ଅର୍ଥମନ୍ତ୍ରୀ ନିର୍ମଳା ସୀତାରମଣ ମଙ୍ଗଳବାର ସଂସଦରେ ସାଧାରଣ ବଜେଟ୍ ଉପସ୍ଥାପନ କରିଛନ୍ତି। ଲଗାତାର ଦ୍ୱିତୀୟ ଥର ପାଇଁ ଉପସ୍ଥାପିତ ହୋଇଥିବା ପେପରଲେସ୍ ବଜେଟରେ ଅର୍ଥମନ୍ତ୍ରୀ ବିଭିନ୍ନ କ୍ଷେତ୍ରରେ ଆର୍ଥିକ ଆବଣ୍ଟନ କରିଛନ୍ତି। ଆୟକର ମାମଲାରେ ବେତନପ୍ରାପ୍ତ ବର୍ଗକୁ କୌଣସି ଆରାମ ମିଳି ନାହିଁ। ଯଦିଓ ଏହି ସମୟରେ ସୀତାରମଣ ଅର୍ଥବ୍ୟବସ୍ଥାକୁ ସୁଦୃଢ଼ କରିବା ପାଇଁ ଅନେକ ବଡ଼ ଘୋଷଣା କରିଛନ୍ତି।
ଅର୍ଥମନ୍ତ୍ରୀ ସକାଳ ୧୧ଟାରେ ଲୋକସଭାରେ ନିଜର ବଜେଟ୍ ଭାଷଣ ଆରମ୍ଭ କରିଥିଲେ। ବଜେଟ୍ ଭାଷଣକୁ ସେ ଦ୍ୱିପ୍ରହର ପାଖାପାଖି ୧୨ଟା ୩୨ ମିନିଟ୍ରେ ପୂରା କରି ଦେଇଥିଲେ। ଅର୍ଥାତ୍ ଏହାର ମୋଟ ସମୟ ରହିଛି ୧ ଘଣ୍ଟା ୩୨ ମିନିଟ୍। ଏହା ନିର୍ମଳା ସୀତାରମଣଙ୍କର ଚତୁର୍ଥ ବଜେଟ୍। ପୂର୍ବ ବର୍ଷଗୁଡିକରେ ତାଙ୍କ ବଜେଟ୍ ଭାଷଣ ଏହାଠାରୁ ଅଧିକ ଲମ୍ବା ରହିଥିଲା। ଏମିତିରେ ଏହା ହେଉଛି ତାଙ୍କର ସବୁଠାରୁ ଛୋଟ ବଜେଟ୍ ଭାଷଣ।
ଆଜି ପର୍ଯ୍ୟନ୍ତ ନିର୍ମଳା ସୀତାରମଣଙ୍କର ପରିଚୟ ଲମ୍ବା ବଜେଟ୍ ଭାଷଣ ପାଇଁ ରହିଛି। ୨୦୧୯ରେ ନିଜର ପ୍ରଥମ ବଜେଟ୍ ଭାଷଣ ୨ ଘଣ୍ଟା ୧୫ ମିନିଟ୍ ଧରି ପଢ଼ିଥିଲେ। ଏହାପରେ ୨୦୨୦ରେ ସେ ୨୦୧୯ ବଜେଟ୍ ଭାଷଣର ରେକର୍ଡ ଭାଙ୍ଗିଥିଲେ। ୨୦୨୦ରେ ପୂରା ବଜେଟ୍ ଭାଷଣ ପଢ଼ିବାରେ ତାଙ୍କୁ ୨ ଘଣ୍ଟା ୪୧ ମିନିଟ୍ ସମୟ ଲାଗିଥିଲା। ଏହି ଭାଷଣରେ ୧୮ ହଜାର ୯୨୬ ଶବ୍ଦ ଥିଲା। ଏହି ଭାଷଣ ସହିତ ତାଙ୍କର ନାମ ଏ ପର୍ଯ୍ୟନ୍ତର ସବୁଠାରୁ ଲମ୍ବା ବଜେଟ୍ ଭାଷଣ ପଢ଼ିବାରେ ରେକର୍ଡ ରହିଛି। ଏହାପରେ ବର୍ଷ ୨୦୨୧ରେ ତାଙ୍କ ବଜେଟ୍ ଭାଷଣର ଅବଧି ହ୍ରାସ ପାଇ ୧ ଘଣ୍ଟା ୫୦ ମିନିଟ୍ ରହିଥିଲା। ଏବେ ଚତୁର୍ଥ ଥର ୨୦୨୨ରେ ସେ ମାତ୍ର ୧ ଘଣ୍ଟା ୩୨ ମିନିଟରେ ହିଁ ବଜେଟ୍ ଭାଷଣ ପୂରା କରି ଦେଇଥିଲେ।
