Image Credit: The Print
ଶ୍ରୀଲଙ୍କାରେ ଭୟଙ୍କର ଆର୍ଥିକ ସଙ୍କଟ। ସ୍ଥିତି ଏମିତି ହୋଇଛି ଯେ ଲୋକଙ୍କୁ ଚିକିତ୍ସା ବି ମିଳିପାରୁନି। ଶ୍ରୀଲଙ୍କାର ଏଭଳି ସମୟରେ ସହାୟତାର ହାତ ବଢ଼ାଇଛି ପଡ଼ୋଶୀ ଭାରତ। ଭାରତର ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର ଆଜି ଶ୍ରୀଲଙ୍କାରେ ଭାରତୀୟ ଉଚ୍ଚାୟୁକ୍ତଙ୍କ କଥା ହୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ଥିବା ରୋଗୀଙ୍କ ସହାୟତା ପାଇଁ ଆଲୋଚନା କରିଛନ୍ତି। ଏଠାରେ ଏକ ହସ୍ପିଟାଲରେ ମେଡିସନ୍ ଅଭାବରୁ ରୋଗୀଙ୍କ ସର୍ଜରୀ ବନ୍ଦ କରାଯାଇଥିଲା। ଯାହା ଜାଣିବା ପରେ ଭାରତ ସାହାଯ୍ୟ କରିବାକୁ ହାତ ବଢ଼ାଇଛି। ଏସ୍ ଜୟଶଙ୍କର କହିଛନ୍ତି, ଶ୍ରୀଲଙ୍କାର ଦୟନୀୟ ଆର୍ଥିକ ସ୍ଥିତି ମଧ୍ୟରେ ସେ ସେଠାକାର ଜଣେ ସାମ୍ବାଦିକଙ୍କ ଟ୍ଵିଟ୍ ପଢ଼ିଥିଲେ, ଯାହା ତାଙ୍କୁ ବ୍ୟଥିତ କରିଛି। ଏଣୁ ସେ ସହାୟତାର ହାତ ବଢ଼ାଇଛନ୍ତି।
ଶ୍ରୀଲଙ୍କାର ସାମ୍ବାଦିକ ଅୟୁବୋବନ#EconomicCrisisLK ସହ ଟ୍ଵିଟ୍ କରି ଲେଖିଥିଲେ- ମେଡିସିନ୍ ଅଭାବରୁ ପେରାଡେନିୟା ହସ୍ପିଟାଲରେ ଏକ ସର୍ଜରୀକୁ ରୋକି ଦିଆଯାଇଛି। ଏଠାରେ ଏବେ କେବଳ ଜରୁରୀକାଳୀନ ଅପରେସନ୍ ହେଉଛି।
ସାମ୍ବାଦିକଙ୍କ ଏହି ଟ୍ଵିଟ୍ ସହ #NeighbourhoodFirst ଲେଖି ବୈଦେଶିକ ମନ୍ତ୍ରୀ ଜୟଶଙ୍କର ଲେଖିଛନ୍ତି- ଏହି ଖବର ଶୁଣି ଖୁବ୍ ବ୍ୟଥିତ। ମୁଁ ଉଚ୍ଚାୟୁକ୍ତଙ୍କୁ ଏହି ମାମଲା ବୁଝିବାକୁ କହୁଛି। ଭାରତ ଏଥିପାଇଁ କେମିତି ସାହାଯ୍ୟ କରିପାରିବ ସେ ନେଇ ମୁଁ ଗୁରୁତ୍ୱ ଦେଉଛି।
ସୂଚନାଯୋଗ୍ୟ ଯେ ଏବେ ଶ୍ରୀଲଙ୍କାରେ ଭୟଙ୍କର ଆର୍ଥିକ ସଙ୍କଟ ଦେଖାଦେଇଛି। ୨୦୨୦ ପରଠାରୁ ଶ୍ରୀଲଙ୍କାର ବୈଦେଶିକ ମୁଦ୍ରା ଭଣ୍ଡାର ୭୦ ପ୍ରତିଶତ ହ୍ରାସ ପାଇଛି। ଫଳରେ ଦେଶରେ ଖାଦ୍ୟ ଓ ଇନ୍ଧନର ଆବଶ୍ୟକତା ପୂରଣ ହୋଇପାରୁନି। ସ୍ଥିତି ଏମିତି ହୋଇଛି ଯେ ଶ୍ରୀଲଙ୍କାର ଲୋକମାନେ ଏବେ ଦେଶ ଛାଡ଼ି ଯିବା ଆରମ୍ଭ କଲେଣି। ଶ୍ରୀଲଙ୍କାର ଏଭଳି ବିପଦପୂର୍ଣ୍ଣ ସ୍ଥିତିରେ ଭାରତ ୧ ବିଲିୟନ୍ ଡଲାର ଋଣ ସହାୟତା ପ୍ରଦାନ କରିବାକୁ ଘୋଷଣା କରିଛି।
ମେଷ: ଦିନଟି ଆପଣଙ୍କର ଲାଭଦାୟକ ରହିବ । ସ୍ୱାସ୍ଥ୍ୟ ପ୍ରତି ଧ୍ୟାନ ଦେବାକୁ ପଡିବ । ପରିବାରରେ ସୁଖ ମିଳିବ…
ଭୁବନେଶ୍ୱର(କେନ୍ୟୁଜ୍): ଅନ୍ତର୍ଜାତୀୟ ଭଲିବଲ୍ ସଂଘ (ଏଫଆଇଭିବି) ପକ୍ଷରୁ ନୂଆ କରି ଗଠନ କରାଯାଇଥିବା ଏଫଆଇଭିବି ଭଲିବଲ୍ ଫାଉଣ୍ଡେସନର ପ୍ରତିଷ୍ଠାତା ସହଯୋଗୀ…
ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ…
ଭଦ୍ରକ: ୪ ବର୍ଷ ତଳେ ହୋଇଥିଲା ବାହାଘର । ଅଗ୍ନିକୁ ସାଖି ରଖି ସାରା ଜୀବନ ପାଇଁ ପରସ୍ପର ସାଥି…
ଭୁବନେଶ୍ୱର(କେନ୍ୟୁଜ୍): ସରିଲା ଗଣତନ୍ତ୍ରର ମହାପର୍ବ । ଓଡିଶାରେ ଚତୁର୍ଥ ତଥା ଅନ୍ତିମ ପର୍ଯ୍ୟାୟ ନିର୍ବାଚନରେ ୬ଟି ଲୋକସଭା ଓ ୪୨…
ଭଦ୍ରକ (କେନ୍ୟୁଜ୍): ବୁଥ ସାମ୍ନାରେ ହାଣିଲା ସ୍ୱାମୀ । ସ୍ତ୍ରୀକୁ ମେଡିକାଲରେ ମୃତ ଘୋଷଣା କଲେ ଡାକ୍ତର । ତେବେ…