କେନ୍ୟୁଜ୍(ବ୍ୟୁରୋ): ‘ମୁଝେ ଇଶ ଦେଶକି ରକ୍ଷା କରନେ ସେ କୋଇ ନେହିଁ ରୋକ ସକତା, ଇଣ୍ଡିଆ ଇଜ ଇନ୍ଦିରା ଏଣ୍ଡ ଇନ୍ଦିରା ଇଜ ଇନ୍ଦିରା’ ଏପରି ଦମଦାର ଡାଏଲଗରେ କମ୍ପି ଉଠିବ ବକ୍ସ ଅଫିସ । ସେଦିନ ୧୯୭୫ ଜୁନ ୨୫ । ଠିକ ଆଜିର ଦିନ । ଭାରତ ଇତିହାସର ଅନ୍ଧାରି ମୂହୁର୍ତ୍ତ ଚାଲି ଆସିଥିଲା । କଙ୍ଗନା ରନାୱତଙ୍କ ସିନେମା ଏମରଜେନ୍ସିର ନୂଆ ଟିଜର ରିଲିଜ ହୋଇଛି । ଏହି ସିନେମାର କାହାଣୀ ୧୯୭୫ରେ ଭାରତରେ ଲାଗିଥିବା ଏମରଜେନ୍ସିକୁ ଗଢି ଉଠିଛି । ସିନେମାର ଟେଲରରେ ସାରା ଦେଶରେ ହିଂସା ଦେଖା ଦେଇଥିବାର ଦୃଶ୍ୟକୁ ଦେଖାଯାଇଛି । ସିନେମାରେ କଙ୍ଗନା ରନାୱତ ଇନ୍ଦିରା ଗାନ୍ଧୀଙ୍କ ଭୂମିକାରେ ନଜର ଆସିଛନ୍ତି । ସେ ଦେଶର ରକ୍ଷା ପାଇଁ ଶପଥ ନେଉଥିବା ଦୃଶ୍ୟ ନଜର ଆସିଛି । ଏହାସହ ଏପରି ଏକ ଦମଦାର ଡାଏଲଗ ମଧ୍ୟ ଶୁଣିବାକୁ ମିଳିଛି ।
କଙ୍ଗନାଙ୍କ ସିନେମା ଏମରଜେନ୍ସିର ଅପେକ୍ଷା ଦର୍ଶକ ବହୁ ପୂର୍ବରୁ କରିଥିଲେ । ଏହି ସିନେମାରେ ସେ ଭାରତର ପୂର୍ବ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକା ନିଭାଉଛନ୍ତି । ଏହା ପୂର୍ବରୁ ଫିଲ୍ମର ଏକ ଟିଜର ରିଲିଜ ହୋଇ ସାରିଥିଲା । ଯେଉଁଥିରେ ସିନେମାରେ କଙ୍ଗନାଙ୍କ ଲୁକକୁ ବାହାରକୁ ଅଣାଯାଇଥିଲା । ଏବେ ଆସିଥିବା ଦ୍ବିତୀୟ ଟିଜରରେ କଙ୍ଗନା ନିଜ ଦେଶର ରକ୍ଷା ପାଇଁ ଶପଥ ନେଉଥିବା ନଜର ଆସୁଛନ୍ତି । ଟିଜରରେ ତାଙ୍କର ଡାଏଲଗ ରହିଛି ‘ଇଣ୍ଡିଆ ଇଜ ଇନ୍ଦିରା ଏଣ୍ଡ ଇନ୍ଦିରା ଇଜ ଇଣ୍ଡିଆ’ ।
ଟିଜରର ଆରମ୍ଭ ୨୫ ଜୁନ ୧୯୭୫ରୁ ହୋଇଛି । ସବୁଆଡ଼େ ହିଂସା ଜାରି ରହିଛି । ଲୋକଙ୍କୁ ପୋଲିସ ଉପରେ ପଥର ମାଡ଼ କରୁଥିବାର ଦେଖିବାକୁ ମିଳିଛି । ପୋଲିସ ବି ଲୋକଙ୍କୁ ରୋକିବାକୁ ଚେଷ୍ଟା କରୁଛି । ଏହାପରେ ଏହି ଦୃଶ୍ୟର ଖବର କାଗଜ କଟିଂର ଦୃଶ୍ୟ ସାମନାକୁ ଆସିଛି । ଯେଉଁଥିରେ ଲେଖାଅଛି ଭାରତରେ ଏମରଜେନ୍ସି ଲାଗୁ କରାଯାଇଛି । ଦ୍ବିତୀୟ ଦୃଶ୍ୟରେ ଜୟପ୍ରକାଶ ନାରାୟଣଙ୍କ ଭୂମିକାରେ ଅନୁପମ ଖେରଙ୍କୁ ଜେଲରେ ବନ୍ଦି ହେବାର ଦେଖିବାକୁ ପାଇବେ । ସେଥିରେ ସେ କହୁଛନ୍ତି ‘ଭାରତ କେ ଇତିହାସ କି ସବସେ ଅନ୍ଧେର ଘଡ଼ି ଆ ଚୁକି ହେ । ସରକାର ରାଜ ନେହିଁ ଅଂହକାର ରାଜ ହେ ଇଏ । ଇଏ ହମାରୀ ନେହିଁ ଇଶ ଦେଶ କୀ ମୋତ ହେ। ଇଶ ତାନାଶାହି କୋ ରୋକନା ହୋଗା’ ।