୨୦୨୦ରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ୨ ଘଣ୍ଟା ୪୦ ମିନିଟର ବଜେଟ୍ ଭାଷଣ ପଢ଼ିଥିଲେ। ୨୦୧୯ରେ ସେ ୨ ଘଣ୍ଟା ୧୫ ମିନିଟରେ ବଜେଟ୍ ଭାଷଣ ପୂରା କରିଥିଲେ। ୨୦୦୩ରେ ତତ୍କାଳୀନ ଅର୍ଥମନ୍ତ୍ରୀ ଯସୱନ୍ତ ସିଂ ୨ ଘଣ୍ଟା ୧୩ ମିନିଟର ବଜେଟ୍ ଭାଷଣ ପଢ଼ିଥିଲେ। ୨୦୧୪ରେ ତତ୍କାଳୀନ ଅର୍ଥମନ୍ତ୍ରୀ ଅରୁଣ ଜେଟଲୀ ବଜେଟ୍ ଭାଷଣ ପାଇଁ ୨ ଘଣ୍ଟା ୧୦ ମିନିଟ୍ ସମୟ ନେଇଥିଲେ।
ଶବ୍ଦ ଅନୁସାରେ ଦେଖିଲେ, ନିର୍ମଳା ସୀତାରମଣଙ୍କ ପରେ ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ୧୯୯୧ରେ ୧୮,୬୫୦ ଶବ୍ଦର ବଜେଟ୍ ଭାଷଣ ପଢ଼ିଥିଲେ। ଏ ପର୍ଯ୍ୟନ୍ତର ସବୁଠାରୁ ଛୋଟ ବଜେଟ୍ ଭାଷଣର ରେକର୍ଡ ୧୯୭୭ରେ ହିରୁଭାଇ ଏମ୍ ପଟେଲଙ୍କ ନାମରେ ରହିଛି। ସେ ସେହି ସମୟରେ ମଧ୍ୟବର୍ତ୍ତୀ ବଜେଟ୍ ଉପସ୍ଥାପନ କରି ୮୦୦ ଶବ୍ଦର ସବୁଠାରୁ ଛୋଟ ବଜେଟ୍ ଭାଷଣ କିଛି ହିଁ ମିନିଟରେ ପୂରା କରି ଦେଇଥିଲେ।
ଢୋଲ-ମହୁରୀ ସାଙ୍ଗକୁ ବାଜା-ବାଜଣାରେ ଅତି ଧୁମଧାମରେ ଚାଲିଛି ଠାକୁରାଣୀଙ୍କ ସାହି ପରିକ୍ରମା । ବିଶ୍ବାସ ରହିଛି, ମା’ଙ୍କ ଏହି ଅଲୌକିକ…
ଯାଜପୁର ଟାଉନ(କେନ୍ୟୁଜ୍): ନିର୍ବାଚନ ଡ୍ୟୁଟି ବେଳେ ଅଘଟଣ । କାର୍ଯ୍ୟରତ ବିଏଲଓଙ୍କ ଆକସ୍ମିକ ମୃତ୍ୟୁ । ମୃତକ ହେଲେ ମନୋରଞ୍ଜନ…
ପୁରୀ (କେନ୍ୟୁଜ) : ଶ୍ରୀମନ୍ଦିର ହୁଣ୍ଡିରୁ ମିଳିଛି ୧ କେଜି ୮ଶହ ମିଲିଗ୍ରାମ ସୁନା। ଆଉ ଏସବୁ ହେଉଛି ସୁନା…
ବଲିଉଡ ଭାଇଜାନଙ୍କୁ ହତ୍ୟା କରିବା ଷଡଯନ୍ତ୍ର ଉଦ୍ୟମ ପଣ୍ଡ । ନଭି ମୁମ୍ବାଇରେ ଥିବା ପନ୍ଭେଲ ସ୍ଥିତ ଫାର୍ମ ହାଉସରେ…
ପୁରୀ(କେନ୍ୟୁଜ୍):ପୁରୀ ନରେନ୍ଦ୍ର ପୁଷ୍କରିଣୀ ବାଣ ବିସ୍ପୋରଣ ମାମଲାରେ ଆଉ ୨ଜଣଙ୍କ ମୃତ୍ୟୁ । ଏଥିସହ ମୃତ୍ୟୁସଂଖ୍ୟା ୮କୁ ବୃଦ୍ଧି ପାଇଛି…
ଅନନ୍ଦପୁର(କେନ୍ୟୁଜ୍): ଆଜିକା ସମୟରେ ମହିଳାଙ୍କ ପାଇଁ ଅସମ୍ଭବ ବୋଲି କିଛି ନାହିଁ । ତେବେ ଏଥିପାଇଁ କେବଳ ଆବଶ୍ୟକ ଗଭୀର…