ନବରଙ୍ଗପୁର(କେନ୍ଯୁଜ୍): କାଳ ହେଲା ବେଆଇନ ବିଦ୍ୟୁତ ସଂଯୋଗ । ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ପ୍ରଧାନୀଗୁଡା ଗ୍ରାମରେ ଘଟି ଯାଇଛି ଏହି ଅଭାବନୀୟ ଘଟଣା । ବେଆଇନ ବିଦ୍ୟୁତ୍ ତାର ସଂସ୍ପର୍ଶରେ ଆସି ଜେଜେଙ୍କର ମୃତ୍ଯୁ ହୋଇଥିବାବେଳେ, ନାତି ନାତୁଣୀଙ୍କୁ ଗୁରୁତର ଅବସ୍ଥାରେ ପାପଡାହାଣ୍ଡି ମେଡିକାଲରେ ଭର୍ତ୍ତି କରାଯାଇଛି ।
ଗ୍ରାମର ଗେଡ ସାହିର ଜଣେ ବ୍ଯକ୍ତିଙ୍କ ଘରକୁ ବେଆଇନ ଭାବରେ ବିଦ୍ୟୁତ ଖୁଣ୍ଟରୁ ହୁକ୍ ପକାଯାଇ ବିଦ୍ୟୁତ୍ ସଂଯୋଗ କରାଯାଇଥିଲା । ଲାଇବାନ ଗେଡ ନାମକ ଜଣେ ବ୍ଯକ୍ତି ଗତକାଲି ସଂନ୍ଧ୍ଯା ୫ଟା ବେଳେ ମାଛ ଧରିବା ପାଇଁ ମାଛ ଜାଲ ଧରି ଘରୁ ବାହାରକୁ ବାହାରିଥିଲେ । ତାଙ୍କ ମାଛ ଜାଲଟି ଉକ୍ତ ବିଦ୍ୟୁତ ତାର ସଂସ୍ପର୍ଷ ରେ ଆସିବାରୁ ତାରଟି ଛିଡି ତାଙ୍କ ଉପରେ ପଡିଯାଇଥିଲା । ବିଦ୍ୟୁତ ତାର ସଂସ୍ପର୍ଶରେ ଆସି ଲାଇବନ ଗୁରୁତର ଭାବେ ଛଟପଟ ହେଉଥିବା ଦେଖି ତାଙ୍କ ନାତି ଓ ନାତୁଣୀ ତାଙ୍କୁ ବଞ୍ଚାଇବାକୁ ଚେଷ୍ଟା କରିବା ସମୟରେ ସେମାନେ ଦୁହେଁ ବି ଗୁରୁତର ହୋଇଥିଲେ ।
ଏହି ଘଟଣା ଦେଖି ଗ୍ରାମବାସୀ ତୁରନ୍ତ ଘଟଣା ସ୍ଥଳରେ ପହଞ୍ଚି ବିଦ୍ୟୁତ ତାରକୁ ବିଦ୍ୟୁତ ଖୁଣ୍ଟରୁ ବାହାର କରିଦେଇଥିଲେ । ସମସ୍ତଙ୍କୁ ଗୁରୁତର ଅବସ୍ଥାରେ ପାପଡାହାଣ୍ଡି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତୀ କରାଯାଇଥିଲା । ତେବେ ଡାକ୍ତରଖାନାରେ ଲାଇବନଙ୍କୁ ଡାକ୍ତର ମୃତ ଘୋଷଣା କରିଥିଲେ । ଏ ନେଇ ପାପଡାହାଣ୍ଡି ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇ ତଦନ୍ତ ଜାରି ରଖିଛି ପୋଲିସ୍ ।
ସୁବର୍ଣ୍ଣପୁର: କେତେ ପରିଶ୍ରମ କରି ଧାନ ଚାଷ କରିଥିଲେ ଚାଷୀ । ଭାବିଥିଲେ ଧାନ ବିକି କିଛି ଅର୍ଥ ରୋଜଗାର…
ନିର୍ବାଚନ ଫଳାଫଳ ଘୋଷଣା ପରେ ଗ୍ରାହକଙ୍କୁ ଝଟକା ଦେଲେ ସରକାର । ପେଟ୍ରୋଲ ଓ ଡିଜେଲ ଉପରେ ସେଲ୍ସ ଟାକ୍ସ…
ରାୟଗଡ଼ା କାଶୀପୁରରେ ଅଜଣା ରୋଗରେ ମୃତ୍ୟୁ ଘଟଣାରେ ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ । ଅଜଣା ରୋଗରେ ମୃତ୍ୟୁ ଘଟଣାରେ…
ଅକ୍ଷୟ କୁମାର ତାଙ୍କର ବହୁ ପ୍ରତୀକ୍ଷିତ ଫିଲ୍ମ 'ସରଫିରା' କୁ ନେଇ ଏକ ନୂଆ ଅପ୍ଡେଟ୍ ସେୟାର କରିଛନ୍ତି ।…
ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପତ୍ନୀ ସୁନୀତା କେଜ୍ରିୱାଲଙ୍କୁ ଦିଲ୍ଲୀ ହାଇକୋର୍ଟଙ୍କ କଡ଼ା ନିର୍ଦ୍ଦେଶ । ସୋସିଆଲ ମିଡିଆ ପ୍ଲାଟଫର୍ମ ‘X’ରୁ…
ଯଦି ଆପଣ ଭିଭୋର ଜଣେ ଫ୍ୟାନ୍ ଏବଂ ଏକ ନୂଆ ସ୍ମାର୍ଟଫୋନ୍ କିଣିବାକୁ ଚାହୁଁଛନ୍ତି, ତେବେ ଆପଣଙ୍କ ପାଇଁ ଏକ…