ଏହାରି ଭିତରେ ଆପଣଙ୍କୁ ଟିଭି ଚାନେଲର ଟେଲିକାଷ୍ଟ ବନ୍ଦ ହେବାର ଓ ଆନ୍ଦୋଳନ କରୁଥିବା ଲୋକଙ୍କ ଦୃଶ୍ୟ ଦେଖିବାକୁ ମିଳିବ । ଟିଜର ଶେଷରେ କଙ୍ଗନା ଇନ୍ଦିରାଙ୍କ ଲୁକରେ ନଜର ଆସିବେ । ଏଥିରେ ତାଙ୍କର ଡାଏଲଗ ରହିଛି ‘ମୁଝେ ଇଶ ଦେଶକି ରକ୍ଷା କରନେ ସେ କୋଇ ନେହିଁ ରୋକ ସକତା, ଇଣ୍ଡିଆ ଇଜ ଇନ୍ଦିରା ଏଣ୍ଡ ଇନ୍ଦିରା ଇଜ ଇନ୍ଦିରା’ ।
କଙ୍ଗନା ସିନେମାକୁ ନେଇ କହିଛନ୍ତି ଏମରଜେନ୍ସି ଆମର ଇତିହାସର ଏକ ମହତ୍ବପୂର୍ଣ୍ଣ ବିଷୟ । ଯାହା ବାବଦରେ ଯୁବ ଭାରତକୁ ଜାଣିବା ନିହାତି ଜରୁରୀ । ଏହି ସିନେମାର ନିର୍ଦ୍ଦେଶନା ଦେଇଛନ୍ତି ନିଜେ କଙ୍ଗନା । ୨୪ ନଭେମ୍ବର ୨୦୨୩ରେ ଏହି ସିନେମା ସାରା ବିଶ୍ବରେ ରିଲିଜ ହେବାକୁ ଯାଉଛି ।
ଭୁବନେଶ୍ୱର(କେନ୍ୟୁଜ୍) : ରାଜ୍ୟରେ ଚତୁର୍ଥ ତଥା ଶେଷ ପର୍ଯ୍ୟାୟ ନିର୍ବାଚନ ପାଇଁ ଶାନ୍ତିଶୃଙ୍ଖଳାର ସହ ଚାଲିଛି ଭୋଟଗ୍ରହଣ । ଦିନ…
ଝାଡ଼ଖଣ୍ଡର ଧନବାଦରେ ଏକ ମାଛ ବୋଝେଇ ଗାଡ଼ି ଦୁର୍ଘଟଣାର ଶିକାର ହୋଇଛି । ଏଠାରେ ରାସ୍ତାରେ ଯାଉଥିବା ବେଳେ ଗାଡ଼ିଟି…
ଭୁବନେଶ୍ୱର(କେନ୍ୟୁଜ୍) : ପ୍ରବଳ ଖରାକୁ ଦୃଷ୍ଟିରେ ରଖି ରାଜ୍ୟବାସୀଙ୍କୁ ସତର୍କ କଲେ ମୁଖ୍ୟ ସଚିବ ପ୍ରଦୀପ ଜେନା । ଗତ…
ମହାନତା ଦେଖାଇଲେ ଶିକ୍ଷୟତ୍ରୀ । ସ୍ୱାମୀଙ୍କ ଶ୍ରାଦ୍ଧ ବାର୍ଷିକ ଅବସରରେ ମେଧାବୀ ଛାତ୍ର ଛାତ୍ରୀଙ୍କୁ ଆର୍ଥିକ ସହାୟତା ରାଶି ପ୍ରଦାନ…
ଭୁବନେଶ୍ୱର (କେନ୍ୟୁଜ୍): ରାଜ୍ୟର ବିଭିନ୍ନ ଜିଲ୍ଲାରେ ଅସ୍ୱାଭାବିକ ମୃତ୍ୟକୁ ନେଇ ସ୍ୱାସ୍ଥ୍ୟ ନିର୍ଦ୍ଦେଶକଙ୍କ ପ୍ରତିକ୍ରିୟା । ମୃତ୍ୟୁର କାରଣ ଜାଣିବାକୁ…
କାକଟପୁର(କେନ୍ୟୁଜ୍): ଆଜି ଶେଷ ପର୍ଯ୍ୟାୟରେ କାକଟପୁର ନିର୍ବାଚନ ମଣ୍ଡଳୀରେ ୨୮୦ଟି ବୁଥରେ ଭୋଟ ଗ୍ରହଣ କାର୍ଯ୍ୟ ଚାଲୁରହିଛି । ଏହି…