୍ତି ।
ପୂର୍ବରୁ ରୁଷ୍ ଦୁଇ ଦୁଇ ଥର ଚୁକ୍ତି ଉଲଂଘନ କରିଥିବା ଦର୍ଶାଇଥିଲେ ଜେଲେନ୍ସ୍କି। ଅନ୍ୟ ରାଷ୍ଟ୍ରନେତାମାନେ ମଧ୍ୟ ଯୁଦ୍ଧ ଶେଷ ହେବା ଉପରେ ଗୁରୁତ୍ୱ ଦେଇଥିଲେ। ମୋଦି କହିଥିଲେ ଯୁଦ୍ଧ ବନ୍ଦ ଏବଂ ଆଲୋଚନା ପାଇଁ ବାଟ ବାହାର କରିବାକୁ ହେବ । ଦ୍ୱିତୀୟ ବିଶ୍ୱଯୁଦ୍ଧ ପୃଥିବୀରେ ବିପର୍ଯ୍ୟୟ ସୃଷ୍ଟି କରିଥିଲା। ସେହି ଯୁଦ୍ଧ ପରେ ବିଶ୍ୱର ସବୁ ନେତା ଶାନ୍ତିର ରାସ୍ତା ପାଇଁ ପ୍ରୟାସ କରିଥିଲେ । ଏବେ ଆମ ପାଳି ବୋଲି କହିଛନ୍ତି ମୋଦି । ହେଲେ ସମ୍ମିଳନୀରେ ଅନୁପସ୍ଥିତ ରହିଛନ୍ତି ପୁଟିନ୍ । ପଠାଇଥିଲେ ବୈଦେଶିକ ମନ୍ତ୍ରୀ ସର୍ଗେଇ ଲାଭରୋଭଙ୍କୁ ପ୍ରତିନିଧି କରି ।
ଚୀନ୍ ରାଷ୍ଟ୍ରପତି ସି ଜିନପିଙ୍ଗ ଓ ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନ ପରସ୍ପରକୁ ଭେଟି ଆଣବିକ ଯୁଦ୍ଧ ପ୍ରସଙ୍ଗରେ ଆଲୋଚନା କରିଥିଲେ । ଆଣବିକ ଅସ୍ତ୍ର ବ୍ୟବହାରକୁ ରୋକିବା ଦିଗରେ ଦୁଇ ରାଷ୍ଟ୍ରର ବଦ୍ଧପରିକରତାକୁ ଦୋହରାଇଛନ୍ତି ଉଭୟ ନେତା । ସମ୍ମିଳନୀ ଅବସରରେ ପରସ୍ପରକୁ ଭେଟିଛନ୍ତି ସବୁ ନେତା। ସୋମବାର ସମ୍ମିଳନୀ ଆରମ୍ଭ ପୂର୍ବରୁ ବାଇଡେନ୍ -ଜିନପିଙ୍ଗ ଆଲୋଚନା ହୋଇଥିଲା। ଆଣବିକ ଯୁଦ୍ଧକୁ ଜିନପିଙ୍ଗ ଓ ବାଇଡେନ ବିରୋଧ କରିଛନ୍ତି । ଆଣବିକ ଯୁଦ୍ଧ ହେବା ଉଚିତ ନୁହେଁ ବୋଲି ଦୁଇ ରାଷ୍ଟ୍ର ନେତା ସହମତି ପ୍ରକାଶ କରିଛନ୍ତି ।
ଭୁବନେଶ୍ୱର(କେନ୍ୟୁଜ୍): ଟ୍ରେନ ଦୁର୍ଘଟଣାରେ ପ୍ରାଣ ହରାଇଥିବା ବ୍ୟକ୍ତି ମାନଙ୍କ ପାଇଁ ମୁଖ୍ୟମନ୍ତ୍ରୀଙ୍କ ଶୋକ । ପଶ୍ଚିମବଙ୍ଗର ନୂଆ ଜଲ୍ ପାଇଗୁଡ଼ି…
ଟିମ୍ ଇଣ୍ଡିଆର ପୂର୍ବତନ କ୍ରିକେଟର ଗୌତମ ଗମ୍ଭୀର ବର୍ତ୍ତମାନ ଚର୍ଚ୍ଚାରେ । ଗମ୍ଭୀରଙ୍କ ମେଣ୍ଟରଶିପ୍ରେ କୋଲକାତା ନାଇଟ୍ ରାଇଡର୍ସ (KKR)…
ଭୁବନେଶ୍ୱର(କେନ୍ୟୁଜ୍): ପାରିବାରିକ ମାସିକ ପତ୍ରିକା କାଦମ୍ବିନୀ ପକ୍ଷରୁ ପାଳିତ ହୋଇଯାଇଛି ଆର୍ଟ ଅଫ୍ ଗିଭିଂ ଦିବସ। ଭୁବନେଶ୍ବର ଭରତପୁର ବସ୍ତିରେ…
ପ୍ରତିଦିନ ବୈଜ୍ଞାନିକମାନେ ପୃଥିବୀରେ ନୂତନ ଅନୁସନ୍ଧାନ ଜାରି ରଖିଛନ୍ତି, ଯାହା ମାଧ୍ୟମରେ ଆମେ ଏହାର ଅନନ୍ୟ ରହସ୍ୟ ବିଷୟରେ ନୂଆ…
ଜାପାନରେ ଏକ ମାରାତ୍ମକ ରୋଗ ଦ୍ରୁତ ଗତିରେ ବ୍ୟାପିବାରେ ଲାଗିଛି । ଏହି ରୋଗ ବ୍ୟାକ୍ଟେରିଆ ଯୋଗୁ ହୋଇଥାଏ ।…
ଇଣ୍ଡିଆନ କୋଷ୍ଟ ଗାର୍ଡ ତରଫରୁ ଭର୍ତ୍ତି ପାଇଁ ନୋଟିଫିକେସନ ଜାରି ହୋଇଛି । ଏଠାରେ ବମ୍ପର ପଦବୀରେ ଭର୍ତ୍ତି ହେଉଛି…