କାର୍‌ ଉପରେ ଦୋକାନ! ବ୍ୟକ୍ତି କଲେ ଅଜବ ଯୋଗାଡ଼, ମାରୁତି ୮୦୦ ଛାତ କାଟି ମେଲାଇ ଦେଲେ ନିଜ ପାନର ପସରା

ନିକଟରେ ଜଣେ ବ୍ୟକ୍ତି ନିଜ ଯୋଗାଡ଼ ଦ୍ୱାରା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛନ୍ତି। ଦାବି କରାଯାଉଛି କି, ଏହି ମାମଲା ଉତ୍ତର ପ୍ରଦେଶ ଲକ୍ଷ୍ନୌର। ଏଠାରେ ବ୍ୟକ୍ତି ଜଣକ କାର୍‌ ଉପରେ ହିଁ ନିଜର ଦୋକାନ ତିଆରି କରିଛନ୍ତି। ସେ ମାରୁତି ୮୦୦ର ଛାତ କାଟି ନିଜର ଛୋଟିଆ ଦୋକାନଟିଏ ଖୋଲିଛନ୍ତି, ଯାହାକି ସ୍ଥାନୀୟ ଅଞ୍ଚଳରେ ଆକର୍ଷଣର କେନ୍ଦ୍ରବିନ୍ଦୁ ପାଲଟିଛି। କେହି କେହି ଏହାକୁ ଦେଖି କହୁଛନ୍ତି, ଏହି ଟେକ୍ନିକ୍‌ ଦେଶ ବାହାରକୁ ଯିବା ଉଚିତ୍‌ ନୁହେଁ।

ଏହି ଫଟୋ ଫେସ୍‌ବୁକରୁ ନେଇ ସୋସିଆଲ ମିଡିଆର ସମସ୍ତ ପ୍ଲାଟଫର୍ମରେ ଭାଇରାଲ ହେଉଛି। ଏହାକୁ ଟ୍ଵିଟରରେ ଆଇପିଏସ୍‌ ଅଧିକାରୀ ପଙ୍କଜ ନୈନ ସେୟାର କରିଛନ୍ତି ଏବଂ କ୍ୟାପସନରେ ଲେଖିଛନ୍ତି, ‘ଏହା ବହୁତ ଇନୋଭେଟିଭ୍‌’। କିଛି ୟୁଜର ଏହାକୁ ଚଳନ୍ତା ପାନ ଦୋକାନ ବୋଲି କହିଛନ୍ତି। କିଛି ଜଣଙ୍କ ମତରେ, ଏମିତି ଯୋଗାଡ଼ ସେମାନେ ପୂର୍ବରୁ କେବେ ଦେଖି ନ ଥିଲେ। ଏହା ପ୍ରକୃତରେ ସବୁଠୁ ନିଆରା ଯୋଗାଡ଼।

ଦୋକାନର ଏକ ଭିଡିଓ ମଧ୍ୟ ରହିଛି, ଯାହାକୁ @MANAVSINGH_IND ନାମକ ଟ୍ଵିଟର ହ୍ୟାଣ୍ଡେଲରୁ ୨୩ ନଭେମ୍ବରରେ ସେୟାର କରାଯାଇଥିଲା। ଏହାର କ୍ୟାପସନ ଲେଖା ହୋଇଥିଲା, ‘କାଲି ସନ୍ଧ୍ୟାରେ ମୁଁ ଭାଇଙ୍କ ଦୋକାନ ଯାଇଥିଲି ଏବଂ ଗୋଟିଏ ମିଠା ପାନ ଖାଇଲି। ନିଜର କିଛି ରୋଜଗାର ପାଇଁ ଭାଇ ଭଲ ମୁଣ୍ଡ ଖଟାଇଛନ୍ତି ଏବଂ କାରକୁ ହିଁ ଦୋକାନ କରି ଦେଇଛନ୍ତି। ଭାଇଙ୍କ ବ୍ୟବହାର ବହୁତ ଭଲ ଏବଂ ପଇସା ରୋଜଗାର ପାଇଁ ଏମିତି ପଦକ୍ଷେପ ଉଠାଇବା କୌଣସି ଭୁଲ୍‌ କାମ ନୁହେଁ’। ଭାଇରାଲ ଭିଡିଓରେ ଦେଖାଯାଇ ପାରିବ କି, ବ୍ୟକ୍ତି ଜଣକ ମାରୁତି ୮୦୦ କାର୍‌ର ଛାତ ଉପରେ ଏକ ଦୋକାନର ସେଟ୍‌ଅପ ଭିତରେ ବସିଛନ୍ତି।